September 1, 2025

(មេនឆេស្ទើ)៖ ខ្សែបម្រើ Ryan Cherki ដែលក្លិប Manchester City ទិញពី Lyon ក្នុងតម្លៃ ៣០.៤លានផោននារដូវក្តៅនេះ ត្រូវបង្ខំចិត្តខកខានប្រកួតដល់ទៅ ២ខែ ដោយសារមានរបួស។ នេះបើយោងតាមការបញ្ជាក់ពីលោក Pep Guardiola ដែលត្រូវបានដកស្រង់ចេញផ្សាយដោយ BBC។ កីឡាករវ័យ ២២ឆ្នាំរូបនេះ ក៏រកបាន ១គ្រាប់ផងដែរក្នុងជ័យជម្នះ ៤ទល់នឹង០ របស់មេឃខៀវ City ពេលបំបាក់ម្ចាស់ផ្ទះ Wolves នៅថ្ងៃបើកឆាក Premier League 2025-26 មុនមកចាញ់ Spurs ក្នុងប្រកួតទី២។ ខ្សែបម្រើអន្តរជាតិបារាំង Cherki បានអវត្តមានពេល City បរាជ័យជាលើកទី២ ក្នុងលីគអង់គ្លេស Premier League រដូវកាលនេះ នៅក្នុងផ្ទះរបស់ Brighton ដោយលទ្ធផល ២-១ កាលពីថ្ងៃអាទិត្យ ដែលញាំងឱ្យអតីតជើងឯកលីគ ៤សម័យកាលជាប់ៗគ្នាមួយនេះ ធ្លាក់ទៅលេខរៀងទី១៣ បណ្តោះអាសន្នផងដែរ ដ្បិតទើបរកបាន ៣ពិន្ទុ ក្នុងចំណោម […]

លោក ឃឹម សុជាតិ អាជ្ញាកណ្ដាលកីឡាប្រដាល់គុនខ្មែរ បានទះកំផ្លៀងកីឡាករចិន Qin Jin អំឡុងពេលប្រកួតជាមួយកីឡាករកម្ពុជា ឈុត សេរីវ៉ាន់ថង នៅថ្ងៃទី២៣ សីហា ឆ្នាំ២០២៥។ អាជ្ញាកណ្ដាលរូបនេះ បកស្រាយថា ការទះកំផ្លៀង ក្រោយកីឡាករចិនទះស្មាខ្លួន ជាកាការពារខ្លួន និងក្រើនរំលឹកដល់កីឡាករ ឲ្យស្ដាប់អាជ្ញាកណ្ដាល។ លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរ កំពុងសិក្សាលើករណីនេះ។ កីឡាករប្រដាល់គុនខ្មែររហស្សនាម«រាហូមាស» ឈុត សេរីវ៉ាន់ថង បានប្រកួតឈ្នះកីឡាករចិន Qin Jin យ៉ាងត្រដាបត្រដួស លើប្រភេទទម្ងន់ ៦០គីឡូក្រាម ជាលក្ខណៈហ្គង់ចេញម្រាម កាលពីថ្ងៃទី២៩ សីហា ឆ្នាំ២០២៥ នៅសង្វៀនថោន។ កីឡាករទាំង ២ បានវាយសម្រុកគ្នាចុះឡើង ជាពិសេសការវាយដៃប្ដូរគ្នា។ ហ្គង់ចេញម្រាម គឺមានលក្ខណៈវាយធ្ងន់ជាងហ្គង់ ដែលការពារដៃពេញព្រោះ មិនសូវមានប៉ុងការពារច្រើន។ ការវាយប្ដូរដៃគ្នាចុះឡើង ទាំងកីឡាករចិន និងកីឡាករកម្ពុជារូបនេះ សុទ្ធតែចូលចំផ្ទៃមុខរៀងៗខ្លួន។ ត្រឹមតែទឹកទី១ ឈុត សេរីវ៉ាន់ថង មិនបានស្ទាប់ស្ទង់ដៃគូឡើយ

លេច​មុខ​អ្នកគាំទ្រ​ក្រុម​កីឡា​កម្ពុជា​យ៉ាង​សកម្ម​នៅ​ឯ​ប្រទេស​វៀតណាម​កន្លង​ទៅ​ថ្មីៗ​នេះ​ពិសេសការ​ប្រកួត​របស់​​ក្រុម​បាល់ទះ​វិសាខា​ក្នុង​ពាន​​រង្វាន់​ International Police Cup ដែល​ទើប​បញ្ចប់​​ ខណៈ​អ្នក​គាំទ្រ​ម្នាក់​នោះ​គឺ​ជា​លោក​ ណុប​ វ៉ាន់ថេត​ ដែល​បាន​ទៅ​សិក្សា​វគ្គ​ជំនាញ​នៅ​ទីនោះ​រយៈពេល​ ៣ខែ។​ អ្នកគាំទ្រដែលទូរទស្សន៍វៀតណាមបានចាប់យករូបភាពជាច្រើនដងនៅពេលក្រុមបាល់ទះវិសាខាប្រកួតពានរង្វាន់ International Police Cup នោះគឺជាក្រុមលោក ណុប វ៉ាន់ថេត ដែលគេស្គាល់ថាជាមន្ត្រីចៅក្រម អាជ្ញាកណ្ដាល នៃសហព័ន្ធប្រដាល់គុនខ្មែរ-សហព័ន្ធប្រដាល់សកល។ លោក ណុប វ៉ាន់ថេត បានឲ្យដឹងថា នៅពេលនេះលោកកំពុងនