Admin - 855Star

ឧក រហ៊ីត ប្រើពេល ១ម៉ោង១៧នាទី យកបាន មេដាយមាស ២១គម ម៉ារ៉ាតុងអន្តរជាតិចក្រភពអង្គរ

កីឡាករឆ្នើមផ្នែកអត្តពលកម្ម ឧក រហ៊ីត ដណ្ដើមបានមេដាយមាស លើវិញ្ញាសា ២១គីឡូម៉ែត្រ នៃព្រឹត្តិការណ៍ម៉ារ៉ាតុងអន្តរជាតិចក្រភពអង្គរ លើកទី១០ ធ្វើឡើងនៅឯខេត្តសៀមរាបដែលទើបបញ្ចប់ទៅនេះដោយរូបគេធ្វើបានថិរវេលា ១ម៉ោង និង១៧នាទី។ កីឡាករ ឧក រហ៊ីត បានឲ្យដឹងថា បើទោះជាឈ្នះមេដាយមាសក្នុងការចូលរួមប្រកួតវិញ្ញាសា ២១គីឡូម៉ែត្រលើកនេះគឺធ្វើមិនសូវបានល្អដូចលើកមុនៗនោះឡើយ ពោលដោយសារការត្រៀមខ្លួនមិនបានល្អ។ ការលើកពេលប្រកួតទើបខ្លួនមិនបានហ្វឹកហាត់ត្រៀមឲ្យបានពេញលេញ។ ស្របពេលការត្រៀមខ្លួនលើកដំបូងគឺបានពេញល្អ ប៉ុន្តែត្រូវលើកពេល។ ជើងខ្លាំងមកពីខេត្តសៀមរាបរូបនេះបន្ថែមទៀតថា លើកនេះរូបគេធ្វើបានថិរវេលា ១ម៉ោង ១៧នាទី ប្រៀបធៀបនឹងថិរវេលារបស់ខ្លួនមុនៗគឺចាញ់លើកមុននោះទេ។ លើកមុនធ្វើបានថិរវេលា ១ម៉ោង និង១២នាទី។ បញ្ជាក់ដែរថា ព្រឹត្តិការណ៍រត់ម៉ារ៉ាតុងអន្តរជាតិចក្រភពអង្គរ លើកទី១០ នេះធ្វើឡើងកាលពីថ្ងៃទី៣១ ខែសីហា ឆ្នាំ ២០២៥ នៅខេត្តសៀមរាប ក្រោមការចូលរួមពីអ្នករត់ប្រមាណជាង ៤០០០នាក់៕ ប្រភព៖ KAMPUCHEATHMEY

ឧក រហ៊ីត ប្រើពេល ១ម៉ោង១៧នាទី យកបាន មេដាយមាស ២១គម ម៉ារ៉ាតុងអន្តរជាតិចក្រភពអង្គរ Read More »

Bugner អតីតជើងឯកអឺរ៉ុប ៣សម័យ ទទួលមរណភាព ក្នុងវ័យ ៧៥ឆ្នាំ

ពត៌មានថ្មីៗ / Admin

(បរទេស)៖ អតីតកីឡាករប្រដាល់ទម្ងន់ធ្ងន់ Joe Bugner ដែលធ្លាប់ជាម្ចាស់ខ្សែក្រវាត់ប្រចាំទ្វីប ៣សម័យកាលផងនោះ បានអនិច្ចកម្មហើយក្នុងវ័យ ៧៥ឆ្នាំ។ នេះបើយោងតាមការចេញផ្សាយដោយ BBC។ Bugner ធ្លាប់ជាគូប្រជែងធំរបស់ជើងខ្លាំង Muhammad Ali ២លើក និងធ្លាប់ប៉ះ Joe Frazier ផងដែរនាអំឡុងឆ្នាំ១៩៧៣ មុនបន្តជួប Ali ម្តងទៀតក្នុងឆ្នាំ១៩៧៥ ដើម្បីដណ្តើមខ្សែក្រវាត់ពិភពលោក WBC។ លើសពីនេះទៀត រូបគេក៏ធ្លាប់ដណ្តើមបានខ្សែក្រវាត់របស់ចក្រភពអង់គ្លេស រួមទាំងក្នុងកម្មវិធី Commonwealth ទៀតផង ក្នុងនាមកីឡាករប្រដាល់សកលមួយរូបដែលស្ថិតក្នុងចំណោម top 10 ទៀតផងនាអំឡុងឆ្នាំ១៩៧០ ជាមួយនឹងកំណត់ត្រាប្រកួតសរុបបាន ៨៣លើក ឈ្នះ ៦៩ដង ចាញ់ ១៣ដង និងស្មើ ១ដង ដោយធ្លាប់ផ្តួលដៃគូសន្លប់បាន ៤១ដង។ សហព័ន្ធប្រដាល់អង់គ្លេសបានចេញសេចក្តីថ្លែងការណ៍ ចំពោះការចូលរួមមរណទុក្ខដ៏ក្រៀមក្រំទៅដល់ក្រុមគ្រួសារនៃសពរបស់លោក Joe Bugner នៅឯគេហដ្ឋានដែលស្ថិតក្នុងទីក្រុង Brisbane ប្រទេសអូស្រ្តាលី។ វាគឺជាថ្ងៃដ៏សោកសៅបំផុតសម្រាប់គ្រួសារប្រដាល់ មិនថានៅអង់គ្លេស និងអឺរ៉ុបទាំងមូល៕ ប្រភព៖ FRESHNEWS

