Admin

សហព័ន្ធបាល់ទាត់អាស៊ី (AFC) អះអាងថាសំណើសុំប្តូរក្រុមអាជ្ញាកណ្តាលកាត់សេចក្តីការប្រកួតពីសំណាក់ក្រុមជម្រើសជាតិឥណ្ឌូណេស៊ី នៅមុនការប្រកួតទល់នឹងក្រុមអារ៉ាប៊ីសាអូឌីត សម្រាប់វគ្គជម្រុះជុំទី៤ World Cup 2026 ទ្វីបអាស៊ី ត្រូវបានខ្លួនបដិសេធចោលទាំងស្រុង ទោះមានការទាមទារដល់សហព័ន្ធបាល់ទាត់អន្តរជាតិ (FIFA) ក្តី។ AFC បានសម្រេចតែងតាំងអាជ្ញាកណ្តាលកាត់ក្តីការប្រកួតរបស់ក្រុមឥណ្ឌូណេស៊ី ចំនួន ២ប្រកួត ដែលពួកគេត្រូវប្រកួតទល់នឹងក្រុមអូម៉ង់ និងអារ៉ាប៊ីសាអូឌីត។  ត្រៀមប៉ះអារ៉ាប៊ីសាអូឌីត នៅថ្ងៃទី៨ ខែតុលា អាជ្ញាកណ្តាលលោក Ahmed Al Ali មកពីគុយវែត នឹងក្លាយជាអ្នកកាត់ក្តីការប្រកួតក្នុងប្រកួតនោះ ខណៈជំនួយការអាជ្ញាកណ្តាលរួមមានលោក Abdul Al Anzi, Ahmed Abbas និង Ammar Ashknani ស្របពេលជំនួយការអាជ្ញាកណ្តាលវីដេអូ គ្រប់គ្រងដោយលោក Abdullah Jamali និងជំនួយការម្នាក់ទៀតឈ្មោះ Abdullah Al Kandari។ កន្លងមកសហព័ន្ធបាល់ទាត់ឥណ្ឌូណេស៊ី (PSSI) បានស្នើសុំឱ្យផ្លាស់ប្តូរអាជ្ញាកណ្តាលកាត់ក្តីការប្រកួត ដោយមិនឱ្យមានអាជ្ញាកណ្តាលមកពីតំបន់អាស៊ីខាងលិចចូលកាត់ក្តីនោះឡើយ ហើយក៏ស្របតាមការសន្យារបស់ AFC ពេលកន្លងមក។ ប្រធាន PSSI លោក Erick Thohir បាននិយាយប្រាប់កាសែត Antara ថាសហព័ន្ធបានផ្ញើលិខិតផ្លូវការទៅកាន់ FIFA និង AFC ស្នើសុំការតែងតាំងអាជ្ញាកណ្តាល តែចុងក្រោយកើតមានរឿងនោះដដែល។ «លោកអគ្គលេខាធិការសហព័ន្ធ បានផ្ញើលិខិតស្នើសុំផ្លូវការមួយទៅកាន់សហព័ន្ធបាល់ទាត់អន្តរជាតិ (FIFA) ហើយខ្ញុំក៏ផ្ញើលិខិតមួយទៅកាន់ AFC ដើម្បីឱ្យផ្លាស់ប្តូរអាជ្ញាកណ្តាលការប្រកួត។ តែចុងក្រោយចេញមកវិញនោះ អាជ្ញាកណ្តាលមកពីគុយវែត ដែលជាប្រទេសស្ថិតក្នុងតំបន់តែមួយ (អាស៊ីខាងលិច)។»។ នេះបើតាមសម្តីរបស់លោក Thohir មេ PSSI។ ឥណ្ឌូណេស៊ី បារម្ភចំពោះរឿងរ៉ាវចម្រូងចម្រាស់ធ្លាប់កើតមាននៅការប្រកួតកន្លងមក ជាមួយអាជ្ញាកណ្តាលការប្រកួត ដែលធ្វើដំណើរមកពីប្រទេសប៉ែកខាងអាស៊ីភាគខាងលិច។ អំឡុងការប្រកួតវគ្គជម្រុះជុំទី៣ World Cup 2026 ទ្វីបអាស៊ី […]

