August 14, 2025

បន្ទាប់ពីចប់ភារកិច្ចក្នុងព្រឹត្តិការណ៍កីឡាពិភពលោក លើកទី១២ (12th World Games) នៅទីក្រុង Chengdu ប្រទេសចិន កីឡាករជឺជិតស៊ូកម្ពុជា គង់ម៉ូណា មិថុរ៉ា យល់ថាសមត្ថភាពខ្លួននៅមានកម្រិតទាប ហើយត្រូវការពង្រឹង និងអភិវឌ្ឍខ្លួនឲ្យកាន់តែខ្លាំង ដើម្បីអាចមានសមត្ថភាពប្រកួតប្រជែងក្នុងព្រឹត្តការណ៍កម្រិតពិភពលោក។ កីឡាករ គង់ម៉ូណា មិថុរ៉ា និង ទូច ពីរកក្កដា គឺជាកីឡាករជឺជិតស៊ូកម្ពុជា ២រូប ដែលបានចូលរួមក្នុងព្រឹត្តិការណ៍កីឡាពិភពលោក លើកទី១២ នៅប្រទេសចិន។ កីឡាករកម្ពុជាទាំង២រូបនេះ បានបរាជ័យក្នុងព្រឹត្តិការណ៍នេះ ដោយបានចំណាត់ថ្នាក់លេខ៧ ក្នុងវិញ្ញាសាសម្ដែងគូបុរស កាលពីថ្ងៃទី១១ សីហា ឆ្នាំ២០២៥។ បន្ទាប់ពីឆ្លងកាត់ការប្រកួតកម្រិតពិភពលោកនេះ កីឡាករ គង់ម៉ូណា មិថុរ៉ា យល់ថាកម្រិត និងសមត្ថភាពខ្លួននៅទាប ហើយត្រូវការពង្រឹងបន្ថែមទៀត។ ចំពោះការប្រកួតកម្រិតអាស៊ីអាគ្នេយ៍ កីឡាករកម្ពុជាទាំង២ រូបនេះ ធ្វើបានល្អ ដោយធ្លាប់ជាម្ចាស់មេដាយមាសស៊ីហ្គេម លើកទី៣២ កាលពីឆ្នាំ២០២៣។ កីឡាករវ័យ ២៧ឆ្នាំរូបនេះ បានតាំងចិត្តពង្រឹងសមត្ថភាពបន្ថែម ដោយចង់បានមេដាយកម្រិតពិភពលោកបន្ថែមទៀត។ គង់ម៉ូណា មិថុរ៉ា បានប្រាប់សារព័ត៌មានឌីជីថលថ្មីៗថា៖ «ចំណុចសំខាន់ […]

កីឡាករឌូអាត្លុងកម្ពុជា Sokha Mickael Chiumond បានដណ្ដើមបានលេខ១០ ក្នុងព្រឹត្តិការណ៍កីឡាពិភពលោក លើកទី១២ (12th World Games) នៅទីក្រុង Chengdu ប្រទេសចិន​ នាព្រឹកថ្ងៃទី១៤ សីហា ឆ្នាំ២០២៥។ លោក ងិន សុបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជា ចាត់ទុកថាចំណាត់ថ្នាក់នេះ ល្អសម្រាប់កម្ពុជា ដ្បិតស្ថិតនៅលើកីឡាករអាស៊ី ដោយក្រោមតែកីឡាករអឺរ៉ុប។ កីឡាករ Sokha Michael Chiumond គឺជាកីឡាឌូអាត្លុងរបស់កម្ពុជា តែម្នាក់គត់ បានទៅប្រកួតក្នុងព្រឹត្តិការណ៍កីឡាពិភពលោក លើកទី១២ នៅប្រទេសចិន។ វត្តមានរបស់កីឡាករកម្ពុជារូបនេះ ក្នុងព្រឹត្តិការណ៍កីឡាពិភពលោក មិនមែនបានដោយសារការផ្ដល់សិទ្ធិអនុគ្រោះឲ្យចូលរួមនោះទេ ប៉ុន្ដែបានមកដោយសារសមត្ថភាព នៃការប្រកួតប្រជែងវគ្គជម្រុះអន្ដរជាតិ។ Sokha Michael Chiumond ដែលដណ្ដើមបានចំណាត់ថ្នាក់លេខ១០ ក្នុងព្រឹត្តិការណ៍ World Games បានចូលរួមប្រកួតលើកីឡាឌូអាត្លុង ក្នុងចំណោមអត្តពលិកសរុបចំនួន ៣៤នាក់ ដែលមានវិញ្ញាសារត់ប្រណាំង ១០គីឡូម៉ែត្រ ប្រណាំងកង់ ៤០គីឡូម៉ែត្រ និងរត់ប្រណាំង ៥គីឡូម៉ែត្រ។ កីឡាករ

(បរទេស)៖ កីឡាករប្រដាល់ទម្ងន់ធ្ងន់អង់គ្លេស Dallian Whyte បាននិយាយថា Anthony Joshua គួរតែវ៉ៃជាមួយ Jake Paul ម្តង។ នេះបើយោងតាមការចេញផ្សាយដោយ BBC។ ការថ្លែងបែបនេះធ្វើឡើងក្នុងសន្និសីទ នៅពេលកីឡាករវ័យ ៣៧ឆ្នាំ Whyte ត្រៀមប្រកួតទល់នឹងជើងខ្លាំង Moses Itauma នៅអារ៉ាប៊ីសាអូឌីត នាថ្ងៃសៅរ៍ចុងសប្តាហ៍នេះ។ បើនិយាយពី អតីតតារា YouTube គឺ Jake Paul នៅតែមានលទ្ធភាពអាចប៉ះអតីតជើងឯកខ្សែក្រវាត់ពិភពលោក Joshua ដដែល ដែលមានការជជែកគ្នាច្រើនថ្មីៗនេះ។ នៅចាំបានថា Dallina Whyte ធ្លាប់បានចាញ់ Joshua ម្តងកាលឆ្នាំ២០១៥ ដែលជាជំនួបរវាងជើងខ្លាំងអង់គ្លេសមិនអាចបំភ្លេចបាន និងត្រូវបានផ្គូផ្គងប៉ះគ្នាលើកទី២ ទៀតក្នុងឆ្នាំ២០២៣ ក៏ប៉ុន្តែត្រូវបានលុបចោលវិញ ដោយសារ Whyte រងបទចោទប្រកាន់ទាក់ទងនឹងថ្នាំញៀន មុនពេលត្រឡប់ឡើងសង្វៀនវិញកាលខែមីនា ឆ្នាំ២០២៤៕ ប្រភព៖ FRESHNEWS

សមាគម​បាល់ទះ​ក្រសួង​មហាផ្ទៃ​ នឹង​បើក​ទ្វារ​ស្វាគមន៍​ក្រុម​ភ្ញៀវ​ ក្លឹបបាល់ទះ​វិសាខា​ ក្នុង​​ជំនួប​មិត្តភាព​កម្ពៅ​សាច់ដុំ​នៅ​រសៀល​ម៉ោង​ ៣​ ថ្ងៃ​ទី១៥​ ខែ​សីហា​ ឆ្នាំ​២០២៥​ នេះនៅ​ខណ្ឌ​ច្បារអំពៅ​ រាជធានីភ្នំពេញ។ នេះ​បើ​តាម​ការ​បង្ហោះ​ផ្សព្វផ្សាយ​នៅ​លើ​ហ្វេសបុកផេក​ ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ នៅ​មុន​នេះ​បាន​បញ្ជាក់​ថា​ ស្អែក​ម៉ោង ​៣រសៀល​នឹង​មាន​ការ​ប្រកួត​មិត្តភាព​​រវាង​ សមាគម​បាល់ទះ​ក្រសួង​មហាផ្ទៃ​ ប៉ះ​ ​ក្លឹបបាល់ទះ​វិសាខា ដែល​ជា​ជំនួប​មិត្តភាព​កម្ដៅ​សាច់ដុំ​ និង​ដក​ស្រង់​បទ​ពិសោធ​រវាង​គ្នា​ទៅ​វិញ​ទៅ​មក។​ ការ​ប្រកួត​នោះ​ដែរ​នឹង​មាន​ផ្សាយ​ជូន​ប្រិយមិត្ត​ដែល​ស្រឡាញ់​គាំទ្រ​វិស័យ​កីឡា​បាល់ទះ​នៅ​កម្ពុជា​បាន​ទស្សនា​តាម​រយៈ​ផេក​ «ក្លិបកីឡាបាល់ទះស្នងការដ្ឋាននគរបាលរាជធានីភ្នំពេញ» នេះ​តែ​ម្ដង។​ ការ​ប្រកួត​នេះ​នឹង​ធ្វើ​ឡើង​នៅ​ក្លឹបកីឡាបាល់ទះស្នងការដ្ឋាននគរបាលរាជធានីភ្នំពេញ នៅ​ឯ​ខណ្ឌ​ច្បារអំពៅ​ រាជធានីភ្នំពេញ៕​ ប្រភព៖ KAMPUCHEATHMEY

Cristiano Ronaldo ត្រូវបានគេរាយការណ៍ថាបានយល់ព្រមលើការរៀបចំហិរញ្ញវត្ថុដែលនឹងធ្វើឱ្យគាត់បង់ប្រាក់ឱ្យ Georgina Rodriguez នូវចំនួនទឹកប្រាក់យ៉ាងច្រើនបូករួមទាំងទ្រព្យសម្បត្តិប្រណីតប្រសិនបើពួកគេបែកគ្នា។ គូស្នេហ៍ដែលទើបបានភ្ជាប់ពាក្យបន្ទាប់ពីបានរួមរស់ជាមួយគ្នា ៩ ឆ្នាំបានធ្វើកិច្ចព្រមព្រៀងនេះក្នុងឆ្នាំ ២០១៧ នៅពេលដែលកូនស្រីដំបូងរបស់ពួកគេឈ្មោះ Alana កើតមក។ យោងតាមទូរទស្សន៍ GUIA របស់ប្រទេសព័រទុយហ្គាល់ កិច្ចព្រមព្រៀងនេះត្រូវបានរចនាឡើងដើម្បីការពារទ្រព្យសម្បត្តិដ៏ធំរបស់ Ronaldo ខណៈពេលដែលធានាសុវត្ថិភាពហិរញ្ញវត្ថុរបស់ Georgina ប្រសិនបើទំនាក់ទំនងរបស់ពួកគេត្រូវបញ្ចប់។ ក្រោមកិច្ចព្រមព្រៀងនេះ Georgina នឹងទទួលបានជំនួយហិរញ្ញវត្ថុពេញមួយជីវិតក្នុងមួយខែជាង 114,000ដុល្លារ និងរក្សាវីឡាទំហំ 950 ម៉ែត្រការ៉េ នៅលើដីទំហំ 4,000 ម៉ែត្រការ៉េ នៅក្នុង La Finca, Pozuelo ដែលជាតំបន់លំនៅដ្ឋានផ្តាច់មុខបំផុតរបស់ Madrid ដែល Ronaldo បានទិញក្នុងឆ្នាំ 2010 ក្នុងតម្លៃប្រហែល 5.64 លានដុល្លារ។ ពាក្យបែបនេះកម្រមានណាស់ក្នុងពិភពបាល់ទាត់ ជាពិសេសសម្រាប់គូស្នេហ៍ដែលមិនទាន់រៀបការ។ លក្ខខណ្ឌផ្លូវច្បាប់អាចកាន់តែស្មុគស្មាញ ប្រសិនបើពួកគេរៀបការ អាស្រ័យលើច្បាប់អាពាហ៍ពិពាហ៍ និងការស្នាក់នៅ។ បច្ចុប្បន្នជាកីឡាករដែលមានប្រាក់ខែខ្ពស់បំផុតរបស់ពិភពលោក Ronaldo រកបានប្រហែល 200 លានអឺរ៉ូ

