Admin - 855Star

មុនប៉ះព្រះខ័នរាជស្វាយរៀង ថ្ងៃស្អែក ក្រុម Nam Dinh ធ្វើមិនសូវបានល្អដើមរដូវកាល

ក្រុមបាល់ទាត់របស់វៀតណាម Nam Dinh ត្រូវបើកទ្វារកីឡដ្ឋាន Thien Truong ទទួលក្រុមតំណាងកម្ពុជា ព្រះខ័នរាជស្វាយរៀង វេលាម៉ោង ៧:៣០នាទី យប់ថ្ងៃទី២៥ ខែកញ្ញា ឆ្នាំ ២០២៥ សម្រាប់ការប្រកួតសន្សំពិន្ទុក្នុងពូលពានរង្វាន់ ASEAN Club Championship។ នេះជាការប្រកួតលើកទី១របស់ក្លិបតំណាងវៀតណាម ប៉ុន្តែជាការប្រកួតលើកទី២របស់ ព្រះខ័នរាជស្វាយរៀង ក្នុងពានរង្វាន់ក្លិបកំពូលអាស៊ាន។ កាលប្រកួតលើកទី១ ក្រុមតំណាងកម្ពុជា បានយកឈ្នះក្រុមរបស់មីយ៉ាន់ម៉ា Shan United ដោយលទ្ធផល ៣-០ នៅទឹកដីប្រទេសមីយ៉ាន់ម៉ា។ បច្ចុប្បន្ន ព្រះខ័នរាជស្វាយរៀង កំពុងឈរលើកំពូលតារាងពូល B។ Nam Dinh ជាក្រុមខ្លាំងមួយរបស់ប្រទេសវៀតណាមដោយបានឈ្នះជើងឯកលីគកំពូលវៀតណាមពីររដូវកាលចុងក្រោយជាប់គ្នា គឺ ២០២៣-២៤ និង ២០២៤-២៥ ដែលផ្តល់ឲ្យពួកគេទទួលបានកៅអីលេងពានរង្វាន់ក្លិបអាស៊ីលំដាប់ទី២ AFC Champions League Two និងពានរង្វាន់ក្លិបកំពូលអាស៊ាន ASEAN Club Championship នៅរដូវកាលថ្មី។ ទោះបីជាយ៉ាងណា សម្រាប់ការចាប់ផ្តើមរដូវកាលថ្មី ក្រុម Nam […]

មុនប៉ះព្រះខ័នរាជស្វាយរៀង ថ្ងៃស្អែក ក្រុម Nam Dinh ធ្វើមិនសូវបានល្អដើមរដូវកាល Read More »

