Admin

ការប្រកួតកីឡាបាល់ទះជើងឯកពិភពលោក FIVB Men’s Volleyball World Championship ឆ្នាំ ២០២៥ បានបញ្ចប់ជាផ្លូវការ ដោយក្រុមជម្រើសជាតិ អ៉ីតាលី​ ក្លាយជាម្ចាស់ជើងឯក ប៉ុន្តែអ្វីដែលចាប់អារម្មណ៍បំផុតមួយទៀត គឺស្មាត់វ័យក្មេងរបស់ក្រុមជម្រើសជាតិ ប៊ុលហ្គារី កីឡាករ Aleksandar Nikolov បានរះឡើង ដោយជាប់ឈ្មោះ ជាស្មាត់កំពូលបំផុតម្នាក់នៅក្នុងព្រឹត្តិការណ៍នេះ។ Aleksandar Nikolov ដែលបច្ចុប្បន្នមានវ័យ ២១ ឆ្នាំ បានក្លាយជាកម្លាំងចលករដ៏សំខាន់ ក្នុងការជួយឱ្យក្រុមជម្រើសជាតិ ប៊ុលហ្គារី ឡើងមកកាន់វគ្គផ្តាច់ព្រ័ត្រពានបាល់ទះជើងឯកពិភពលោក ២០២៥។ ថ្វីដ្បិតអ្នកលេងតួនាទីស្មាត់ស្តាំរូបនេះ មិនអាចជួយឱ្យ ប៊ុលហ្គារី ឈ្នះជើងឯក បន្ទាប់ពីចាញ់ អ៉ីតាលី នៅវគ្គផ្តាច់ព្រ័ត្រក្នុងលទ្ធផល ៣ សិត ០ ក៏ពិតមែន ប៉ុន្តែកំណត់ត្រាដ៏លេចធ្លោ​របស់គេ ត្រូវបានចារទុកជាដរាបនៅក្នុងព្រឹត្តិការណ៍ដ៏ធំក្នុងពិភពលោកមួយនេះ។ នៅក្នុងព្រឹត្តិការណ៍បាល់ទះជើងឯកពិភពលោក ឆ្នាំ ២០២៥ កីឡាករ Aleksandar Nikolov បានធ្វើរឿងមិននឹកស្មានមួយ ដោយរូបគេបានស្ថិតនៅចំណាត់ថ្នាក់លើស្មាត់កំពូលៗក្នុងពិភពលោកជាច្រើន ក្នុងនាមជាអ្នករកពិន្ទុច្រើនបំផុតសម្រាប់ព្រឹត្តិការណ៍។ កីឡាករ​រកពិន្ទុសរុបបានរហូតដល់ទៅ ១៧៣ […]

អ្នកចាត់ការក្លឹប Barcelona លោក Hansi Flick ត្រូវប្រឈមមុខនឹងក្រុមខ្លាំង Paris St Germain ក្នុងវគ្គចែកពូល Champions League នៅថ្ងៃពុធ ហើយក្រុមមកពីបារាំងនេះបានបង្កបញ្ហាដល់ក្រុមអេស្ប៉ាញក្នុងរយៈពេលប៉ុន្មានឆ្នាំចុងក្រោយយ៉ាងខ្លាំង។ ក្រុមអេស្ប៉ាញBarcelonaត្រូវបានជំរុញទឹកចិត្តដោយការវិលត្រឡប់របស់ខ្សែប្រយុទ្ធវ័យជំទង់ Lamine Yamal ទល់នឹងក្រុមការពារជើងឯកបារាំងដែលបានទម្លាក់ពួកគេក្នុងវគ្គ 16 ក្រុមចុងក្រោយឆ្នាំ 2021 និងវគ្គ 1/4 ផ្តាច់ព្រ័ត្រឆ្នាំ 2024 ដោយឈ្នះលើការទៅលេងពីរលើកចុងក្រោយរបស់ពួកគេនៅកីឡដ្ឋាន Camp Nou ។ ទោះជាយ៉ាងណាក៏ដោយការប្រកួតលើកនេះមានការប្រែប្រួលខ្លាំង