ពត៌មានថ្មីៗ

(បរទេស)៖ លោកស្រី Beverly Priestman អតីតអ្នកចាត់ការទូទៅក្រុមបាល់ទាត់ស្រ្តីជម្រើសជាតិកាណាដាបាននិយាយថា នាងគ្មានអារម្មណ៍សុវត្ថិភាពក្នុងប្រទេសនេះទៀតឡើយ បន្ទាប់ពីរងបម្រាម ១ឆ្នាំទាក់ទងនឹងករណីចារកម្មនៅព្រឹត្តិការណ៍កីឡាចម្រុះ Olympics 2024។ នេះបើយោងតាមការចេញផ្សាយដោយ BBC។ ការថ្លែងក្នុងសន្និសីទបែបនេះ ត្រូវបានធ្វើឡើង ក្រោយពេលលោកស្រីត្រូវបានតែងតាំងដឹកនាំក្រុមបាល់ទាត់ស្រ្តីនៃក្លិប Wellington Phoenix របស់ណូវែលហ្សេឡង់កាលពីថ្ងៃពុធម្សិលមិញ។ នាងថា «ខ្ញុំគ្មានអារម្មណ៍សុវត្ថិភាពទៀតទេ ក្នុងការរស់នៅកាណាដា ដែលពោរពេញទៅដោយភាពស្មោះត្រង់ក្លែងក្លាយ។ វាមានការលំបាកខ្លាំងណាស់សម្រាប់គ្រួសារខ្ញុំ ដែលទ្រាំរស់នៅក្នុងស្ថានភាពបែបនេះ»។ ការក្លាយជាគ្រូបង្វឹកក្នុងក្លិបវិញម្តងនេះ គឺជាតួនាទីដំបូងរបស់ Priestman គិតចាប់តាំងនាងបានរួចបម្រាមដកបញ្ឈរជើង ១២ខែមិនឱ្យពាក់ព័ន្ធនឹងសកម្មភាពបាល់ទាត់របស់ FIFA ជុំវិញរឿងអាស្រូវចារកម្មនៅឯកម្មវិធី Paris Games កាលឆ្នាំ២០២៤ នៅប្រទេសបារាំង។ នៅចាំបានថា Priestman ដែលធ្លាប់ធ្វើជំនួយការរបស់លោក Phil Neville ក្នុងក្រុមជម្រើសជាតិនារីអង់គ្លេស រយៈពេល ២ឆ្នាំផងនោះ បានដឹកនាំស្រ្តីកាណាដា ដណ្តើមបានមេដាយមាសនៅឯ Tokyo Olympics កាលឆ្នាំ២០២១ ក្នុងរជ្ជកាលកាន់តំណែងបាន ៤ឆ្នាំរបស់នាង៕ ប្រភព៖ FRESH NEWS

អតីត​ល្បីឈ្មោះ​ និង​ឈ្នះ​ខ្សែក្រវាត់​ពាន​រង្វាន់​ជា​ច្រើន​គ្រឿង​ លោក​ ជាម​ អាដាំ​ ថា​ជំនាន់​លោក​ក៏​មិន​ជា​អ្នក​វាយ​ដៃ​ល្អណាស់​ណា​ទេ​ ប៉ុន្តែ​គ្រាន់​តែ​លោក​ចូលចិត្ត​ការ​វាយ​ខ្លី​អាច​ការពារ​ខ្លួន​បាន​លឿន​ និង​មិន​សូវ​មាន​គ្រោះ​ថ្នាក់​ក្នុង​ពេល​ប្រកួត។​ ម្ចាស់​ខ្សែក្រវាត់​ K Cement ​លោក​ ជាម​ អាដាំ​ បាន​ឲ្យ​ដឹង​ថា​ ឥលូវ​នេះ​មាន​អ្នក​វាយ​ដៃ​ល្អៗ​ច្រើន​ និង​ល្អ​ជាង​លោក​វាយ​ផង​ជាក់​ស្ដែង​ដូច​កីឡាករ​ ពេជ្រ​ សម្បត្តិ​ ជា​ដើម។​ ជំនាន់​កាល​លោក​ប្រកួត​ពេល​នោះ​គឺ​លោក​ចូលចិត្ត​វាយ​ដៃ​ខ្លី​ និង​វាយ​តែ​ពី​ខាង​ក្នុង​នោះ​ទេ។​ ជើង​ខ្លាំង​ជំនាន់​ CTN ខាង​លើ​នេះ​បន្ថែម​ទៀត​ថា​ ការ​ដែល​លោក​វាយ​ដៃ​ខ្លី​បែប​នេះ​ទី១​ អាច​ដក​មក​ការពារ​វិញ​បាន​លឿន​ ព្រោះ​ដៃ​ដែល​វាយ​ទៅ​គេ​មិន​អស់។​ ទី២​ ការ​វាយ​ពី​ខាង​ក្នុង​ដូច​លោក​គឺ​ច្បាស់​ ត្រូវ​លើ​ដៃគូ​ច្រើន​ និង​អាច​ការពារ​មុខ​ខ្លួន​ឯង​ទៀត​នៅ​ពេល​ដៃគូ​វាយបក​ពី​ក្រៅ​មក​មិន​ចូល​ដល់​ថ្គាម។​ គ្រូ​ជំនួយ​ក្លឹប​នាគនាំសំណាងនារាយណ៍តេជៈ​ឲ្យ​ដឹង​ទៀត​ថា​ ចំពោះ​កីឡាករ​ ពេជ្រ​ សម្បត្តិ ​កណ្ដាប់​ដៃ​ល្អ​ និង​អាច​ចេញ​បាន​គ្រប់​ទម្រង់​វាយ​ដៃ​នេះ​មិន​ថា​ ខា​​វឆ្វេង-ស្ដាំ​ វាយ​ត្រង់​ វាយ​ក្រោះសេ​ វាយ​ខ្លី​ វាយ​វែង​គឺ​វាយ​បាន​ទាំង​អស់។​ ចំណុច​ល្អ​មួយ​ទៀត​នោះ​គឺ​វាយ​​ចេញ​បានច្រើន​ ដូច្នេះ​ហើយ​អ្នក​ដែល​ប៉ះ​រូប​គេ​គឺ​ពិបាក​វាយ​ជា​មួយ​ណាស់ និង​វាយ​មិន​សូវ​ទាន់​ សម្បត្តិ​ នោះ​ឡើយ។​ បញ្ជាក់​ដែរ​ថា​ លោក​ ជាម​ អាដាំ​ ជា​អតីត​អ្នក​ប្រដាល់​ល្បីឈ្មោះ​មួយ​រូប​នៅ​ជំនាន់​លោក​ ម៉ា សេរី​

អ្នក​ប្រដាល់​កំពុង​ល្បីឈ្មោះ​ គោរមៈ ច័ន្ទរាជ្យ​ តាំង​ចិត្ត​ដណ្ដើម​ខ្សែក្រវាត់​ឲ្យ​បានក្នុង​ការ​ប្រកួត​ឯ​ប្រទេស​វៀតណាម​នៅ​ថ្ងៃ​ទី២​ ខែ​សីហា​ ឆ្នាំ​២០២៥​ ជូន​ប្រជាជន​កម្ពុជា​ និង​វីរៈ​កងទ័ព​ជួរមុខ​ផង​ដែរ។​ កីឡាករ គោរមៈ ច័ន្ទរាជ្យ បានឲ្យដឹងថា រូបគេបានហ្វឹកហាត់ជាប់រហូតមកហើយទាំងគុនខ្មែរ និងផ្នែកគុនចម្រុះ (MMA) ដើម្បីត្រៀមលក្ខណៈសម្រាប់ការប្រកួតនៅប្រទេសវៀតណាមនេះ។ អ្នកលេងគុនខ្មែររូបនេះបានមើលវីដេអូប្រកួតរបស់ដៃគូ និងសិក្សាពីក្បាច់ រួមទាំងត្រៀមស្នៀតសម្រាប់ទប់ទល់រួចហើយ ដូច្នេះសម្រាប់ការប្រកួតនេះដាក់ក្ដីសង្ឃឹមរហូត ៧០%។ កីឡាករ Tan bo Meng (ម៉ាឡេស៊ី) រូបនេះមានកម្លាំងខ្លាំងល្អ និងពូកែខាងបោកផ្ដួល