Bugner អតីតជើងឯកអឺរ៉ុប ៣សម័យ ទទួលមរណភាព ក្នុងវ័យ ៧៥ឆ្នាំ Read More »

Galatasarayទិញបាន Gundogan របស់ Man City លើការផ្ទេរដោយឥតគិតថ្លៃ

ពត៌មានថ្មីៗ / Admin

Galatasaray បានចុះហត្ថលេខាទិញខ្សែបម្រើសញ្ជាតិអាល្លឺម៉ង់ដែលមានបទពិសោធន៍ Ilkay Gundogan ពី Manchester City លើការផ្ទេរដោយឥតគិតថ្លៃ។ កីឡាករវ័យ 34 ឆ្នាំបានយល់ព្រមលើកិច្ចព្រមព្រៀងមួយលេងរហូតដល់ចុងបញ្ចប់នៃរដូវកាល 2026-27 ជាមួយនឹងក្រុមជើងឯកប្រទេសទួរគី។ Gundogan នៅសល់រយៈពេលមួយឆ្នាំទៀតលើកិច្ចសន្យារបស់ City ប៉ុន្តែត្រូវបានអនុញ្ញាតឱ្យចាកចេញជាមួយនឹងទីផ្សារដោះដូរកីឡាកររបស់ប្រទេសទួរគីបើករហូតដល់ថ្ងៃទី 12 ខែកញ្ញា។ Gundogan បានបង្ហាញខ្លួនចំនួន 358 ដងក្នុងការលេង ជាមួយ Man City ដោយស៊ុតបញ្ចូលទីបាន 65 គ្រាប់ និងឈ្នះពានរង្វាន់ចំនួន 14 រួមទាំង Premier League, FA Cup និង Champions League ចំនួនបីដងក្នុងឆ្នាំ 2023 នៅពេលដែលគាត់បានធ្វើជាប្រធានក្រុម។ Gundogan គឺជាកីឡាករដំបូងរបស់ លោក Pep Guardiola ទិញសម្រាប់ Man City ក្នុងឆ្នាំ 2016 ហើយបានចំណាយពេល 7 ឆ្នាំនៅទីនោះ

Galatasarayទិញបាន Gundogan របស់ Man City លើការផ្ទេរដោយឥតគិតថ្លៃ Read More »