គ្រូបង្វឹកក្លឹបសេនប៊ុនថេន កីឡាករទាំងអស់គួរយកគំរូតាម មហា ម៉ាត់ យ៉ាស៊ីន អាលីរីហ្សា

ពត៌មានថ្មីៗ / Admin

គ្រូបង្វឹកក្លឹបប្រដាល់សេនប៊ុនថេនគុនខ្មែរ ថាសិស្សៗទាំងអស់គួរយកគំរូតាមកីឡាករអាហ្វហ្គានីស្ថាន មហា ម៉ាត់ យ៉ាស៊ីន អាលីរីហ្សា អាមៀ ជាដើមទាំងការរស់នៅប្រចាំថ្ងៃ និងការហ្វឹកហាត់គឺធ្វើបានល្អ។ លោក សេន ប៊ុនថេន បានឲ្យដឹងថា ដោយសារមើលឃើញពីការរស់នៅ និងហ្វឹកហាត់ប្រចាំថ្ងៃរបស់ក្រុមកីឡាករអាហ្វហ្វានីស្ថានដូចជា មហា ម៉ាត់ យ៉ាស៊ីន អាលីរីហ្សា អាមៀ ធ្វើបានល្អជារៀងរាល់ថ្ងៃទើបលោកតែងតែប្រាប់សិស្សក្នុងក្លឹបឲ្យយកគំរូតាម។ ក្រុមរបស់ មហា ម៉ាត់ នេះគឺរស់នៅល្អខ្លាំងណាស់ចេះស្រឡាញ់រាប់អានឲ្យតម្លៃគ្នាទៅវិញទៅមក ការហូបចុកត្រឹមត្រូវ និងមានអនាម័យ។ មិនចេះដើរលេងយប់ផ្ដេសផ្ដាស ទៅណាមកណាមានច្បាប់ទម្លាប់ ស្រឡាញ់ការហ្វឹកហាត់មិនចាំឲ្យគ្រូនិយាយច្រើន។ ចំណុចល្អៗទាំងនេះហើយដែលលោកជាគ្រូស្រឡាញ់ចូលចិត្តជាខ្លាំង និងតែងតែប្រាប់ដល់សិស្សៗខ្មែរឲ្យយកគំរូតាមដើម្បីអភិវឌ្ឍន៍សមត្ថភាពឲ្យកាន់តែល្អដូចក្រុមអាហ្វហ្គានីស្ថានទាំងនេះ។ បញ្ជាក់ដែរថា ក្រុមកីឡាករអាហ្វហ្គានីស្ថានដែលមាន មហា ម៉ាត់ យ៉ាស៊ីន អាលីរីហ្សា អាមៀ បានមករស់នៅហ្វឹកហាត់ជាមួយក្លឹបប្រដាល់ប៉ែនកាក់សេនប៊ុនថេនគុនខ្មែរ បានប្រហែល ១០ខែមកហើយ។ បច្ចុប្បន្នកីឡាករប៉ុន្មាននេះមានកេរ្តិ៍ឈ្មោះល្បីខ្លាំងមានទាំងខ្សែក្រវាត់ ពានរង្វាន់ជាច្រើន និងធ្លាប់ឈ្នះជើងខ្លាំងរបស់កម្ពុជាអស់ជាច្រើននាក់មកហើយ៕ ប្រភព៖ KAMPUCHEATHMEY

គ្រូបង្វឹកក្លឹបសេនប៊ុនថេន កីឡាករទាំងអស់គួរយកគំរូតាម មហា ម៉ាត់ យ៉ាស៊ីន អាលីរីហ្សា Read More »