លោក Ruben Amorim អ្នកចាត់ការក្រុម Manchester United បានចេញមុខអះអាងច្បាស់ៗថា លោកនៅតែទទួលការគាំទ្រពីសំណាក់សហម្ចាស់ក្លិប លោក Sir Jim Ratcliffe សម្រាប់តំណែងអ្នកចាត់ការក្រុម។ បុរសវ័យ ៤០ឆ្នាំ ក៏បានបដិសេធការលើកឡើងថាលោកកំពុងជួបបញ្ហាធំ ក្រោយពេលជួបប្រជុំជាមួយនឹងថ្នាក់ដឹកនាំក្លិបនៅទីលានហ្វឹកហាត់ Carrington។ អ្នកចាត់ការសញ្ជាតិព័រទុយហ្កាល់ កំពុងត្រូវបានអ្នកគាំទ្រវិស័យបាល់ទាត់តាមដានខ្លាំង ចំពោះតំណែងនៅក្លិប Man Utd ដោយលោកដឹកនាំក្រុម ៤ប្រកួត រកបានជ័យជម្នះតែមួយប្រកួតប៉ុណ្ណោះ ហើយក្រុមធ្លាក់ចេញពីពានរង្វាន់ ​EFL Cup ថែមទៀត កាលពីដើមរដូវកាល។ ក្រោយឆ្លងកាត់ការប្រកួតទាំងនោះ ប្រព័ន្ធផ្សព្វផ្សាយជាច្រើនបានកំពុងគិតថា ម្ចាស់ក្លិបកំពុងតែរក្សាភាពអត់ធ្មត់ ស្របពេលត្រូវរង់ចាំមើលលទ្ធផល អំឡុងការប្រកួតទល់ក្រុម Chelsea ស្ថិតក្នុងកីឡដ្ឋាន Old Trafford។ ប្រព័ន្ធផ្សព្វផ្សាយខ្លះ ចុះផ្សាយថាលោក Amorim កំពុងជួបបញ្ហាធំ ក្រោយពេលថ្នាក់ដឹកនាំក្លិបបានកោះហៅលោកទៅជួបប្រជុំគ្នាក្នុងទីលានហ្វឹកហាត់ Carrington រួចមក។ នៅក្នុងសន្និសីទកាសែតមុនការប្រកួតទល់ក្រុម Chelsea លោក Amorim ក៏បានចេញមុខអះអាងថាលោកនៅតែទទួលបានការគាំទ្រ និងទុកចិត្តពីសំណាក់ថ្នាក់ដឹកនាំក្លិប គ្មានបញ្ហាអ្វីធំដែលនឹងកើតឡើងលើខ្លួនលោកឡើយ។ «(លោក Ratcliffe) បានផ្តល់កិច្ចសន្យាថ្មីបន្ថែមទៀតសម្រាប់មកកាន់ខ្ញុំ។» លោក Amorim និយាយបែបលេងសើចទៅកាន់ក្រុមអ្នកកាសែត។  បន្ទាប់មកលោកក៏បកស្រាយចម្ងល់ត្រឡប់ទៅអ្នកកាសែតដូច្នេះថា៖«វាគ្រាន់តែជារឿងធម្មតាប៉ុណ្ណោះ គឺពួកគេគ្រាន់តែមកបង្ហាញការគាំទ្រមកលើខ្ញុំ និងពន្យល់អំពីផែនការអភិវឌ្ឍក្រុមរយៈពេលវែង។ ការជជែកនោះហាក់បីធម្មតា គ្មានរឿងអ្វីឡើយ ហើយការជជែកជាមួយលោក Omar Berrada និងលោក Jason Wilcox នាយកផ្នែកបាល់ទាត់គឺដើម្បីមើលទិន្នន័យហ្វឹកហាត់របស់ក្រុម។»។  ដំណើរទស្សនកិច្ចរបស់សហម្ចាស់ក្លិបលោក Ratcliffe និងក្រុមការពារថ្នាក់ដឹកនាំក្លិប បានធ្វើឡើងក្រោយពេលក្រុមប្រកួតចាញ់ គូប្រជែងក្នុងទីក្រុងតែមួយ Manchester City លទ្ធផល ៣-០ រួចមក

មនុស្សជាង ៤,៥លាននាក់ ភាគច្រើនមកពីអាម៉េរិកជាប្រទេសសហម្ចាស់ផ្ទះរៀបចំការប្រកួត World cup 2026 បានស្នើសុំទិញសំបុត្រ សម្រាប់ព្រឹត្តិការណ៍ FIFA World Cup ឆ្នាំ ២០២៦ អំឡុងការបើកចាប់ឆ្នោតលក់លើកដំបូង។ នេះបើតាមការប្រកាសរបស់សហព័ន្ធបាល់ទាត់អន្តរជាតិ (FIFA)​ ក្រោយពេលបិទការចាប់ឆ្នោតលក់សំបុត្រ ដោយកំណត់ចំណោះអ្នកមានទិដ្ឋការធ្វើដំណើរ (Visa) ទៅកាន់ទឹកអីអាម៉េរិក។ ប្រទេសម៉ិកស៊ិក និងកាណាដា ជាសហម្ចាស់ផ្ទះជាមួយនឹងអាម៉េរិក នឹងរៀបចំការប្រកួត ក៏មានមនុស្សច្រើនបានដាក់ពាក្យស្នើសុំទិញសំបុត្រផងដែរ តែ FIFA មិនបានបញ្ជាក់ចំនួនសរុបឡើយនៅប្រទេសទាំង ២ នេះ។ ការបើកលក់សំបុត្រលើកដំបូងសម្រាប់ព្រឹត្តិការណ៍ World Cup 2026 បានធ្វើឡើងចាប់ពីថ្ងៃទី៩-១៩ ខែកញ្ញា​ ហើយការប្រកាសអំពីអ្នកមានសិទ្ធិទិញសំបុត្របាន តាមលក្ខខណ្ឌទិដ្ឋាការ (Visa) អាចធ្វើដំណើរទៅអាម៉េរិកបាន នឹងធ្វើឡើងពីថ្ងៃទី២៩ កញ្ញា ដល់ ថ្ងៃទី១ តុលា។ បើតាមការកំណត់ត្រារបស់ FIFA មនុស្សម្នាក់អាចទិញបានសំបុត្រត្រឹមតែ ៤សន្លឹកប៉ុណ្ណោះក្នុងមួយប្រកួត ហើយមនុស្សម្នាក់ត្រូវបានកំណត់មិនឱ្យទិញសំបុត្រលើស ៤០សន្លឹកឡើយ នៅទូទាំងការប្រកួត World Cup 2026។ ការបើកឱ្យដាក់ពាក្យទិញសំបុត្រ World Cup 2026 លើកទី២ នឹងចាប់ផ្តើមឡើងនៅថ្ងៃទី២៧ ខែតុលា ខាងមុខ ហើយការប្រកាសអំពីអ្នកអាចទិញសំបុត្របាន នឹងចាប់ផ្តើមនៅពាក់កណ្តាលខែវិច្ឆិកា ដល់ដើមខែធ្នូ។ ចំណែកការបើកលក់សំបុត្រលើកទី៣ អាចនឹងបើកលក់