Man City ចុះហត្ថលេខាទិញយកអ្នកចាំទីអ៊ីតាលី Donnarumma ពី PSG

ពត៌មានថ្មីៗ / Admin

ក្លឹបបាល់ទាត់ Manchester City បានចុះហត្ថលេខាទិញអ្នកចាំទីអ៊ីតាលី Gianluigi Donnarumma ពីក្លឹប Paris Saint-Germain ក្នុងកិច្ចសន្យារយៈពេល 5 ឆ្នាំ បន្ទាប់ពីក្លឹបនៅអង់គ្លេសបានយល់ព្រមឱ្យអ្នកចាំទីប្រេស៊ីល Ederson ទៅក្លឹបទួរគី Fenerbahce ។ ប្រព័ន្ធផ្សព្វផ្សាយរបស់អង់គ្លេសបានរាយការណ៍ថា Man City បានចំណាយ 30 លានផោន (40.5 លានដុល្លារ) សម្រាប់ Donnarumma ដែលនឹងពាក់អាវលេខ 99 ហើយបានយល់ព្រមលក់ Ederson ក្នុងតម្លៃ 12 លានផោន។ លោក Hugo Viana នាយកផ្នែកកីឡាបាល់ទាត់របស់ City បាននិយាយថា “ប្រវត្តិ គុណភាព និងកំណត់ត្រារបស់ Gianluigi និយាយដោយខ្លួនឯង ហើយយើងទាំងអស់គ្នាពិតជារំភើបចិត្តណាស់ដែលគាត់បានចូលរួមជាមួយពួកយើងនៅទីនេះ។ គាត់បានប្រមូលនូវបទពិសោធន៍កម្រិតកំពូល និងដឹងពីអ្វីដែលតម្រូវឱ្យសម្រេចបាននូវភាពជោគជ័យក្នុងកម្រិតមួយប្រកបដោយនិរន្តរភាព”។ ការចាកចេញរបស់ Ederson ទៅកាន់ក្រុមទួរគី Fenerbahce លើការផ្ទេរអចិន្រ្តៃយ៍កាលពីព្រឹកថ្ងៃអង្គារបានត្រួសត្រាយផ្លូវសម្រាប់ការចុះហត្ថលេខារបស់ Donnarumma ។

Man City ចុះហត្ថលេខាទិញយកអ្នកចាំទីអ៊ីតាលី Donnarumma ពី PSG Read More »

ក្លិប EPL ចាយ៤ពាន់លានដុល្លារលើការទិញដូរកីឡាករ លើសលីគអឺរ៉ុប ៤ទៀតបូកបញ្ចូលគ្នា

ពត៌មានថ្មីៗ / Admin

ក្លិបទាំង ២០ ក្នុងក្របខណ្ឌ Premier League ចំណាយសរុប ៤,១៨ ពាន់លានដុល្លារអំឡុងទីផ្សារដូរដោះកីឡាករលើកទី១ ប្រចាំរដូវកាល ២០២៥-២៦ លើសឆ្នាំមុនដល់ទៅជិតពាក់កណ្តាល និងច្រើនជាងការចំណាយរបស់ក្លិបនៅ Bundesliga, La Liga, Ligue 1 និង Serie A រួមបញ្ចូលគ្នាទៅទៀត។ នៅថ្ងៃចុងក្រោយនៃទីផ្សារដោះដូរកីឡាករលើកទី១បិទទ្វារ (Deadline Day) វេលាម៉ោង១២ និង ០០នាទី យប់ថ្ងៃទី១ ខែកញ្ញា ក្លិប Liverpool បានចំណាយកប់ពពក ១៧៦លានដុល្លារបន្ថែមទៀតដើម្បីទិញយកខ្សែប្រយុទ្ធ Alexander Isak ពី Newcastle United និងជាក្លិបដែលចាយច្រើនដាច់នេះនៅដើមរដូវកាលនេះ។ មួយចុងក្រោយនេះ ក្លិបទាំងអស់នៅ EPL ចំណាយ ៣,៦៩ពាន់លានដុល្លារលើការទិញដូរកីឡាករ និងសរុបតាំងពីថ្ងៃបើកដំណើរការមក ចាយសរុបអស់ ៤,១៨ ពាន់លានដុល្លារ។ កាលពីរដូវកាលមុន អំឡុងទីផ្សារដោះដូរលើកទី១ដូចគ្នានេះ ក្លិបក្នុងលីគកំពូលអង់គ្លេសចំណាយអស់ត្រឹម ២៦៥ពាន់ដុល្លារប៉ុណ្ណោះ ពោលគឺតិចជាងឆ្នាំនេះដល់ទៅជិតពាក់កណ្តាល។ ចំណាយ ៤,១៨

ក្លិប EPL ចាយ៤ពាន់លានដុល្លារលើការទិញដូរកីឡាករ លើសលីគអឺរ៉ុប ៤ទៀតបូកបញ្ចូលគ្នា Read More »