ដោយភាគីទាំងសងខាងមានកីឡាកររបួសច្រើនដូចគ្នា។ PSG នឹងគ្មានវត្តមានប្រធានក្រុម Marquinhos អ្នកឈ្នះ Ballon d’Or ខ្សែប្រយុទ្ធ Ousmane Dembele, Khvicha Kvaratskhelia និង Desire Doue និងអ្នកចាំទី Joan Garcia ចំណែក Barcelona អត់មានខ្សែប្រយុទ្ធ Raphinha និងខ្សែបម្រើ Gavi ទេ។

ក្រុមខ្លាំងៗសុទ្ធតែទទួលបានលទ្ធផលដូចការរំពឹងទុក ក្នុងចំណោម ៩ប្រកួតនៃប្រកួតទី២ នៃពានរង្វាន់អឺរ៉ុប UEFA Champions League 2025-26 យប់មិញ លើកលែងតែ Liverpool មួយប៉ុណ្ណោះ ដែលបានបរាជ័យ។ ក្រុមមកពីលីគអង់គ្លេស Premier League ហង្សក្រហម ដែលកំពុងឈរនៅចំណាត់ថ្នាក់លេខ៣ នៃកម្មវិធី UCL តាមរយៈឈ្នះពាននេះបាន ៦ដងស្មើជាមួយ Bayern Munich តាមពីក្រោយ AC Milan និង Real Madrid នោះ បានលេងចាញ់ម្ចាស់ផ្ទះ Galatasaray ១ទល់នឹង០ ក្នុងវគ្គសន្សំពិន្ទុ League Phase ដែលមាន ៣៦ក្រុម។ ក្នុងប្រកួត ៩០នាទីពេញនៅប្រទេសតួកគីនោះដែរ ខ្សែប្រយុទ្ធអន្តរជាតិនីហ្សេរីយ៉ា Victor Osimhen អតីតខ្សែប្រយុទ្ធក្លឹប Napoli ជាអ្នករកបានតែ ១គ្រាប់សម្រាប់ម្ចាស់ផ្ទះ Galatasaray ដោយបាល់ប៉េណាល់ទីនៅនាទី១៦ ពីការធ្វើឡើងនៅកីឡដ្ឋានដែលស្ថិតក្នុងទីក្រុង Istanbul តែម្តង។ ខាងក្រោមនេះ ជាលទ្ធផលនៃគូប្រកួតផ្សេងទៀតយប់មិញ

កីឡាករតេន្នីស Carlos Alcaraz ដែលបានឡើងទៅឈរនៅចំណាត់ថ្នាក់លេខ១ ពិភពលោកកាលពីថ្ងៃទី២២ ខែកញ្ញា បានគ្រងជើងឯកពាន Japan Open 2025 មុនពេលប្រកាសដកខ្លួនចេញពីកម្មវិធី Shanghai Open របស់ចិន ដែលបានចាប់ផ្តើមកាលពីថ្ងៃអង្គារម្សិលមិញ។ ជើងខ្លាំងអេស្ប៉ាញរូបនេះ បានឈ្នះពានទី៨ ហើយក្នុងកម្រិត ATP នៅក្នុងឆ្នាំនេះដែលត្រូវបានរៀបចំឡើង នៅទីក្រុង Tokyo ប្រទេសជប៉ុន។ ក្នុងជំនួបផ្តាច់ព្រ័ត្រនោះដែរ Alcaraz បានផ្តួលកីឡាករអាមេរិក Taylor Fritz ដោយលទ្ធផល ៦-៤ និង ៦-៤ នៅមុនពេលប្រកាសមិនចូលរួមកម្មវិធី Shanghai Open តាមរយៈការជូនដំណឹងនៅលើបណ្តាញសង្គម