ប៉ុន្តែស្នៀតវាយលើ ឬឈរវាយមិនសូវជាល្អនោះឡើយ។ ការប្រកួតមួយនេះអាចនិយាយបានថាខ្លួននឹងព្យាយាមឈរវាយយកពិន្ទុឪ្យបានច្រើន។ កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា ប្ដេជ្ញាចិត្តប្រកួតឲ្យអស់ពីសមត្ថភាពដើម្បីដណ្ដើមយកជ័យជម្នះ និងស្ពាយខ្សែក្រវាត់មកកម្ពុជាវិញជូនប្រជាជនកម្ពុជា រួមទាំងវីរៈកងទ័ពជួរមុខនៅថ្ងៃទី២ ខែសីហា ២០២៥ នេះ។ បញ្ជាក់ដែរថា ក្រុមកីឡាករកម្ពុជា ៣រូបនឹងចូលរួមការប្រកួតគុនចម្រុះ (MMA) ដណ្ដើមខ្សែក្រវាត់ក្នុងកម្មវិធី GMA នៅថ្ងៃទី២ ខែសីហា ឆ្នាំ២០២៥ ឯទីក្រុងហាណូយ ប្រទេសវៀតណាម។ កីឡាករ គោរមៈ ច័ន្ទរាជ្យ ប៉ះ

មក​ស្គាល់​ប្រវត្តិ​ជើង​ខ្លាំង​វ័យ​ក្មេង​ សុខុន សីហនុត ​ធ្លាប់​ឈ្នះ​មេដាយ​មាស ៥ និង​សំរឹទ្ធ ៣គ្រឿង ​ពី​ប្រទេស​ថៃ​ និង​ប្រទេស​ឥណ្ឌូណេស៊ី​ ក្នុង​ប្រភេទ​កីឡា​ហាប់គីដូ​នា​ពេល​កន្លង​ទៅ​នេះ​ ខណៈ​រូប​គេ​ចាត់​ជា​កីឡាករ​ឆ្នើម​ប្រចាំ​សហព័ន្ធ​ហើយ។​ កីឡាករថ្នាល សុខុន សីហនុត មានអាយុ ១៣ឆ្នាំ និងកំពុងសិក្សានៅថ្នាក់ទី៨ នៃវិទ្យាល័យទួលទំពូង រាជធានីភ្នំពេញ។ កីឡាករហាប់គីដូរូបនេះមានឪពុកឈ្មោះ ខន សុខុន និងម្ដាយឈ្មោះ រ៉េត សុខហ៊ាង។ រូបគេមានបងប្អូនបង្កើត ២នាក់គឺ សីហនុត ខ្លួនឯងជាបង និងប្អូនស្រីម្នាក់ទៀតឈ្មោះ សុខុន លីហ័រ។ ជារឿងប្លែកម្យ៉ាងដែរសម្រាប់ សីហនុត នោះគឺរូបគេផ្ទាល់ និងឪពុក រួមទាំងប្អូនស្រី បានចូលហាត់កីឡាហាប់គីដូដំបូងឡើយនោះជាមួយគ្នាតែម្ដងរហូតឥលូវនេះមានកម្រិតខ្សែក្រវាត់ត្នោត និងជាសិស្សគុនជំនាន់គ្នាតែម្ដង។ អាចថាជានិស្ស័យអំឡុងជំងឺកូវីដ ១៩ នៅឆ្នាំ២០២២ លោក ខន សុខុន មិនដែលស្គាល់អ្វីទៅជាកីឡាហាប់គីដូនោះទេពីមុនមក ប៉ុន្តែចៃដន្យថ្ងៃមួយរូបលោកបានឃើញ លោក គង់ ចាន់ធីណា កំពុងបង្ហាត់សិស្សមួយក្រុមនៅឯក្លឹប Cambodian Top Team ក្បែរផ្ទះរបស់ខ្លួនទើបសាកសួរ