លោក ខូវ ឆាយ បញ្ជាក់ពីការព្រមានអប់រំអាជ្ញាកណ្តាល ឃឹម សុជាតិ បានបញ្ចប់

ពត៌មានថ្មីៗ / Admin

លោក ឃឹន សុជាតិ អាជ្ញាកណ្តាលប្រដាល់គុនខ្មែរបានយកដៃទៅទះកីឡាករចិន ឃ្វីន ជីន បន្ទាប់ពីកីឡាករចិនរូបនេះបានទះលើផ្នែកខាងក្រោយរបស់លោក សម្រាប់ការប្រកួតជាមួយកីឡាករកម្ពុជា ឈុត សេរីវ៉ាន់ថង កាលពីថ្ងៃទី២៩ ខែសីហា ឆ្នាំ ២០២៥ នៅសង្វៀនប្រដាល់ថោន។ សកម្មភាពនេះបានធ្វើឲ្យផ្ទះការចាប់អារម្មណ៍ខ្លាំងពីមហាជន ដោយមានអ្នកខ្លះគាំទ្រសកម្មភាពរបស់លោក ឃឹម សុជាតិ ប៉ុន្តែក៏មានអ្នកខ្លះមិនគាំទ្រ។ ករណីនេះ លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានប្រាប់សារព័ត៌មាន«កម្ពុជាថ្មី»ថា លោក ឃឹម សុជាតិ បានប្រព្រឹត្តខុសនឹងគោលការអាជ្ញាកណ្តាលពិតមែន ដូច្នេះសហព័ន្ធបានអញ្ជើញលោកទៅណែនាំ អប់រំ និងព្រមានផ្ទាល់មាត់កាលពីថ្ងៃទី១ ខែសីហា ឆ្នាំ ២០២៥។ លោក ខូវ ឆាយ បានលើកឡើងថា ៖«ទាក់ទងករណីលោកគ្រូ ឃឹម សុជាតិ ខាងគណៈកម្មការបច្ចេកទេស និងគណៈកម្មការវិន័យ បានអញ្ជើញលោកកាលពីម្សិលមិញ (ទី១ ខែកញ្ញា) ដើម្បីធ្វើការអប់រំ ណែនាំ និងពិន័យផ្ទាល់មាត់ ចំពោះគាត់ ដោយសារគាត់បានប្រព្រឹត្តកំហុស ផ្ទុយពីបទបញ្ជា បច្ចេកទេសនៃការប្រកួត

លោក ខូវ ឆាយ បញ្ជាក់ពីការព្រមានអប់រំអាជ្ញាកណ្តាល ឃឹម សុជាតិ បានបញ្ចប់ Read More »

Kwame Peprah ឈ្នះពានកីឡាករល្អបំផុតប្រចាំខែសីហា ក្នុងលីគកំពូលកម្ពុជា

ពត៌មានថ្មីៗ / Admin

ខ្សែប្រយុទ្ធរបស់ក្លិបបាល់ទាត់ព្រះខ័នរាជស្វាយរៀង Kwame Peprah បានឈ្នះពានកីឡាករល្អបំផុតប្រចាំខែសីហា ដែលជាខែដំបូងនៃលីគបាល់ទាត់កំពូលកម្ពុជា រដូវកាល ២០២៥-២៦។ ការប្រកូតក្នុងខែសីហា មានចំនួន ៣ ប្រកួត ព្រះខ័នរាជស្វាយរៀង បានយកឈ្នះ ណាហ្គាវើលដ៍ ៣-០, ឈ្នះ អង្គរថាយហ្គឺរ ៣-០ និងឈ្នះ បឹងកេត ៣-០ រកបាន ៩ពិន្ទុពេញ ឈរលើកំពូលតារាង ជាមួយគ្រាប់បាល់ស៊ុតចូលដៃគូ ៩ គ្រាប់ និងគ្មានដៃគូណាស៊ុតចូលពួកគេឡើយ។ ក្នុងចំណោមជ័យជម្នះទាំង ៣ លើកខាងលើ ខ្សែប្រយុទ្ធសញ្ជាតិហ្គាណា Kwame Peprah រកបាន ៣ គ្រាប់ គឺ ២ គ្រាប់នៅពេល ព្រះខ័នរាជស្វាយរៀង ឈ្នះ បឹងកេត ៣-០ ក្នុងសប្តាហ៍ទី៣ ថ្ងៃទី២៤ ខែសីហា ជាពេលដែលរូបគេបានក្លាយជាកីឡាករល្អប្រចាំការប្រកួត។ ១គ្រាប់ទៀតនៅពេល ព្រះខ័នរាជស្វាយរផង ឈ្នះ អង្គរថាយហ្គឺរ ដោយលទ្ធផល ៣-០ ក្នុងសប្តាហ៍ទី២

Kwame Peprah ឈ្នះពានកីឡាករល្អបំផុតប្រចាំខែសីហា ក្នុងលីគកំពូលកម្ពុជា Read More »