Instagram និងត្រូវបានដកស្រង់ចេញផ្សាយដោយ BBC ថា «វាជាការសម្រេចចិត្តដ៏ល្អបំផុតមួយ ដើម្បីយកពេលសម្រាក និងព្យាបាលរបួសឡើងវិញ»។ លោកថា «សំណាងមិនល្អ ខ្ញុំមានបញ្ហារបួសតិចតួច និងក្រោយពេលពិគ្រោះជាមួយក្រុមគ្រូពេទ្យរួចមក ពួកយើងជឿជាក់ថា នេះជាការសម្រេចចិត្តដ៏ត្រឹមត្រូវ និងមានពេលពង្រឹងកាយសម្បទាឡើងវិញទៀតផង»។ គួរជម្រាបផងថា Alcaraz មានបញ្ហារបួសកជើង នៅអំឡុងប្រកួតបើកឆាកជុំទី១ នៅឯកម្មវិធី Japan

កីឡាករ Antoine Griezmann រកបានគ្រាប់ទី ២០០ របស់គាត់សម្រាប់ក្លឹប Atletico Madrid ខណៈដែលពួកគេបានឈ្នះការប្រកួតនៅពានរង្វាន់ Champions League ជាលើកដំបូងរបស់ពួកគេក្នុងរដូវកាលថ្មីជាមួយនឹងជ័យជម្នះ ៥-១ លើក្រុម Eintracht Frankfurt កាលពីថ្ងៃអង្គារ។ អ្នកចាត់ការ Diego Simeoneត្រូវបាន UEFA ដាក់ពិន័យព្យួរមួយប្រកួតសម្រាប់ អាកប្បកិរិយាមិនល្អ ក្នុងពេលចាញ់ Liverpool ៣-២ ។ Atleti ត្រូវការពេលត្រឹមតែបួននាទីប៉ុណ្ណោះដើម្បីរកគ្រាប់បាល់ទីមួយដោយកីឡាករ Giacomo Raspadori។ ក្លឹបអេស្ប៉ាញបាននាំមុខពីរគ្រាប់បន្ថែមនៅកីឡដ្ឋាន Metropolitano នៅពេលដែលខ្សែការពារ Robin Le Normand ស៊ុតបញ្ចូលទីនៅនាទីទី៣៣។ បន្ទាប់មក នៅចុងម៉ោងពាក់កណ្តាលតង់អតីតខ្សែប្រយុទ្ធជម្រើសជាតិបារាំង Griezmann តកបានមួយគ្រាប់ហើយបានអបអរសាទរដោយកាន់អាវ ‘Grizi 200’ ទៅកាន់អ្នកគាំទ្រមានន័យថាជាគ្រាប់ទី២០០របស់គាត់។ កីឡាករJonathan Burkardt បានឆ្លើយតបសម្រាប់ក្រុមរបស់ Bundesliga ដើម្បីតាមពីក្រោយ ៣-១ ប៉ុន្តែ Atleti បានស្តារការនាំមុខបីគ្រាប់របស់ពួកគេឡើងវិញដោយបន្ថែមគ្រាប់បាល់ដោយកីឡាករ Simeone

អតីតអ្នក​ប្រដាល់​គុន​ចម្រុះ​ (MMA) ស៊ឹម​ ប៊ុនស្រ៊ន់​ ចាប់ផ្ដើម​ប្រឡូក​ និង​មាន​សកម្មភាព​ឡើង​វិញ​ហើយ​ក្នុង​វិស័យ​ប្រដាល់​នេះ​តាម​រយៈ​ការ​បង្កើត​ក្លឹប​ថ្មី​ និង​ការ​ហ្វឹកហាត់​ត្រៀម​ឡើង​ប្រកួត​ជា​ដើម។​ ស៊ឹម ប៊ុនស្រ៊ន់ បានឲ្យដឹងថា