អេស្ប៉ាញ ព្រមានពហិការ World Cup ២០២៦ បើមានវត្តមានអ៊ីស្រាអែល

ពត៌មានថ្មីៗ / Admin

អេស្ប៉ាញ ព្រមានសហព័ន្ធកីឡាបាល់ទាត់អន្តរជាតិ (FIFA) ថាខ្លួននឹងពហិការមិនចូលរួមការប្រកួត World Cup ឆ្នាំ ២០២៦ ឡើយ ប្រសិនបើមានវត្តមានអ៊ីស្រាអែល។ ការព្រមានយ៉ាងម៉ឺងម៉ាត់នេះ ដោយសារអេស្ប៉ាញ ចាត់ទុកអ៊ីស្រាអែលបានប្រព្រឹត្តិអំពើប្រល័យពូជសាសន៍នៅតំបន់ហ្គាហ្សា។ សហព័ន្ធកីឡាបាល់ទាត់អេស្ប៉ាញ (SFF) សង្កត់ធ្ងន់ថា ស្ថាប័នកីឡាខ្លួនមិនអាចអើពើបាននោះទេ ខណៈដែលជនស៊ីវិលប៉ាឡេស្ទីនរាប់សែននាក់នៅតំបន់កាហ្សាត្រូវបានសម្លាប់ដោយអ៊ីស្រាអែល។ ពលរដ្ឋ ជាពិសេសភាគច្រើនជាកុមារ ទទួលរងភាពអត់ឃ្លាន បាត់បង់ផ្ទះសំបែង និងផ្លាស់ទីលំនៅជាដើម។ ឃើញស្ថានភាពបែបនេះ SFF បានព្រមានដោយជំហររឹងមាំ ថាខ្លួននឹងពហិការមិនចូលរួមព្រឹត្តិការណ៍បាល់ទាត់ពិភពលោក ដែលរៀបចំនៅអាម៉េរិក កាណាដា និងម៉ិកស៊ិកឡើយ ប្រសិនបើមានវត្តមានក្រុមអ៊ីស្រាអែល។ វិធានការរបស់អេស្ប៉ាញ គឺដើម្បីចង់ដាស់ស្មារតីមនុស្សជុំវិញពិភពលោកឱ្យដឹងថាអ៊ីស្រាអែលមិនគួរត្រូវបានផ្តល់សិទ្ធិក្នុងព្រឹត្តិការណ៍កីឡាលំដាប់ពិភពលោកឡើយ ខណៈប្រទេសនេះបន្តយុទ្ធនាការបំផ្លិចបំផ្លាញនៅតំបន់ហ្គាហ្សា។ ដោយឡែក អ្នករិះគន់ភាគច្រើនបានចាត់ទុកថា FIFA មានស្តង់ដារពីរចំពោះរុស្ស៊ី និងអ៊ីស្រាអែល។ ស្តង់ដារពីរ ដោយសារុស្ស៊ីត្រូវបានហាមឃាត់ពីការប្រកួតអន្តរជាតិ ដូចជាព្រឹត្តិការណ៍អូឡាំពិក និងព្រឹត្តិការណ៍ដែលរៀបចំដោយ FIFA បន្ទាប់ពីរុស្ស៊ីបង្កសង្គ្រាមនឹងអ៊ុយក្រែន ខណៈដែលអ៊ីស្រាអែលនៅតែបន្តទទួលនិទណ្ឌភាព ទោះបីជាមានភស្តុតាងជាក់ស្តែងនៃឧក្រិដ្ឋកម្មសង្គ្រាមក៏ដោយ។ សេចក្តីប្រកាសរបស់ក្រុមម្ចាស់ជើងឯកកីឡាបាល់ទាត់ពិភពលោក ឆ្នាំ ២០១០ បានបន្ថែមទម្ងន់ដល់ការទាមទារដែលកំពុងកើនឡើងសម្រាប់ FIFA និងគណៈកម្មាធិការអូឡាំពិកអន្តរជាតិ (IOC) ដើម្បីធ្វើសកម្មភាពប្រកបដោយភាពស៊ីចង្វាក់គ្នា

អេស្ប៉ាញ ព្រមានពហិការ World Cup ២០២៦ បើមានវត្តមានអ៊ីស្រាអែល Read More »