អត្តពលិកមកពីរុស្ស៊ី និងបេឡារុស នឹងត្រឡប់ចូលរួមការប្រកួតព្រឹត្តិការណ៍កីឡាអូឡាំពិករដូវរងាទីក្រុង Milano Cortina ឆ្នាំ ២០២៦ ក្រោមរូបភាពអត្តពលិកអព្យាក្រឹត គ្មានទង់ជាតិតំណាងប្រទេស និងគ្មានភ្លេងជាតិក្នុងការប្រកួត។ នេះបើតាមការប្រកាសរបស់គណៈកម្មាធិការអូឡាំពិកអន្តរជាតិ (IOC)។ ស្ថាប័ន IOC បានព្យួរគណៈកម្មាធិការអូឡាំពិករុស្ស៊ី តាំងខែតុលា ឆ្នាំ ២០២៣ មកម្ល៉េះ ក្រោយពេលរុស្ស៊ីវាយលុកលុយចូលប្រទេសអ៊ុយក្រែន បានជាង ១ឆ្នាំ។  «យើងធ្លាប់បាននិយាយអំពីស្ថាប័ន ឯករាជ្យភាព និងអត្តពលិកអព្យាក្រឹតភាព (AINs) ពេលកន្លងមក។ រឿងនេះមិនមែនជារឿងថ្មីឡើយ។ ក្រុមប្រឹក្សាប្រតិបត្តិ នឹងយកវិធីសាស្ត្រដូចគ្នាធ្លាប់ធ្វើនៅព្រឹត្តិការណ៍អូឡាំពិកទីក្រុងប៉ារីស (Paris 2024) លើប្រទេសទាំងនោះ។ គ្មានអ្វីផ្លាស់ប្តូរនោះទេ។»។ នេះបើតាមសម្តីរបស់អ្នកស្រី Kirsty Coventry ប្រធាន IOC ថ្មី និយាយប្រាប់អ្នកកាសែត។ អត្តពលិករុស្ស៊ី និងបេឡារុស ដែលឈ្នះការប្រកួតជម្រុះតាមតំបន់ នឹងត្រូវឆ្លងកាត់ការត្រួតពិនិត្យពីគណៈកម្មការ​ ស្វែងរកអំពីទំនាក់ទំនងជាមួយយោធារុស្ស៊ី ឬក៏មានគាំទ្រសង្គ្រាមនៅក្នុងប្រទេសអ៊ុយក្រែន ហើយបើសិនជារកឃើញមាននោះ ស្ថាប័ន IOC នឹងមិនអនុញ្ញាតឱ្យអត្តពលិកប្រទេសទាំង ២ នោះ ចូលរួមប្រកួតឡើយ ទោះក្នុងនាមជាអត្តពលិកអព្យាក្រឹតក៏ដោយ។ ចាប់តាំងពីរុស្ស៊ី បើកការវាយលុកចូលអ៊ុយក្រែន តាំងពីឆ្នាំ ២០២២ មក ស្ថាប័នកីឡាធំៗលើពិភពលោកបានហាមឃាត់ទៅកាន់ក្រុមរុស្ស៊ីមិនឱ្យចូលរួមការប្រកួតព្រឹត្តិការណ៍កីឡាអន្តរជាតិនានា។ បេឡារុសវិញ ជាប្រទេសផ្តល់ច្រកទ្វារឱ្យរុស្ស៊ីចូលវាយលុកអ៊ុយក្រែន ក៏ត្រូវបានហាមឃាត់អត្តពលិក ពីការប្រកួតអន្តរជាតិដូចគ្នា។