ការ​ជួប​គ្នា​រវាង​ បឹងកេត និង ភ្នំពេញ​ក្រោន ម៉ោង​ ៦ ល្ងាច​ថ្ងៃ​អាទិត្យ ទី១៧ ខែ​សីហា ឆ្នាំ ២០២៥ នៅ​ពហុកីឡដ្ឋាន​ជាតិ​អូឡាំពិក នឹង​​កាន់​តែ​ពិសេស​ប្លែក​។ ជំនួបនេះត្រូវបានអ្នកគាំទ្រថា The Cambodian Classic Match ដោយសាររាល់ការប្រកួតតែងតែផ្ទុះការចាប់អារម្មណ៍ខ្លាំងពីអ្នកគាំទ្រ ហើយសង្គ្រាមលើទីលានស្មៅបៃតងជក់ចិត្ត។ យ៉ាងណា ប៉ុន្មានរដូវកាលចុងក្រោយ ភ្នំពេញក្រោន ជាក្រុមមានប្រៀបខ្លាំងផ្នែកធនធានកីឡាករល្អៗ ដោយសារម្ចាស់ក្លិបមានធនធានហិរញ្ញវត្ថុខ្ពស់។ ផ្ទុយទៅវិញ បឹងកេត បានព្យាយាមប្រើប្រាស់កីឡាករទាំងស្រុក និងបរទេសតាមលទ្ធភាព ប៉ុន្តែពួកគេមានអ្នកគាំទ្រស្មោះស្ម័គ្រច្រើន។ ភ្នំពេញក្រោន ទទួលបានជ័យជម្នះច្រើនជាងក្នុងប្រវត្តិជួបគ្នា ១៧ លើក គឺឈ្នះ ១១ លើក ខណៈ បឹងកេត ឈ្នះ ៣ លើក ហើយស្មើគ្នា ៣ លើក។ អ្វីគួរឲ្យកត់សំគាល់ បឹងកេត បានបំបែកកំណត់ត្រាអាក្រក់របស់ខ្លួនជាយូរមកហើយដោយបានយកឈ្នះក្នុងលទ្ធផល ៤-៣ សម្រាប់ការជួបគ្នាចុងក្រោយក្នុងលីគចុងរដូវកាលមុន។ ជួប​គ្នា​ជា​ថ្មី​​លើក​នេះ ​អ្វី​​ៗ​ស្ទើរ​តែ​ថ្មី​ទាំង​ស្រុង​ បន្ទាប់​ពី​ក្រុម​ទាំង​ពីរ​​បាន​ផ្លាស់​ប្តូរ​កីឡាករ​ច្រើន។ ភ្នំពេញ​ក្រោន បញ្ចេញ​កីឡាករ​បរទេស​​ស្ទើរ​អស់​កាល​ពីចុង​រដូវ​កាល​មុន។

(ភ្នំពេញ)៖ លោក យ៉ុង ជូលាវ ជំនាញការសហព័ន្ធកីឡាលើកទម្ងន់អន្ដរជាតិ បានបង្ហាញការភ្ញាក់ផ្អើល ចំពោះភាពរីកចម្រើននៃវិស័យកីឡាលើកទម្ងន់កម្ពុជា ស្ទើរមិនគួរឲ្យជឿ ទោះបីកីឡានេះ ទើបបង្កើតនៅកម្ពុជា ហើយមានភាពខ្វះខាតសម្ភារហ្វឹកហាត់ក៏ដោយ។ ការលើកឡើងនេះ បន្ទាប់ពីលោកបានចូលរួមចែករំលែកចំណេះដឹង និងបទពិសោធន៍ ក្រោមគម្រោង «សាមគ្គីអូឡាំពិកដើម្បីអភិវឌ្ឍន៍គម្រោងប្រព័ន្ធកីឡាជាតិ» របស់សហព័ន្ធកីឡាលើកទម្ងន់កម្ពុជា ដែលឧបត្ថម្ភគាំទ្រដោយសហព័ន្ធកីឡាលើកទម្ងន់អន្ដរជាតិ និងគណៈកម្មាធិការជាតិអូឡាំពិកកម្ពុជា ចាប់ពីថ្ងៃទី១០-១៤ ខែសីហា ឆ្នាំ២០២៥ នេះ។ ជំនាញការអន្ដរជាតិខាងលើ បានឲ្យដឹងថា បន្ទាប់ពីបានជួបពិភាក្សាជាមួយថ្នាក់ដឹកនាំ និងភាគីពាក់ព័ន្ធរបស់កម្ពុជា