កម្ពុជា ដណ្តើមបានមេដាយសំរឹទ្ធិប៉េតង់ពិភពលោក វិញ្ញាសាគូនារី នៅក្រុងរ៉ូម

ពត៌មានថ្មីៗ / Admin

កីឡាការិនី អ៊ុក ស្រីមុំ និងកីឡាការិនី អ៊ុន ស្រីយ៉ា ដណ្តើមបានមេដាយសំរឹទ្ធិកីឡាប៉េតង់ពិភពលោក World Pétanque Championships ឆ្នាំ ២០២៥ នៅទីក្រុងរ៉ូម ប្រទេសអ៉ីតាលី។ លើវិញ្ញាសាគូនារីនេះ ថៃ ឈ្នះមេដាយមាស ស្របពេលបារាំងបានមេដាយប្រាក់។ សហព័ន្ធកីឡាបូល និងប៉េតង់កម្ពុជា បានបញ្ជូនអត្តពលិកចំនួន៤រូប ក្នុងនោះនារី២រូប និងប្រតិភូ គ្រូបង្វឹក៦នាក់ផ្សេងទៀតទៅកាន់ការប្រកួតប៉េតង់កម្រិតពិភពលោក ឆ្នាំ ២០២៥ នៅអ៊ីតាលី។ កីឡាករពីររូបរួមមាន សុខ ចាន់មាន ពុធយ៉ុន ច័ន្ទដារ៉ា និងកីឡាការិនីពីររូប មាន អ៊ុក ស្រីមុំ និងអ៊ុន ស្រីយ៉ា។ កីឡាករ-ការិនីទាំង៤រូប បានចូលរួមប្រជែង ៥វិញ្ញាសា ក្នុងនោះ វិញ្ញាសាទោលបុរស, ទោលនារី, គូបុរស, គូនារី និងគូបុរស-នារី។ ឆ្លងកាត់ការប្រកួតរយៈពេល៤ថ្ងៃ ចាប់ពីថ្ងៃទី១៨ ដល់ថ្ងៃទី២១ ខែកញ្ញា នៅទឹកដីអ៊ីតាលី កីឡាការិនីជម្រើសជាតិកីឡាប៉េតង់កម្ពុជា ដណ្តើមបានមេដាយសំរឹទ្ធិមួយ។ មេដាយសំរឹទ្ធិនេះ

កម្ពុជា ដណ្តើមបានមេដាយសំរឹទ្ធិប៉េតង់ពិភពលោក វិញ្ញាសាគូនារី នៅក្រុងរ៉ូម Read More »

ក្លិប Man Utd រកបានចំណូលជិត ៩០០លានដុល្លាររដូវកាលមុន ទោះក្រុមមិនជោគជ័យលើទីលាន

ពត៌មានថ្មីៗ / Admin

ក្លិប Manchester United បានបង្ហាញអំពីរបាយការណ៍ហិរញ្ញវត្ថុខ្លួន ដោយរកបានចំណូល ជិត ៦៦៥លានផោន(៩០០លានដុល្លារ) កាលពីរដូវកាលមុន ២០២៤-២៥ និងជាចំណូល បំបែកកំណត់ត្រាមួយ ប្រចាំប្រវត្តិសាស្ត្រហិរញ្ញវត្ថុក្លិប។ រដូវកាលមុន Man Utd គ្មានកៅអីប្រកួតក្នុងពានរង្វាន់កំពូលអឺរ៉ុប UEFA Champions League ឡើយ ជំនួសដោយការលេងក្នុងពានរង្វាន់កម្រិតទី២ Europa League។ ចុងបញ្ចប់រដូវកាលមុន ក្រុមរហស្សនាមបិសាចក្រហមឈរលេខ ១៥ ជាកំណត់ត្រាអាក្រក់បំផុតរបស់ខ្លួន ក្នុងពេល ៥១ឆ្នាំ។ យ៉ាងណាមិញ ពេលថ្មីៗនេះក្លិបបានបង្ហាញអំពីរបាយការណ៍ហិរញ្ញវត្ថុរបស់ខ្លួនបង្កឱ្យមានការភ្ញាក់ផ្អើលសម្រាប់អ្នកគាំទ្រក្លិប ព្រោះតែក្លិបរកចំណូលបានច្រើន ទោះគ្មានពានរង្វាន់ធំៗលេងក៏ដោយ។ Man Utd រកបានប្រាក់ចំណូលកើនឡើងប្រមាណ ០.៧ភាគរយ ហើយមានតម្លៃសរុបប្រមាណ ៦៦៥,៥លានផោន (៩០០លានដុល្លារ) នៅចុងបញ្ចប់ឆ្នាំហិរញ្ញវត្ថុរបស់ពួកគេ គិតត្រឹមថ្ងៃទី៣០ ខែមិថុនា ឆ្នាំ២០២៥។ Man Utd ក៏បានបន្ថយការខាតបង់ប្រាក់ប្រតិបត្តិការប្រចាំឆ្នាំរបស់ខ្លួន មកនៅត្រឹមតែ ១៨,៤លានផោន (២៤,៨៦លានដុល្លារ) បើធៀបទៅនឹងរដូវកាល ២០២៣-២៤ ក្លិបខាតបង់ប្រាក់ប្រមាណជាង ៦៩,៣លានផោន (៩៣,៦៤លានដុល្លារ)។