នៅពេលនេះរូបគេកំពុងដំណើរការបង្កើតក្លឹបប្រដាល់ថ្មីមួយដែលមានឈ្មោះថា «ក្លឹបប្រដាល់កសិកម្មរាមាគុនខ្មែរ» ដែលមានទីតាំងនៅជាប់ផ្លូវវាងស្គន់ ខេត្តកំពង់ចាម ដែលជាកន្លែងលក់កាហ្វេសបច្ចុប្បន្ននេះ។ អតីតអ្នកប្រដាល់រូបនេះបន្ថែមទៀតថា ក្លឹបប្រដាល់នេះកំពុងរៀបចំស្នើសុំច្បាប់ពីសហព័ន្ធឲ្យបានត្រឹមត្រូវដូចក្លឹបគេឯងដែរ។ ក្លឹបនេះនឹងបង្ហាត់ទាំងផ្នែកគុនខ្មែរ និងគុនចម្រុះ រួមទាំងហាត់បែបសុខភាពផង។ ម្ចាស់​ហាង​កាហ្វេកសិកម្ម​ខាង​លើ​បន្ត​ទៀត​ថា​ ងាក​មក​និយាយ​ពីខ្លួន​ឯង​វិញ​ក៏​កំពុង​ហ្វឹកហាត់​ជា​បណ្ដើរៗ​ហើយ​នៅ​ក្លឹប​ចាស់​ Cambodian Top Team​ ដើម្បី​ជា​ការ​ត្រៀម​ខ្លួន​សម្រាប់​វិល​ចូល​សង្វៀន​នា​ពេល​ឆាប់ៗ​​ខាង​មុខ។​ ប​ញ្ជាក់​ដែរ​ថា​ ស៊ឹម​ ប៊ុនស្រ៊ន់​ ជា​អតីត​កីឡាករ​ប្រដាល់​គុន​ខ្មែរ​ និង​គុន​ចម្រុះ​កាលពី​ជិត ​១០​ឆ្នាំ​មុន​ ប៉ុន្តែ​រូប​គេ​បាន​ផ្អាក​ឡើង​សង្វៀន​ងាក​ទៅ​បង្កើតមុខ​របរ​រក​ស៊ី​ផ្សេងដូច​ជា​លក់​ដើម​ឈើ​ និង​បើក​ហាង​កាហ្វេ​សមល្មម​មួយនៅ​ខេត្ត​កំពង់ចាម។​ យ៉ាងណា​យូរៗ​គេ​ឃើញ​ ប៊ុនស្រ៊ន់​ ឡើង​ប្រកួត​គុន​ចម្រុះ​ម្ដង។​ ថ្មីៗ​នេះ​គេ​ឃើញ​អតីត​អ្នក​ប្រដាល់​រូប​នេះ​បង្ហោះ​ LOGO ក្លឹប​ប្រដាល់​ថ្មី​ផង​ និង​ចូល​ហ្វឹកហាត់​ផង​ ដូច្នេះ​ចាប់​ពី​ពេល​នេះ​តទៅ​ប្រហែល​ឃើញ​រូប​គេ​ច្រើន​លើ​វិស័យ​ប្រដាល់​គុន​ខ្មែរ​នេះ​វិញហើយ៕​ ប្រភព៖ KAMPUCHEATHMEY

លោក Pep Muñoz អតីត​គ្រូ​បង្វឹក​ព្រះ​ខ័ន​រាជ​ស្វាយរៀង ត្រូវ​បាន​ក្លិប Shenzhen Peng City របស់​លីគ​កំពូល​ចិន​ចែក​ផ្លូវ​គ្នា​កាល​ពី​​ថ្ងៃ​ទី​៣០ ខែ​កញ្ញា ឆ្នាំ ២០២៥ បន្ទាប់​ពី​លោក​បាន​ទៅ​ដឹក​នាំ​នៅ​ទៅ​នោះ​​ជិត​ ៣ ខែ។ បុរស​សញ្ជាតិ​អេស្ប៉ាញ​រូប​នេះ​បាន​ដឹក​នាំក្លិប​ព្រះ​ខ័ន​រាជ​ស្វាយ​រៀង ពីរ​រដូវ​កាល​ដ៏​ជោគជ័យ​ដោយ​ឈ្នះ​ជើង​ឯកលីគ​កំពូល​កម្ពុជា ពីរ លើក ពាន​រង្វាន់​សម្តេច​តេជោ ហ៊ុន សែន ២ លើក ​ពាន​រង្វាន់​ខេមបូឌាន​ស៊ុបភើ​ខាប់ ១ លើក និង​ជើង​ឯក​រង​ពាន​រង្វាន់​អាស៊ី​កម្រិត​ទី​៣ AFC Challenge League មុន​ចាក​ចេញ​ទៅ​ដឹក​នាំ​ក្លិប​នៅ​លីគ​កំពូល​ចិន។ ទោះ​បី​ជា​យ៉ាង​ណា លោក Pep Muñoz បាន​ចូល​ទៅ​ដឹក​នាំ​ក្លិប Shenzhen Peng City នៅ​ពាក់​កណ្តាល​រដូវ​កាល ស្រប​ពេល​ក្លិប​មិនទាន់​មាន​ភាព​រឹង​មាំ​ស្រាប់​ផង។ សម្រាប់​ការ​ដឹក​នាំ​នៅ​ទី​នោះ​ប្រមាណ​ ១០ ប្រកួត ទទួល​បាន​ជ័យជម្នះ​តែ ២ ប្រកួត​ប៉ុណ្ណោះ ដោយ​ស្ថិត​នៅ​លេខ​ ១៣ មាន​គម្លាត​ពិន្ទុ​ពីតំបន់​កាត់​ចេញ​តែ ២ ពិន្ទុ​ប៉ុណ្ណោះ។ បន្ទាប់​ពីចែក​គ្នា​​ផ្លូវ​ការ លោកបាន​ប្រាប់«កម្ពុជា​ថ្មី​ថា»​ថា

ក្លិបអ្នកមានបុណ្យ FC Barcelona បានកំណត់គោលដៅលើខ្សែប្រយុទ្ធរបស់ Atletico Madrid កីឡាករ Julian Alvarez ជាគោលដៅផ្ទេរដ៏ធំនៅរដូវកាលក្តៅខាងមុខ។ នេះបើតាមការចុះផ្សាយដោយសារព័ត៌មាន Diario Sport។ ក្លិប​អ្នក​មានបុណ្យ Barcelona ហាក់បង្កើនការចាប់អារម្មណ៍​ខ្លាំងលើ​កីឡាករ​ Julian Alvarez នៅរដូវកាលនេះ បន្ទាប់ពីរូបគេបង្ហាញសមត្ថភាពលេចធ្លោ ដោយការលេង ៧ ប្រកួត​ដើម​រដូវកាល ២០២៥-២០២៦ រូបគេរកបាន ៦ គ្រាប់។ ខ្សែប្រយុទ្ធសញ្ជាតិ អាហ្សង់ទីន វ័យ ២៥ ឆ្នាំ ត្រូវបានគេមើលឃើញ ថា ជាបេក្ខភាពដ៏សក្តិសមបំផុត ដើម្បីមកជំនួសខ្សែប្រយុទ្ធចាស់វស្សា Robert Lewandowski ក្នុងរយៈពេលវែង ដែលត្រូវបានគេរំពឹង នឹងចាកចេញពីក្លិបក្នុងតំបន់ កាតាឡាន់ នៅចុងបញ្ចប់រដូវកាលនេះ។ គួរឱ្យដឹងថា Alvarez គឺនៅសល់កិច្ចសន្យា ជាមួយក្លិប At Madrid រយៈពេលវែងទៀត ពោលគឺដល់ខែ មិថុនា ឆ្នាំ ២០៣០។ ប្រសិនបើ

ប្រទេសរុស្ស៊ី និងបេឡារុស ទទួលបានសិទ្ធិជាសមាជិកពេញលេញក្នុងគណៈកម្មាធិការប៉ារ៉ាឡាំពិកអន្តរជាតិ (IPC) ត្រឡប់មកវិញ ក្រោយពេលសមាជិកនៃអង្គការកីឡាប៉ារ៉ាឡាំពិកបាននាំគ្នាបោះឆ្នោត លុបចោលការព្យួរនិងការពិន័យផ្សេងៗលើប្រទេសទាំង ២ នេះ អំឡុងកិច្ចប្រជុំមហាសន្និបាត IPC ក្នុងទីក្រុងសេអ៊ូល។ ដើមឡើយប្រទេសទាំង ២ ត្រូវបានហាមឃាត់មិនឱ្យបញ្ជូនអត្តពលិកមានពិការភាពរបស់ខ្លួនឱ្យចូលរួមការប្រកួតកីឡាប៉ារ៉ាឡាំពិក