នារីអាហ្វ្រិកខាងត្បូង Kim Roberts មានមោទនភាពចំពោះកម្ពុជា ចេះរួបរួមជួយគ្នា

ពត៌មានថ្មីៗ / Admin

នារីដ៏ស្រស់ស្អាត Kim Roberts ដែលមកពីប្រទេសអាហ្វ្រិកខាងត្បូងមានមោទនភាពចំពោះប្រទេសកម្ពុជា ដែលប្រជាជនរួបរួម និងចេះជួយទុក្ខលំបាកគ្នាយ៉ាងសកម្ម។ កញ្ញា Kim Roberts ជាមួយអ្នកម្តាយដែលបានចូលរួមក្នុងព្រឹត្តិការណ៍រត់ម៉ារ៉ាតុងអន្តរជាតិចក្រភពអង្គរ លើកទី១០ កាលពីថ្ងៃទី៣១ ខែសីហា ឆ្នាំ ២០២៥ នៅខេត្តសៀមរាប បានប្រាប់ថា កញ្ញា និងក្រុមគ្រួសារបានរស់នៅប្រទេសកម្ពុជារយៈពេលជិត ១០ ឆ្នាំ។ កាលពីមុន លោកយាយ លោកតារបស់កញ្ញាក៏រស់នៅកម្ពុជាដែរគឺរយៈពេល ១២ ឆ្នាំ។ នារីអាហ្វ្រិកខាងត្បូងបានប្រាប់ថា កញ្ញាពិតជាសប្បាយរីករាយ និងមានមោទនភាពចំពោះប្រទេសកម្ពុជា ហើយសង្ឃឹមថា ព្រឹត្តិការណ៍រត់ដើម្បីសន្តិភាពនេះនឹងជំរុញឲ្យអ្នករាល់គ្នាឲ្យមានសន្តិភាពសម្រាប់កម្ពុជា។ កញ្ញាលើកនិយាយថា ៖«នេះជាកាលៈទេសៈដ៏លំបាកសម្រាប់កម្ពុជា និងប្រជាជន ជាពិសេសអ្នករស់នៅតំបន់ព្រំដែន ប៉ុន្តែខ្ញុំដឹងថា វាពិតជាស្រស់ស្អាតណាស់ដែលបានឃើញប្រជាជនកម្ពុជាចេះរួបរួមគ្នា ចេះជួយគ្នា យកគ្រឿងឧបភោគ បរិភោគជួយកម្លាំងទ័ពជួរមុខ និងជួយប្រជាពលរដ្ឋដែលបាត់បង់ផ្ទះសម្បែង។ ដូច្នេះខ្ញុំពិតជារីករាយអំពីរឿងទាំងនេះដែលបានធ្វើឲ្យខ្ញុំមានមោទនភាព»។ អតីតគ្រូបង្រៀនភាសាអង់គ្លេសរូបនេះបានលើកឡើងថា ៖«សម្រាប់កម្ពុជា យើងត្រូវចាំថា បើយើងត្រូវការសន្តិភាព ដូច្នេះយើងត្រូវបង្ហាញសារពីសន្តិភាព មិនថាជាជនថៃ ចិន ឬពួកគាត់មកពីណាទេ យើងត្រូវតែបង្ហាញថា យើងត្រូវការសន្តិភាព។ ចូរចងចាំថា បើយើងត្រូវការសន្តិភាព យើងមិនត្រូវរើសអើងចំពោះបុគ្គលណាម្នាក់។

នារីអាហ្វ្រិកខាងត្បូង Kim Roberts មានមោទនភាពចំពោះកម្ពុជា ចេះរួបរួមជួយគ្នា Read More »

ជំនួបរវាង Pacquiao និង Romero ដណ្តើមខ្សែក្រវាត់ WBA ចុងឆ្នាំនេះ ទំនងជាមិនកើតឡើងនោះទេ