ក្លិប Man Utd រកបានចំណូលជិត ៩០០លានដុល្លាររដូវកាលមុន ទោះក្រុមមិនជោគជ័យលើទីលាន Read More »

កីឡាករ ១០រូប ដែលអ្នកគាំទ្រស្អប់បំផុតប្រចាំប្រវត្តិសាស្ត្របាល់ទាត់

ពត៌មានថ្មីៗ / Admin

កីឡាករបាល់ទាត់លំដាប់ពិភពលោកសព្វថ្ងៃនេះ ត្រូវបានគេចាត់ទុកថា ជាមនុស្សម្នាក់ដ៏អស្ចារ្យ ហើយគេកោតសរសើរចំពោះការខិតខំ ប្រឹងប្រែងខ្លាំងរបស់ពួកគេ នៅក្នុងអាជីព និងជីវិតរស់នៅប្រចាំថ្ងៃ។ កីឡាករលំដាប់ពិភពលោកភាគច្រើន បានក្លាយជានិមិត្តរូបរបស់កុមារៗជាច្រើន ជុំវិញពិភពលោកថែមទៀត។ ទោះយ៉ាងណា មិនមែនកីឡាករបាល់ទាត់លំដាប់ទាំងអស់ សុទ្ធតែត្រូវបានអ្នកគាំទ្រគោរពស្រលាញ់នោះទេ។ កីឡាករខ្លះក៏ត្រូវបានអ្នកគាំទ្រស្អប់ខ្លាំងផងដែរអំឡុងប្រកបអាជីព ព្រោះតែការបង្ហាញអាកប្បកិរិយាមិនសមរម្យរបស់ពួកគេនៅលើទីលាន ឬអាចមកពីពួក បង្កជម្លោះជាមួយកីឡាករដទៃ។ កីឡាករ រងការស្អប់ និងទិតៀន ដោយសារតែគេ ឈ្លោះប្រកែកគ្នាជាមួយកគាំទ្រ គ្រូបង្វឹក ជាដើម។ ចំណែកកីឡាករខ្លះ លេងបាល់ឱ្យភាពក្តៅក្រហាយ តែងបង្កការប៉ះទង្គិចទល់កីឡាករក្រុមដទៃ ឬក៏មានទម្រង់លេងខ្សោយ ធ្វើឱ្យក្រុមចាញ់ ដែលបង្កឱ្យមានការស្អប់ពីសំណាក់អ្នកគាំទ្រក៏មានដែរ។ សកម្មភាពនៅទីលានហ្វឹកហាត់ លើទីលានប្រកួត ដែលមិនល្អសមរម្យ ឬខ្វះការព្យាយាមក្នុងការប្រកួតជាដើម សុទ្ធសឹងតែធ្វើឱ្យអ្នកគាំទ្រមើលឃើញ រិះគន់ និងឆាប់ស្អប់ខ្ពើម លើកីឡាកររូបនោះ។ សកម្មភាពរស់នៅ ក្រៅទីលានក៏ដូចគ្នា។ ពេលកីឡាករណាម្នាក់មានរឿងអាស្រូវមិនល្អកើតឡើង អ្នកគាំទ្រប្រៀបដូចជាប្រព័ន្ធផ្សព្វផ្សាយ និងបណ្តាញចែកចាយឆាប់រហ័សបំផុតមួយ រហូតបង្កការស្អប់លើកីឡាករម្នាក់នោះ ហើយក៏បាត់តំណែង ឬក៏ត្រូវក្លិបបណ្តេញក៏ថាបាន។ ខាងក្រោមនេះ ជាកីឡាករទាំង ១០ ត្រូវបានអ្នកគាំទ្រស្អប់ខ្លាំងប្រចាំប្រវត្តិសាស្ត្របាល់ទាត់បើតាមកំណត់ត្រារបស់ Givemesports៖ ១. កីឡាករ El Hadji