ចាប់តាំងពីឆ្នាំ ២០២២ ក្រោយពេលរុស្ស៊ីបានវាយលុកចូលប្រទេសអ៊ុយក្រែន ហើយបេឡារុសជាអ្នកបើកច្រកមួយសម្រាប់រុស្ស៊ី ក្នុងការវាយប្រហារនោះ។  កាលពីឆ្នាំ ២០២៤ នៅព្រឹត្តិការណ៍ប៉ារ៉ាឡាំពិកទីក្រុងប៉ារីស សមាជិក IPC បានបោះឆ្នោតលើកលែងឱ្យប្រទេសទាំង ២ ចូលប្រកួតវិញ តែអត្តពលិកត្រូវស្ថិតក្រោមឈ្មោះជាអត្តពលិកអព្យាក្រិត្យ ដោយមិនអនុញ្ញាតឱ្យប្រើភ្លេងជាតិ ទង់តំណាងជាតិក្នុងការប្រកួតឡើយ។  យ៉ាងណាមិញមកដល់ពេលនេះ សមាជិក IPC ក៏បានបោះឆ្នោតផ្តល់សិទ្ធិពេញលេញត្រឡប់ទៅកាន់ប្រទេសរុស្ស៊ី និងបេឡារុស ឡើងវិញ។ «សមាជិកនៃអង្គការ IPC បានបោះឆ្នោត ដើម្បីលើកការព្យួរនានា ទៅលើគណៈកម្មាធិការប៉ារ៉ាឡាំពិករបស់ប្រទេសរុស្ស៊ី និងបេឡារុស។ IPC ក៏នឹងធ្វើការងារជាមួយសមាជិកទាំង ២  ដើម្បីរៀបចំការអនុវត្តជាក់ស្តែងសម្រាប់ការផ្តល់សិទ្ធិឡើងវិញនេះ ឱ្យបានឆាប់តាមដែលអាចធ្វើទៅបាន។»។ នេះបើតាមសេចក្តីថ្លែងការណ៍របស់ IPC កាលពីថ្ងៃទី២៧ ខែកញ្ញា។ គណៈកម្មាធិការប៉ារ៉ាឡាំពិករុស្ស៊ី (RPC) បានស្វាគមន៍និងសាទរចំពោះការសម្រេចជាថ្មីរបស់

ទាំង Barcelona និង Paris Saint-Germain សុទ្ធតែមានក្តីព្រួយបារម្ភ ចំពោះបញ្ហាកីឡាករសំខាន់របួសដូចគ្នា មុនការប្រកួតរវាងក្រុមទាំង ២ ក្នុងពាន Champions League ក្នុងវគ្គសន្សំពិន្ទុ​ League Phase នៅថ្ងៃទី ២ ខែ តុលា ឆ្នាំ ២០២៥ ឆាប់ៗនេះ។ ក្លិប Barcelona បានបញ្ជាក់ជាផ្លូវការហើយ ថា ពួកគេនឹងអវត្តមានកីឡាករសំខាន់ ៥ នាក់ ទល់នឹង PSG ដោយសារ​បញ្ហារបួស ក្នុងនោះមានអ្នកចាំទី Joan Garcia, Marc-Andre ter Stegen, Gavi, Fermin Lopez និង Raphinha។ តាមការបញ្ជាក់របស់ក្លិប កីឡាករទាំង ៥ នាក់នេះ ក៏នឹងត្រូវអវត្តមាន សម្រាប់ការប្រកួតរយៈពេលវែងបន្តបន្ទាប់ទៀតផងដែរ។ ផ្ទុយនឹងដំណឹងមិនល្អទាំងនេះ ពួកគេក៏មានដំណឹងល្អមួយវិញដែរ ដោយខ្សែការពារស្លាបឆ្វេង Alejandro Balde អាចនឹងត្រឡប់មកវិញនៅក្នុងការប្រកួតដ៏សំខាន់នេះ