នៅរដូវកាល ២០២៥-២០២៦ នេះ ក្លិបបាល់ទាត់ ព្រះខ័នរាជស្វាយរៀង កំពុងតែបង្ហាញសក្តានុពលដ៏ខ្លាំងក្លា អំពីប្រព័ន្ធលេងរបស់ខ្លួន ពោលតាំងពីតំបន់អ្នកចាំទី ការពារ រហូតដល់តំបន់ប្រយុទ្ធ។ ការប្រកួតក្នុងលីគកំពូល កម្ពុជា Cambodian Premier League រដូវកាលនេះ ក្រុម ព្រះខ័នរាជស្វាយរៀង មិនទាន់ស្គាល់រស់ជាតិបរាជ័យនៅឡើយទេ ដោយឆ្លងកាត់ ៥ ប្រកួត ឈ្នះទាំង ៥ ប្រកួត និងកំពុងកាន់កាប់តំណែងកំពូលតារាងក្នុងលីគ។ ខណៈការប្រកួតចុងក្រោយកាលពីល្ងាចថ្ងៃ សុក្រ ទី ១៩ ខែ កញ្ញា ឆ្នាំ ២០២៥ ម្សិលមិញ ពួកគេទើបតែបន្តទទួលជ័យជម្នះលើក្រុម ឡាយហ្វ ព្រះសីហនុ នៅពហុកីឡដ្ឋានជាតិ មរតកតេជោ ក្នុងលទ្ធផល ៦ ទល់នឹង ១។ ដោយឡែកការប្រកួតផ្សេងៗទៀត ដូចជាពានបើករដូវកាល Cambodian Super Cup និងការប្រកួតពានក្លិបតំបន់ អាស៊ាន ASEAN Club Championship Shopee

គណៈកម្មាធិការ​ជាតិ​អូឡាំពិក កម្ពុជា (NOCC) បានបិទវគ្គបញ្ចប់​វគ្គ​​សិក្សា​សាមគ្គីអូឡាំពិកស្តីពី «រដ្ឋបាល» កីឡាដោយជោគជ័យ កាល​ពី​ថ្ងៃ ព្រហស្បតិ៍ ទី ១៨ ខែ កញ្ញា ឆ្នាំ ២០២៥ ក្រោមអធិបតីភាព​លោក​បណ្ឌិត ថោង ខុន ទេសរដ្ឋមន្រ្តី និងជាប្រធានគណៈកម្មាធិការជាតិអូឡាំពិកកម្ពុជា។ វគ្គសិក្សានេះ​បានដំណើការរយៈពេល ៤ ថ្ងៃ ពោលតាំងពីថ្ងៃទី ១៥ ខែ កញ្ញា ឆ្នាំ ២០២៥។ គោលបំណងនៃការបើកវគ្គសិក្សាសាមគ្គីអូឡាំពិកស្តីពី «រដ្ឋបាល» កីឡានេះ ដើម្បីពង្រឹងចំណេះដឹងក្នុងការងារដឹកនាំ គ្រប់គ្រង និងរៀបចំព្រឹត្តិការណ៍កីឡា ដល់ថ្នាក់ដឹកនាំកីឡា មន្ដ្រី កីឡា គ្រូបង្វឹកកីឡា ដែលបំរើការងារកីឡានៅតាម សហព័ន្ធកីឡាជាតិ និងនៅតាមអង្គភាពកីឡា នៅទូទាំងប្រទេស ។ ការសិក្សារយៈពេល ៤ ថ្ងៃ គឺបានផ្តោតសំខាន់លើការសិក្សា ៤ ចំណុច។ ទី ១ ការសិក្សាលើ វិទ្យាសាស្ត្រកីឡា ដើម្បីឱ្យមានការយល់ដឹងពីវិធីការពារ និងបង្ការគ្រោះថ្នាក់ពីការហ្វឹកហាត់