កីឡាករ ១០រូប ដែលអ្នកគាំទ្រស្អប់បំផុតប្រចាំប្រវត្តិសាស្ត្របាល់ទាត់ Read More »

កំពូលអ្នកចាត់ការក្រុមកម្រិតពិភពលោក ១០រូប ប្រចាំឆ្នាំ២០២៥

ពត៌មានថ្មីៗ / Admin

នៅក្នុងវិស័យបាល់ទាត់លើពិភពលោក ពេលបច្ចុប្បន្ន មានអ្នកចាត់ការក្រុមជាច្រើនបាន បង្ហាញសមត្ថភាពខ្លាំង ដឹកនាំក្រុមប្រកួតប្រជែងពានរង្វាន់ធំៗមានកម្រិតខ្ពស់ លើពិភព លោក ។ ក្រុមខ្លាំងៗរួមមាន Real Madrid, Bayer Leverkusen, Manchester City, Liverpool និង នៅក្រុមជម្រើសជាតិជាដើមដូចជាប្រេស៊ីល ដែលមានកីឡាករល្អៗកម្រិតខ្ពស់ បញ្ចេញ សមត្ថភាពក្នុងការប្រកួតខ្លាំង តែមនុស្សម្នាក់ដ៏សំខាន់ពីក្រោយខ្នងកីឡាករទាំងនោះ គឺ គ្រូបង្វឹកដែលផ្តល់យុទ្ធសាស្ត្រ និងការរៀបចំប្រព័ន្ធលេងរបស់ក្រុម។ ឆ្នាំ២០២៥ ភាគច្រើនអ្នកចាត់ការវ័យក្មេងជាច្រើន បានលេចសមត្ថភាពកើនឡើងខ្លាំង ខណៈអ្នកចាត់ចាស់ៗខ្លាំងពីជំនាន់ដើម ហាក់បីធ្លាក់ចុះខ្សោយលើប្រព័ន្ធលេង ខុសពីគ្រូ បង្វឹកសម័យបច្ចុប្បន្ន មានបច្ចេកទេសខ្ពស់ និងរបៀបលេងតាមបច្ចេកវិទ្យាទំនើប នៃបាល់ ទាត់ កំពុងវិវឌ្ឍន៍ទៅមុខយ៉ាងខ្លាំង។ ស្របពេលមានការប្រកួតប្រជែងដ៏ខ្លាំងក្លា នារដូវកាលថ្មី ២០២៥-២៦ គ្រូបង្វឹកតាមក្លិបនីមួយៗក៏មានពេលវេលាត្រៀមខ្លួនច្រើនដែរ ដើម្បីបញ្ចេញសមត្ថកិច្ចដឹកនាំក្រុមឱ្យបានខ្លាំង និងឈានទៅក្លាយជា គ្រូបង្វឹកដែលមានយុទ្ធសាស្ត្រ រៀបចំប្រព័ន្ធលេងខ្លាំងជាងគេប្រចាំពិភពបាល់ទាត់ សម័យបច្ចុប្បន្ន។ អ្នកចាត់ការក្រុមខ្លះទៀត ទទួលបានភាពជោគជ័យក្នុងអាជីពដឹកនាំ ដោយការជួយក្រុមដណ្តើមបានពានរង្វាន់តាមលីគកំពូលរៀងៗខ្លួន និងសមិទ្ធផលពានរង្វាន់ឯកត្តជនជាច្រើនដែលគ្រូបង្វឹកខ្លួនឯកទទួលបានផង។ ខាងក្រោមនេះជាអ្នកចាត់ការក្រុមកំពូលទាំង ១០ មានកម្រិតសមត្ថភាពខ្ពស់ដឹកនាំក្រុមប្រកួតប្រជែង៖ ១. លោក