(បរទេស)៖ Laura Dahlmeier ដែលជាម្ចាស់ជ័យលាភី ២លើកនៅព្រឹត្តិការណ៍អូឡាំពិករដូវរងា លើប្រភេទកីឡាប៊ីយ៉ាត្លុង (Biathlon) ត្រូវបានអ្នកគ្រប់គ្រង នឹងអាជ្ញាធរក្នុងតំបន់បានបញ្ជាក់ថា បានទទួលមរណភាពហើយ បន្ទាប់ពីជួបឧបទ្ទវហេតុឡើងភ្នំនៅប្រទេសប៉ាគីស្ថាន កាលពីថ្ងៃពុធ ខែកក្កដា ឆ្នាំ២០២៥ ក្នុងវ័យ ៣១ឆ្នាំ។ នាងជាកីឡាការិនីជិះស្គី និងបាញ់ក្លើងសញ្ជាតិអាល្លឺម៉ង់ ដ៏ឆ្នើមមួយរូប ធ្លាប់បានជ័យលាភីជាក្រុមនៅការប្រកួតព្រឹត្តិការណ៍អូឡាំពិករដូវរងា កាលឆ្នាំ២០១៤ – ២០១៨ និងកម្រិតពិភពលោក World Championships 2013-2019 ។ ខណៈ Dahlmeier បានឡើងជាមួយដៃគូឡើងភ្នំរបស់នាង ហើយត្រូវបានវាយប្រហារដោយការធ្លាក់ថ្មភ្នំភ្លាមៗ នៅជ្រលង Hushe ដែលជាផ្នែកនៃតំបន់ Gilgit-Baltistan ភាគខាងជើង។ ក្លិប Alpine នៃប្រទេសប៉ាគីស្ថានបានឱ្យដឹងកាលពីថ្ងៃអង្គារថា ឧបទ្ទវហេតុនេះបានកើតឡើងនៅវេលាម៉ោងប្រហែលថ្ងៃត្រង់ កាលពីថ្ងៃចន្ទ នៅរយៈកម្ពស់ប្រហែល ៥,៧០០ម៉ែត្រនៅលើភ្នំ Laila Peak ដែលជាជួរភ្នំមួយមានកម្ពស់ ៦.០៩៦ម៉ែត្រ ។ ជាមួយគ្នានោះ ការជួយសង្គ្រោះបានខកខានដោយអាកាសធាតុមិនល្អបានរារាំងឧទ្ធម្ភាគចក្រមិនឱ្យទៅដល់កន្លែងនោះ ៕ ប្រភព៖ FRESH NEWS

Chelsea បានយល់ព្រមលើកិច្ចព្រមព្រៀងមួយសម្រាប់ខ្សែការពារ Jorrel Hato របស់ Ajax ក្នុងតម្លៃដំបូង 37 លានផោនដែលកំពុងរងចាំការយល់ព្រមពីក្រុមប្រឹក្សាភិបាលរបស់ក្លឹបហូឡង់។កីឡាករសញ្ជាតិហូឡង់វ័យ 19 ឆ្នាំរូបនេះត្រូវបានគេរំពឹងថានឹងចុះហត្ថលេខាលើកិច្ចសន្យារយៈពេល 7 ឆ្នាំដែលមានរយៈពេលរហូតដល់ឆ្នាំ 2032 ហើយនឹងបញ្ចប់ការពិនិត្យសុខភាពដោយត្រូវបានផ្តល់ភ្លើងខៀវឱ្យធ្វើដំណើរទៅកាន់ភាគខាងលិចទីក្រុងឡុងដ៍ Chelsea ចាត់ទុក Hato កីឡាករវ័យក្មេងដែលមានទេពកោសល្យអាចបន្ថែមការប្រកួតប្រជែងនៅខ្សែការពារ ដែលគេអាចលេងបាននៅតំបន់ការពារឆ្វេង និងនៅតំបន់កណ្តាល។Hato បានចូលលេងជាលើកដំបូងសម្រាប់ក្រុមធំរបស់ Ajax ក្នុងខែមករា