ខ្សែប្រយុទ្ធបារាំង Kylian Mbappe បច្ចុប្បន្នរកបាន ៥០គ្រាប់ហើយ នៅក្នុងក្លិប ​Real Madrid ជា​ក្លិបក្នុងក្តីស្រមៃរបស់គេតាំងពីវ័យកុមារ។ ប៉ុន្តែតើការរកបានគ្រាប់ ៥០គ្រាប់នេះ កីឡាករ​វ័យ ២៦ឆ្នាំ អាចរកបានលឿនជាង ធៀប​នឹងនិមិត្តរូបរបស់គេ កីឡាករ Cristiano Ronaldo ឬទេ? អំឡុងរដូវកាល ២០២៤-២៥ ខ្សែប្រយុទ្ធវ័យ ២៦ឆ្នាំ បង្ហាញខ្លួនលេងលើទឹកដីអេស្ប៉ាញ​លើកដំបូង តែមិនឈ្នះពានរង្វាន់អ្វីសោះ ជាមួយ Real Madrid ទោះបីគេរកបានគ្រាប់បាល់​ស៊ុតចូលទីច្រើនក៏ដោយ។ រដូវកាលមុន Mbappe រកបាន ៤៤គ្រាប់ រាល់ពានរង្វាន់ដែល Real Madrid មានវត្តមាន ហើយគេក៏ក្លាយជាកីឡាករស៊ុតបាល់បញ្ចូលទីច្រើនជាងគេ នា​ការបង្ហាញខ្លួនរដូវកាលដំបូង ប្រចាំប្រវត្តិសាស្ត្រក្លិប។ ធៀបទៅនឹង Ronaldo គេរកបានត្រឹមតែ ៣៣គ្រាប់ ប៉ុណ្ណោះ នៅការបង្ហាញខ្លួនលេងរដូវ​កាលដំបូងជាមួយ Real Madrid។  ក្រោយចប់រដូវកាល ២០២៤-២៥ ខ្សែប្រយុទ្ធសញ្ជាតិបារាំង ផ្តើមរកឃើញទម្រង់លេងល្អ​ខ្លាំងរបស់គេត្រឡប់មកវិញ ខណៈគេរកបាន ៦គ្រាប់ ដើមរដូវកាលថ្មី។

ក្រុម​កីឡាករ​ប្រដាល់​មក​ពី​សហរដ្ឋអាមេរិក​ ដែល​ដឹកនាំ​ដោយ​លោក​ ស្រប ស្រឿយ​ នឹង​វិល​ត្រឡប់​ទៅ​ប្រទេស​របស់​ខ្លួន​វិញ​នៅ​ថ្ងៃ​អាទិត្យ​ ទី២១​ ខែ​កញ្ញា​ ឆ្នាំ​២០២៥​ ខណៈ​កីឡាករ​ពីរ​រូប​បន្ត​ស្នាក់នៅ​ និង​ដើរ​លេង​ប្រហែល​ ១-២​ សប្ដាហ៍​ទៀត​សិន។​ បន្ទាប់ពីធ្វើការប្រកួតរួចរាល់ និងបានដើរលេងកម្សាន្តតាមរមណីដ្ឋាននានា ទស្សនាប្រាសាទបុរាណខ្មែរ ជាច្រើនថ្ងៃរួចមកក្រុមប្រដាល់មកពីសហរដ្ឋអាមេរិកនឹងវិលត្រឡប់ទៅកាន់ប្រទេសខ្លួនវិញនៅថ្ងៃអាទិត្យនេះហើយ។ ចំណែកកីឡាករ Juan Jackson និងកីឡាករ Ryan Teal បន្តស្នាក់នៅប្រហែល ១-២ សប្ដាហ៍ទៀត។ កីឡាករ និងក្រុមការងារទាំងអស់សប្បាយរីករាយជាខ្លាំងចំពោះដំណើរមកកាន់កម្ពុជានៅពេលនេះ។ ក្រោយពីប្រកួតរួចបានដើរលេងទស្សនាប្រាសាទនានារបស់ខ្មែរដែលខ្លួនមិនធ្លាប់បានឃើញផ្ទាល់ពីមុនមក និងបានសាកញុំម្ហូបខ្មែរទៀតផង។ បញ្ជាក់​ដែរ​ថា​ កីឡាករ​ និង​ក្រុម​ការងារ​ដែល​មក​ពី​សហរដ្ឋអាមេរិក​មាន​គ្នា​សរុប​ប្រហែល​ជាង​១០​នាក់​បាន​មក​ចូលរួម​ការ​ប្រកួត​គុន​ខ្មែរ​ Land Of Peace​ កាល​ពី​ថ្ងៃ​ទី១៣​ ខែ​កញ្ញា​​ ឆ្នាំ​២០២៥​ នៅ​ឯ​ខេត្ត​សៀមរាប។​ ការ​មក​ចូលរួម​ប្រកួត​នេះ​គឺ​ដឹកនាំ​ដោយ​លោក​ ស្រប​ ស្រឿយ​ ដែល​ជា​គ្រូ​បង្វឹក​នៅ​ឯ​ទីនោះ​៕​ ប្រភព៖ KAMPUCHEATHMEY

លោក​ សេន​ ប៊ុនថេន​ គ្រូ​បង្វឹក​របស់​កីឡាករ មហា​ម៉ាត់​, យ៉ាស៊ីន​, អាលីរ៉េហ្សា​, អាមៀ​ បាន​ឆ្ងល់​​ពី​កូន​សិស្ស​ប៉ុន្មាន​នាក់​ហ្វឹកហាត់​មិន​ចេះ​ហត់​សោះ។ លោក​ សេន​ ប៊ុន​ថេន​ បាន​ឲ្យ​ដឹង​ថា​ កីឡាករ​បរទេស​ ​មហាម៉ាត់​, យ៉ាស៊ីន​, អាលីរ៉េហ្សា,​ អាមៀ​ ដែល​កំពុង​រស់នៅ​ហ្វឹកហាត់​ជា​មួយ​លោក​ប៉ុន្មាន​នាក់​នេះ​មាន​សុខភាព​ល្អ​ខ្លាំង​ និងសួត​ល្អ​​អំណោយ​ផល​ដល់​ការ​ហ្វឹកហាត់​តែ​ម្ដង។​ គ្រូ​បង្វឹក​រូប​នេះ​បន្ត​ទៀត​ថា​ លោក​ក៏​ឆ្ងល់​ដែរ​ពីសុខភាពរបស់​​ពួកគេ​ល្អ​ខ្លាំង​​ដោយ​ហ្វឹកហាត់​មិន​ចេះ​ហត់​សោះ​។ ការ​ហ្វឹក​ហាត់​បច្ចេកទេស​អ្វីដែល​​លោក​ដាក់​ឲ្យ ក៏​ពួក​គាត់​ធ្វើ​បាន​ទាំង​អស់។​ ពួក​គេ​ឧស្សាហ៍ព្យាយាម​ គោរព​ការ​ហ្វឹកហាត់​ ​មិនចេះ​ដើរ​លេង​ មិន​ចេះ​ញុាំគ្រឿង​ស្រវឹង​ ​ស្រឡាញ់​រាប់អាន​ និង​ចេះ​ខ្លាច​ចិត្ត​អ្នក​ដទៃ។​ លោក​​ សេន​ ប៊ុនថេន​ បាន​បន្ត​ថា​ ដោយ​សារ​​ការ​​គោរព​លើ​ការ​ហ្វឹកហាត់​ជាប់លាប់​ និង​ខំប្រឹង​ប្រែង​ព្យាយាម​បំផុត​ទើប​ធ្វើ​ឲ្យ​ពួកគេ​រឹតតែ​មាន​សមត្ថភាព​ល្អ​ខ្លាំង​ក្នុង​ការ​ប្រកួត​កន្លង​ទៅ​ដូច​ប្រិយមិត្ត​បាន​ឃើញស្រាប់។​ កីឡាករ​កម្ពុជា​មួយ​ចំនួន​ហាត់​ខ្លាំង​មែនទែន​អត់​បាន​ទេ​ ហាត់​ឈឺ​ ពោល​សុខភាព​មិន​សូវ​ល្អ​ដល់​បរទេសនោះ​ឡើយ។​ បញ្ជាក់​ដែរ​ថា​ កីឡាករ​បរទេស​ប៉ុន្មាន​ខាង​លើ​នេះ​ពិសេស​ មហាម៉ាត់​ និង​ យ៉ាស៊ីន​ គឺ​ទទួល​បាន​ការ​គាំទ្រ​ច្រើន​នៅ​កម្ពុជា​នា​ពេល​បច្ចុប្បន្ន​នេះ។​ ពួកគេ​ប្រកួត​ម្ដងៗ​អស់​ពី​សមត្ថភាព​ និង​ប្រកួត​បុក​លើ​ដៃគូ​ខ្លាំង​សឹងតែ​មិន​ឲ្យ​ដក​ដង្ហើម​បាន​ផងដែល​នេះ​បង្ហាញ​ពី​កម្លាំង​ស៊ុហ្វ​ដ៏​ល្អ​របស់​ពួកគេ។​ កីឡាករ​ប៉ុន្មាន​នាក់​នេះ​កំពុង​ក្រឡុក​តាម​សង្វៀន​នានា​ក្នុង​ស្រុក​ និង​បង្ហាញ​មុខ​ច្រើនលើ​កម្មវិធី​ធំៗ​។​ កីឡាករ​ទាំង​៤នាក់​នេះ​ជា​ជនជាតិ​អាហ្វហ្កានីស្ថាន និង​បាន​រស់នៅ​ជា​ជា​មួយ​ក្លឹប​សេនប៊ុនថេន​គុនខ្មែរ​ប្រហែល​១០​ខែ​មក​ហើយ៕ ប្រភព៖ KAMPUCHEATHMEY

អតីត​ដៃគូរបស់កីឡាករ​កម្ពុជា​ វឿន វាសនា គឺ ស្មាត់ធំរបស់ជម្រើសជាតិ ហ្វីលីពីន កីឡាករ Bryan Bagunas បានបង្ហាញសមត្ថភាពមិននឹកស្មានដល់​ក្នុងព្រឹត្តិការណ៍បាល់ទះជើងឯកពិភពលោក FIVB Men’s Volleyball World Championship ឆ្នាំ ២០២៥ ដែលនេះជាសក្ខីភាពបង្ហាញពី រូបគេពិតជាសក្តិសមទទួលបានឱកាសទៅលេងនៅលីគបាល់ទះ​កំពូលជប៉ុន ពិតមែន។ មុនការប្រកួតបាល់ទះជើងឯកពិភពលោក ឆ្នាំ ២០២៥ ដែល ហ្វីលីពីន ធ្វើជាម្ចាស់ផ្ទះមកដល់ កីឡាករ Bryan Bagunas បានទទួលដំណឹងយ៉ាងភ្ញាក់ផ្អើល ដោយបានចុះកិច្ចសន្យាទៅចូលរួមជាមួយក្រុម Osaka Bluteon នៃលីគបាល់ទះ ជប៉ុន ដែលជាក្រុមរបស់ស្មាត់កំពូល Yuji Nishida។ ជាការពិត ចំណុចដែលស្មាត់មកពីតំបន់ អាស៊ីគ្នេយ៍ វ័យ ២៧ ឆ្នាំរូបនេះ ត្រូវបានក្លិបកំពូលរបស់ ជប៉ុន មើលឃើញ គឺមិនមែនជារឿងចៃដន្យនោះទេ ប៉ុន្តែ វាគឺ ដោយសារសមត្ថភាពយ៉ាងពិតប្រាកដ។ Bryan Bagunas បានធ្វើឱ្យអ្នកគាំទ្របាល់ទះមានការភ្ញាក់ផ្អើលមែនទែន បន្ទាប់ពីរូបគេបង្ហាញសមត្ថភាពលេចធ្លោខ្លាំងក្នុងព្រឹត្តិការណ៍បាល់ទះពិភពលោក