កំពូលអ្នកចាត់ការក្រុមកម្រិតពិភពលោក ១០រូប ប្រចាំឆ្នាំ២០២៥ Read More »

Mbappe បន្តរកបានគ្រាប់បាល់ជួយ Real ឈ្នះ Espanyol ដើម្បីឈរកំពូលតារាង La Liga យ៉ាងរឹងមាំ

ពត៌មានថ្មីៗ / Admin

(បរទេស)៖ អតីតប្រធានក្រុមមាន់គកបារាំង Kylian Mbappe បន្តរកបាន ១គ្រាប់បន្ថែមទៀត ក្នុងជ័យជម្នះ ២ទល់នឹង០ របស់ Real Madrid ទៅលើក្រុមភ្ញៀវ Espanyol នារាត្រីថ្ងៃសៅរ៍ ដើម្បីបន្តក្តោបក្តាប់តំណែងកំពូលតារាងលីគ La Liga ដ៏រឹងមាំផងដែរ។ ពីគេហទំព័រកីឡា BBC បានចេញផ្សាយថា ខ្សែប្រយុទ្ធ Mbappe រកបាន ៦គ្រាប់ហើយក្នុងលីគអេស្ប៉ាញរដូវកាលថ្មី ២០២៥-២៦ ដែលជាការចាប់ផ្តើមបានយ៉ាងល្អសម្រាប់កីឡាករវ័យ ២៥ឆ្នាំ នៃរដូវកាលទី២ របស់លោកនៅកីឡដ្ឋាន Santiago Bernebeu។ តាមរយៈលទ្ធផលនេះ Real អតីតរងជើងឯកលីគរដូវកាលមុន បន្តឈរទីកំពូលតារាងយ៉ាងរឹងមាំ ជាមួយនឹង ១៥ពិន្ទុ ក្រោយឆ្លងកាត់ ៥ប្រកួត ឈ្នះទាំងអស់ តាមពីក្រោយដោយក្រុមការពារតំណែងជើងឯក FC Barcelona ដែលមានតែ ១០ពិន្ទុ ដ្បិតនៅសល់ ១ប្រកួតក្នុងដៃក្តី។ ១គ្រាប់របស់ខ្សែប្រយុទ្ធដែលផ្ទេរពីក្លឹប Paris St. Germain គឺបានកើតឡើងនៅនាទី៤៧ ដើមវគ្គទី២ ក្រោយពេលខ្សែការពារប្រេស៊ីល Eder

Mbappe បន្តរកបានគ្រាប់បាល់ជួយ Real ឈ្នះ Espanyol ដើម្បីឈរកំពូលតារាង La Liga យ៉ាងរឹងមាំ Read More »