ឆ្នាំ 2023 នៅពេលដែលគេមានអាយុត្រឹមតែ ១៦ ឆ្នាំ ៣៣៥ ថ្ងៃប៉ុណ្ណោះ ដែលធ្វើអោយគេក្លាយជាកីឡាករវ័យក្មេងជាប់លេខ ៣ ក្នុងប្រវត្តិសាស្រ្តក្លឹប ដែលបានចូលលេងលើកដំបូងក្នុងលីគ Eredivisie។ គាត់បានបង្ហាញខ្លួន 75 លើកសម្រាប់ក្រុម Eredivisie និងបានបង្ហាញខ្លួនជាលើកដំបូងរបស់គាត់សម្រាប់ប្រទេសហូឡង់ក្នុងឆ្នាំ 2023 ។Ajax បានសម្រេចលក់គាត់ ដោយសារត្រូវការចំណូលសាច់ប្រាក់ បន្ទាប់ពីរយៈពេល ២ ឆ្នាំដែលពួកគេមិនបានចូលរួមក្នុង Champions League។ ទន្ទឹមនឹងនេះ ពួកគេនឹងត្រឡប់ទៅលេងនៅលីគកំពូលរបស់អឺរ៉ុបម្ដងទៀតនៅរដូវកាលនេះ។ Chelsea ត្រូវបានគេជឿថាកំពុងស្ទាក់ស្ទើរការបញ្ចប់ការទិញលក់នៅរដូវក្តៅនេះ ប៉ុន្តែពួកគេចង់បានខ្សែប្រយុទ្ធថ្មីម្នាក់ទៀត។

ខ្សែបម្រើសញ្ជាតិស្វីស Granit Xhaka បានចូលរួមជាមួយ Sunderland ក្នុងកិច្ចសន្យារយៈពេល 3 ឆ្នាំ ដោយត្រលប់មក Premier League វិញ 2 ឆ្នាំបន្ទាប់ពីគាត់បានចាកចេញពី Arsenal ទៅលេងនៅ Bayer Leverkusen ក្នុងប្រទេសអាល្លឺម៉ង់។ Xhaka វ័យ 32 ឆ្នាំបានចំណាយពេល 7 ឆ្នាំនៅ Arsenal មុនពេលចូលរួមជាមួយ Leverkusen ជាកន្លែងដែលគាត់បានឈ្នះពាន Bundesliga និងឈានដល់វគ្គផ្តាច់ព្រ័ត្រ Europa League ក្នុងរដូវកាលដំបូងរបស់គាត់។ សារព័ត៌មានអង់គ្លេសបានរាយការណ៍ថា Sunderland បានចុះហត្ថលេខាជាមួយ Xhaka ក្នុងតម្លៃ ១៧,៣ លានផោន (២៣,១៤ លានដុល្លារ)។ ការផ្ទេរទៅកាន់ក្លឹបដែលទើបនឹងឡើងថ្មីមកលេងនៅ Premier League កើតឡើងមួយសប្តាហ៍បន្ទាប់ពីអ្នកចាត់ការ Leverkusen លោក Erik ten Hag បាននិយាយថា Xhaka មិនសំខាន់ពេកសម្រាប់ក្លឹបដែលត្រូវតែបោះបង់ចោល។