ក៏ដូចជាការចុះពិនិត្យផ្ទាល់ នៅមណ្ឌលបណ្ដុះបណ្ដាលកីឡាលើកទម្ងន់កម្ពុជា (ពហុកីឡដ្ឋានជាតិមរតកតេជោ) លោកសង្កេតឃើញមានការរីកចម្រើនខ្លាំង ហើយស្ទើរមិនគួរឲ្យជឿថា កីឡាលើកទម្ងន់កម្ពុជា អាចវិវឌ្ឍន៍ខ្លួនបានយ៉ាងល្អបែបនេះ។ បន្ថែមលើនេះ លោកក៏បានកោតសរសើរ ចំពោះមន្ដ្រីបច្ចេកទេសពាក់ព័ន្ធ គ្រូបង្វឹក និងកីឡាករ-កីឡាការិនី ដែលបានខិតខំក្រេបជញ្ជក់នូវចំណេះដឹងថ្មីៗ តាមរយៈការចែករំលែករបស់លោករយៈពេលប៉ុន្មានថ្ងៃកន្លងមក ហើយលោកសង្ឃឹមថា ការព្យាយាមនេះ នឹងជំរុញឲ្យវិស័យកីឡាលើកទម្ងន់កម្ពុជាកាន់តែរីកចម្រើនបន្ថែមទៀត នៅថ្ងៃអនាគត។ ជាមួយគ្នាលោកក៏បានជំរុញឲ្យសហព័ន្ធ បន្ដការខិតខំប្រឹងប្រែង តាមរយៈការរៀបចំផែនការឲ្យបានច្បាស់លាស់ ទាំងផែនការរយៈពេលវែង និងរយៈពេលខ្លី ហើយរៀបចំផែនការហិរញ្ញវត្ថុ តាមរយៈការកៀគរថវិកា ទាំងក្នុង និងក្រៅស្រុក សម្រាប់វិនិយោគលើការអភិវឌ្ឍ ទាំងសម្ភារ និងហេដ្ឋារចនាសម្ព័ន្ធ ដើម្បីជំរុញឲ្យការហ្វឹកហាត់ទទួលបានគុណផលកាន់តែល្អប្រសើរ។

(បរទេស)៖ កីឡាការិនីវាយកូនបាល់ទោល Venus Williams នឹងក្លាយជាអត្តពលិកវ័យចំណាស់ជាងគេ ក្នុងរយៈពេល ៤៤ឆ្នាំនៃកម្មវិធី US Open បន្ទាប់ពីទទួលបានការអនុញ្ញាតឱ្យលេងក្នុងពានកម្រិត Grand Slam មួយនេះនៅ Flushing Meadows។ ជាមួយគ្នានោះដែរ Williams ក៏បានកំពុងព្យាយាមឈ្នះពាន US Open របស់អាមេរិក ស្ថិតក្នុងក្របខណ្ឌ Grand Slam ក្នុងនាមកីឡាការិនីចាស់ជាងគេផងដែរ គិតចាប់តាំងពីនាង Martina Navratilova ធ្លាប់ធ្វើបានក្នុងកម្មវិធី Wimbledon របស់អង់គ្លេសនាឆ្នាំ២០០៤។ អតីតជើងឯក Grand Slam ៧សម័យកាលមួយនេះ បានវិលចូលទីលានវិញ ដោយស្ថិតក្នុងវ័យ ៤៥ឆ្នាំនាអំឡុងខែកក្កដា ឆ្នាំ២០២៥ និងទទួលបានជ័យជម្នះក្នុងជុំទី១ ផងដែរនៅឯកម្មវិធី Washington Open ក្រោយពេលអវត្តមាន ១៦ខែមកនេះ។ ការផ្តួលគូប្រជែងសញ្ជាតិអាមេរិកដូចគ្នាគឺនាង Peyton Stearns នៅជុំទី១ បានញាំងឱ្យ Williams បានក្លាយជាកីឡាការិនីចាស់ជាងគេនៅកម្រិត WTA Tour បំបែកកំណត់ត្រាចាស់មានរយៈពេលជាង ២១ឆ្នាំមកនេះ។

(មេនឆេស្ទើ)៖ បិសាចក្រហម Manchester United ត្រូវពើបប្រទះគូប្រជែង Grimsby មកពី League Two ក្នុងជុំទី២ ព្រឹត្តិការណ៍ពានរង្វាន់លំដាប់ទី៣ អង់គ្លេស League Cup 2025-26។ នេះបើយោងតាមការចេញផ្សាយដោយ BBC។ អតីតម្ចាស់ជើងឯកពាន EFL Cup ៦សម័យកាលមួយនេះ នឹងធ្វើដំណើរទៅផ្ទះរបស់ Grimsby ដើម្បីប្រជែងយកកៅអីឡើងទៅជុំទី៣ ជាបន្តទៀតនារាត្រីថ្ងៃទី២៥ ខែសីហា ឆ្នាំ២០២៥ គ្រាដែលក្រុមការពារតំណែងជើងឯក Newcastle United អង្គុយរង់ចាំលេងជុំទី៣ ក្នុងនាមជាក្រុមដែលបញ្ចប់ក្នុងចំណាត់ថ្នាក់ទាំង៩ នៅលីគ Premier League រដូវកាលមុន។ ក្រុមរបស់លោក Ruben Amorim ដែលពុំមានកៅអីលេងពានអឺរ៉ុបណាមួយនារដូវកាលថ្មី បានស្ថិតក្នុងចំណោមក្រុមទាំង១១ នៅ Premier League ដែលត្រូវបានចាប់ឆ្នោតផ្តើមចេញពីជុំទី២ នៃពាន EFL Cup 2025-26 នាចុងខែនេះតែម្តង។ ក្នុងការចាប់ឆ្នោតនាយប់មិញនេះដែរ មាន ២ប្រកួតដែលត្រូវប៉ះគ្នាសុទ្ធតែជាក្រុមចេញពី Premier League ដូចគ្នារួមមាន

ការប្រកួតបាល់ទះជើងឯកពិភពលោក FIVB Men’s Volleyball World Championship នៅប្រទេស ហ្វីលីពីន ឆ្នាំ ២០២៥ បានបង្កើនប្រាក់រង្វាន់សម្រាប់ក្រុមជើងឯកយ៉ាងច្រើនមហាសាល ពោលគឺដល់ ១ លានដុល្លារអាមេរិក។ ព្រឹត្តិការណ៍បាល់ទះជើងឯកពិភពលោក តែងតែរៀបចំរៀងរាល់ ៤ ឆ្នាំម្តង ខណៈកាលពីឆ្នាំ ២០២២ ព្រឹត្តិការណ៍នេះ បានរៀបចំឡើងនៅប្រទេស ស្លូវេនី ដែលពេលនោះក្រុមបាល់ទះជម្រើសជាតិ អ៉ីតាលី បានក្លាយជាជើងឯក។ សម្រាប់ប្រាក់រង្វាន់វិញ ក្រុម អ៉ីតាលី ទទួលបានចំនួន ២០ ម៉ឺនដុល្លារអាមេរិក។ រីឯក្រុមជើងឯករង ប៉ូឡូញ ទទួលបាន ១២៥, ០០០ ដុល្លារអាមេរិក និងក្រុមលេខ ៣ ប្រេស៊ីល ទទួលបាន ៧៥, ០០០ ដុល្លារអាមេរិក។ ងាកមកមើលប្រាក់រង្វាន់ សម្រាប់ព្រឹត្តិការណ៍ជើងឯកពិភពលោក ២០២៥ នេះវិញ គឺមានការកើនឡើងច្រើនគួរឱ្យកត់សម្គាល់ ពោលក្រុមជើងឯកឈានដល់ ១ លានដុល្លារអាមេរិកឯណោះ។ ចំណែកក្រុមជើងឯករងនឹងទទួលបាន ៥០