Liverpool ឈ្នះ Everton ២-១ ជាជ័យជម្នះលើកទី៥ ជាប់ៗគ្នាក្នុងលីគ Premier League

ពត៌មានថ្មីៗ / Admin

(បរទេស)៖ ម្ចាស់ការពារតំណែងជើងឯកលីគអង់គ្លេស Liverpool បន្តរកបាន ៣ពិន្ទុជាលើកទី៥ ជាប់ៗគ្នា ក្រោយយកឈ្នះស្ករគ្រាប់ Everton ២-១ យប់មិញនៅក្របខណ្ឌ Premier League 2025-26។ នេះបើយោងតាមការចេញផ្សាយដោយ BBC។ តាមរយៈ ៣ពិន្ទុ ក្នុងប្រកួតទី៥ ជើងទី១ នៅកីឡដ្ឋាន Anfield នោះដែរ បានញាំងឱ្យហង្សក្រហមរបស់លោក Arne Slot រកបាន ១៥ពិន្ទុពេញ នាំមុខកំពូលតារាងដាច់ ៥ពិន្ទុពីក្រុមលេខ២ Tottenham Hotspur។ ក្នុងប្រកួត ៩០នាទីពេញកាលពីរាត្រីថ្ងៃសៅរ៍នោះដែរ អ្នកចាត់ការទូទៅសញ្ជាតិហូឡង់ នៅតែបន្តទុកសមាជិកថ្មី Florian Wirtz និង Alexander Isak បូកបញ្ចូលគ្នាមានតម្លៃ ២៤១លានផោនឱ្យអង្គុយនៅកៅអីបម្រុងដដែល ក្នុងជំនួបទល់នឹងក្រុមស្ករគ្រាប់ ដែលមានទីតាំងស្ថិតនៅទីក្រុង Liverpool ជាមួយគ្នា។ កីឡាករ Ryan Gravenberch ជាអ្នករកបានគ្រាប់បែកពងមាន់ឱ្យ Liverpool ត្រឹមនាទីទី១០ ពីការបញ្ជូនរបស់ខ្សែប្រយុទ្ធ Mohamed Salah មុនពេល

Liverpool ឈ្នះ Everton ២-១ ជាជ័យជម្នះលើកទី៥ ជាប់ៗគ្នាក្នុងលីគ Premier League Read More »

ត្រឹមរយៈពេល ២ឆ្នាំថ្នាលគុនខ្មែរ ២រូបនេះឈ្នះខ្សែក្រវាត់ ពានរង្វាន់ មេដាយ ស្ទើរមិនជឿ

ពត៌មានថ្មីៗ / Admin

កីឡាករថ្នាលគុនខ្មែរ រិទ្ធី គីងកុង និង រិទ្ធី លីហួ ប្រើរយៈពេលត្រឹម ២ឆ្នាំប៉ុណ្ណោះឈ្នះខ្សែក្រវាត់ ពានរង្វាន់ មេដាយ ជាច្រើនស្ទើរមិនជឿង ខណៈកេរ្តិ៍ឈ្មោះក៏ល្បីល្បាញមិនចាញ់កីឡាករធំៗនោះឡើយ។ នេះបើតាមការបង្ហោះនៅលើបណ្ដាញសង្គមកាលពីម្សិលមិញនេះបានបញ្ជាក់ថារយៈពេលប្រហែល ២ឆ្នាំមកនេះកីឡាករថ្នាលដែលជាបងប្អូនបង្កើត រិទ្ធី គីងកុង និង រិទ្ធី លីហួ ឈ្នះខ្សែក្រវាត់ ពាន ជាច្រើនដូចជា៖ រិទ្ធី គីងកុង ឈ្នះខ្សែក្រវាត់ ២គ្រឿង ពានរង្វាន់ ៣ និងមេដាយចំនួន ២គ្រឿង។ ចំណែកកីឡាករ រិទ្ធី លីហួ ២ឆ្នាំមកនេះឈ្នះខ្សែក្រវាត់ ១គ្រឿង មេដាយ ១គ្រឿង។ ជាមួយសមិទ្ធផលទាំងនេះ គីងកុង និង លីហួ សូមថ្លែងអំណរគុណដល់គ្រូបង្វឹកលោក ផាត សូដា និងលោកឪពុក អ្នកម្ដាយ ដែលបានអនុញ្ញាតឲ្យចូលហាត់គុនខ្មែរ និងគាំទ្រលោកទឹកចិត្តរហូតដល់ពេលនេះ។ បញ្ជាក់ដែរថា ថ្នាលគុនខ្មែរ រិទ្ធី គីងកុង និង រិទ្ធី លីហួ

ត្រឹមរយៈពេល ២ឆ្នាំថ្នាលគុនខ្មែរ ២រូបនេះឈ្នះខ្សែក្រវាត់ ពានរង្វាន់ មេដាយ ស្ទើរមិនជឿ Read More »