ពត៌មានថ្មីៗ / Admin

(បរទេស)៖ ១ប្រកួតបន្ទាប់របស់កីឡាករប្រដាល់សកលហ្វីលីពីន Manny Pacquiao ដែលត្រូវបានគិតថា អាចប៉ះ Rolando Romero ម្ចាស់ខ្សែក្រវាត់ WBA welterweight ទំនងជាមិនអាចកើតឡើងនោះទេ។ នេះបើយោងតាមការចេញផ្សាយដោយ essentially sports។ មិនអាចកើតឡើងនោះត្រង់ថា Romero វ័យ ៣០ឆ្នាំសញ្ជាតិអាមេរិក បានបដិសេធរួចទៅហើយ ក្នុងការប្រកួតទល់នឹងអតីតជើងឯកពិភពលោក ៨ប្រភេទទម្ងន់ PacMan។ ថ្មីៗនេះរូបគេបាន Live នៅលើ Instagram ដោយលោកបានឆ្លើយនឹងសំណួររបស់គាំទ្រម្នាក់ថា «តើលោកនឹងវ៉ៃជាមួយ Charlo 154 ទេ? លោកបានឆ្លើយថា Nah, ខ្ញុំមិនវ៉ៃជាមួយ Charlo ទេ។ ពេលនេះ ខ្ញុំមិនខ្វល់ប្រកួតជាមួយនរណាទៀតទេ»។ នេះមានន័យថា ជំនួបទល់នឹងខ្លាកំណាចអាស៊ី វ័យ ៤៦ឆ្នាំ Pacquiao នឹងមិនអាចកើតឡើងឆាប់ៗនេះនោះទេ ដ្បិតនៅសល់ត្រឹម ៣ខែទៀតដាច់ឆ្នាំ២០២៥ នេះហើយ ប៉ុន្តែបើកើតមាន អាចនៅឆ្នាំក្រោយឯណោះ។ ទោះជាយ៉ាងណា Romero មិនទាន់មានគូប្រកួតណាមួយនៅឡើយទេ គិតចាប់តាំងពីផ្តួល Ryan Garcia តាំងពីខែឧសភា

ជំនួបរវាង Pacquiao និង Romero ដណ្តើមខ្សែក្រវាត់ WBA ចុងឆ្នាំនេះ ទំនងជាមិនកើតឡើងនោះទេ Read More »

Antony តម្លៃខ្លួនជាង ១០០លាន ត្រូវបាន Man Utd លក់ទៅឱ្យ Real Betis ហើយ

ពត៌មានថ្មីៗ / Admin

(មេនឆេស្ទើ)៖ ខ្សែបម្រើអន្តរជាតិប្រេស៊ីល Antony ដែលក្រុម Manchester United ទិញពី Ajax តម្លៃ ១១០លានដុល្លារកាលឆ្នាំ២០២២ ត្រូវបានលក់ចេញទៅឱ្យ Real Betis ហើយថ្ងៃនេះក្នុងតម្លៃតែ ២៩លានដុល្លារប៉ុណ្ណោះ។ នេះបើយោងតាមការចេញផ្សាយដោយ BBC។ ការលេង ៣ឆ្នាំនៅកីឡដ្ឋាន Old Trafford ខ្សែបម្រើវ័យ ២៥ឆ្នាំរូបនេះបង្ហាញខ្លួនបានតែ ៦២ប្រកួតនៅ Premier League ដោយស៊ុតបាន ៥គ្រាប់ និងបោះឱ្យគេស៊ុតបាន ៣លើកប៉ុណ្ណោះ មុនពេលត្រូវបានបញ្ជូនទៅលេងខ្ចីជើងនៅ ក្លឹបអេស្ប៉ាញខាងលើនាអំឡុងខែមករា ឆ្នាំ២០២៥ ដោយស៊ុតបាន ៩គ្រាប់ពីការបង្ហាញខ្លួនសរុប ២៦ប្រកួតនៅ La Liga។ ការផ្ទេរចេញពីទឹកដីអង់គ្លេសទៅកាន់អេស្ប៉ាញ នឹងត្រូវប្រកាសជាផ្លូវការនាថ្ងៃចន្ទ ទី០១ ខែកញ្ញានេះ ចំថ្ងៃបិទទីផ្សារទិញ-ដូរកីឡាករនាម៉ោង ១២យប់នេះតែម្តង។ ជាមួយគ្នានោះដែរ មិត្តរួមក្រុមនៅបិសាចក្រហម Kobbie Mainoo ត្រូវបានគេជឿជាក់ថា នឹងបន្តលេងនៅ United ទៀត បើទោះបីជាខ្សែបម្រើអង់គ្លេស វ័យ ២០ឆ្នាំរូបនេះចង់ចាកចេញ ដើម្បីមានជម្រើសលេងក៏ដោយ៕

Antony តម្លៃខ្លួនជាង ១០០លាន ត្រូវបាន Man Utd លក់ទៅឱ្យ Real Betis ហើយ Read More »