Rangers ជិតបញ្ចប់កិច្ចសន្យាខ្ចីជើងដើម្បីចុះហត្ថលេខាលើខ្សែប្រយុទ្ធ Mikey Moore របស់ Tottenham Hotspur ។កីឡាករវ័យ ១៧ ឆ្នាំនេះ ត្រូវបានចាត់ទុកថាជាកុមារដែលមានទេពកោសល្យ​អស្ចារ្យរបស់បាល់ទាត់អង់គ្លេស ហើយ​បាន​សម្រេច​ចិត្តចរចារ​ទៅ​លេង​នៅ​ក្លឹប Scottish Premiership នេះ នឹងជួយការអភិវឌ្ឍខ្លួនរបស់គាត់ឱ្យកាន់តែខ្លាំង។ ក្រុម Spurs បានពន្យល់ថា Moore ស្ថិតក្នុងចំណោមកីឡាករច្រើន ដែលបាននៅសល់ពីទស្សនកិច្ចមុនរដូវនៅអាស៊ី ជាមួយ Alfie Devine និង Dane Scarlett ដើម្បីស្វែងរកឱកាសខ្ចីជើង ខណៈដែលក្រុមត្រៀមប្រកួតជាមួយArsenal នៅហុងកុងថ្ងៃព្រហស្បតិ៍នេះ។ នៅពេលត្រូវបានសួរអំពីអនាគតរបស់ Moore អ្នកចាត់ការទូទៅរបស់ Spurs លោក Thomas Frank បាននិយាយកាលពីថ្ងៃអង្គារថា«វាមានសារៈសំខាន់ខ្លាំងណាស់[ដែលបានអោយគាត់ខ្ចីជើង]Mikey គឺជាកីឡាករដែលមានទេពកោសល្យដ៏អស្ចារ្យ។ខ្ញុំពិតជារំភើបចំពោះអនាគតរបស់គាត់នៅ Tottenham។» “ខ្ញុំគិតថាសម្រាប់កីឡាករទាំងអស់ ប៉ុន្តែជាពិសេសកីឡាករវ័យក្មេង ពួកគេទាមទារអោយទទួលបានការប្រកួតជាជម្រើសដំបូងហើយជាប់លាប់នៅក្នុងក្រុម។ខ្ញុំគិតថា ប្រសិនបើយើងអាចស្វែងរកជំហរឲ្យត្រឹមត្រូវ យើងនឹងធ្វើវា។ Moore គឺជាកីឡាករក្មេងបំផុតដែលបានលេងឱ្យ Tottenham ក្នុងក្របខ័ណ្ឌ Premier League ដោយបានបង្ហាញខ្លួនជាលើកដំបូងនៅអាយុ 16 ឆ្នាំ

សហព័ន្ធកីឡាប្រដាល់គុនខ្មែរ បានសម្រេចចិត្តផ្អាករាល់ការប្រកួតគុនខ្មែរ តាមស្ថានីយ៍ទូរទស្សន៍ និងសង្វៀនតាមបណ្តាខេត្តនានា ដែលស្ថិតក្រោមការគ្រង់គ្រងរបស់សហព័ន្ធ ដោយគិតចាប់ពីថ្ងៃទី៣០ ខែកក្កដា តទៅ រហូតមានការផ្តល់តំណឹងជាថ្មី។ ការសម្រេចផ្អាកនេះ ធ្វើឡើងក្រោយពីមានបញ្ហាជម្លោះប្រដាប់អាវុធតាមព្រំដែនរវាងកម្ពុជា និងថៃ មុនបទឈប់បាញ់នៅថ្ងៃទី២៩ ខែកក្កដា។ «សហព័ន្ធស្នើសុំផ្អាករាល់ការប្រកួតកីឡាប្រដាល់គុនខ្មែរនៅគ្រប់ស្ថានីយ៍ទូរទស្សន៍ និងសង្វៀននានាតាមបណ្តាខេត្ត ក្រោមការគ្រង់គ្រងរបស់សហព័ន្ធកីឡាប្រដាល់គុនខ្មែរ ចាប់ពីពេលនេះតទៅ រហូតដល់មានការជូនដំណឹងជាថ្មី។»។ នេះបើតាមសេចក្តីប្រកាសរបស់សហព័ន្ធកីឡាប្រដាល់គុនខ្មែរ ព្រឹកថ្ងៃទី៣០ កក្កដា។ ចាប់តាំងពីមានបញ្ហាជម្លោះប្រដាប់អាវុធតាមព្រំដែនរវាងកម្ពុជា និងថៃ ដ៏ក្តៅគគុក ស្ថាប័នគ្រង់គ្រងកីឡាមួយចំនួន និងការរៀបចំព្រឹត្តិការណ៍កីឡាមួយចំនួន ក៏ដូចជាព្រឹត្តិការណ៍កីឡារត់ប្រណាំងម៉ារ៉ាតុងចក្រភពអង្គរជាដើម ត្រូវអ្នករៀបចំសម្រេចចិត្តផ្អាក។  ជម្លោះព្រំដែន រយៈពេល ៥ថ្ងៃ បានបិទបញ្ចប់ក្រោយពីមានបទឈប់បាញ់ ត្រឹមម៉ោង ១២យប់ ថ្ងៃទី២៨ កក្កដា ប៉ុន្តែជនរងគ្រោះ ជាប្រជាពលរដ្ឋកម្ពុជារាប់ពាន់នាក់ បានភៀសសឹក​ ចេញពីផ្ទះសម្បែងរកទីកន្លែងសុវត្ថិភាព កំពុងជួបទុក្ខលំបាក ដែលមិនអាចមើលរំលងបាន។ កងទ័ពថៃ បានបើកការវាយប្រហារមកលើកងទ័ពកម្ពុជា មុន នៅតំបន់ប្រាសាទតាមាន់ធំ កាលពីថ្ងៃទី២៤ កក្កដា។ ព្រោះតែស្ថានភាពជនភៀសសឹកមានច្រើនរហូតដល់ជាង ១៥ម៉ឺននាក់ សុទ្ធសឹងជាពលរដ្ឋរស់នៅតាមខេត្តជាប់ព្រំដែន មានជម្លោះរួមមាន ខេត្តឧត្តរមានជ័យ បន្ទាយមានជ័យ

(ម៉ូនិច)៖ ក្រុមជើងឯកលីគរបស់អាល្លឹម៉ង់ Bayern Munich ទិញបានខ្សែបម្រើស្លាប Luis Diaz ពីក្លិបហង្សក្រហម Liverpool ជាផ្លូវការហើយ ពោលគឺក្នុងតម្លៃ ៦៥លានផោន។ នេះបើយោងតាមការចេញផ្សាយដោយ BBC។ កីឡាករអន្តរជាតិកូឡុំប៊ី វ័យ ២៨ឆ្នាំរូបនេះ បានព្រមព្រៀងចុះកិច្ចសន្យារយៈពេល ៤ឆ្នាំនៅកីឡដ្ឋាន Allianz Arena ដែលស្ថិតក្នុងទីក្រុង Munich បញ្ចប់រយៈពេល ៣ឆ្នាំកន្លះផងដែរលេងនៅទីលាន Anfield។ Diaz មិនបានរួមដំណើរជាមួយក្រុមជើងឯក Premier League រដូវកាល ២០២៤-២៥ ឡើយ ដើម្បីប្រកួតកំដៅសាច់ដុំទល់នឹង AC Milan កាលពីរាត្រីថ្ងៃសៅរ៍ ដោយសារជាប់រវល់ចំពោះការផ្ទេរចេញពីទឹកដីអង់គ្លេស។ មែនទែនទៅពីដំបូងឡើយ Liverpool បានបដិសេធសំណើពីក្លិបខ្លារខិន ក្នុងតម្លៃប្រមាណ ៥៨.៦លានផោនកាលពីដើមខែនេះ ក៏ប៉ុន្តែព្រមលក់វិញ នៅពេល Bayern ហ៊ានឱ្យថ្លៃ ៦៥.៥លានផោនកាលពីសប្តាហ៍មុន និងបានបើកភ្លើងឱ្យ Diaz ទៅពិនិត្យសុខភាពតែម្តង៕ ប្រភព៖ FRESH NEWS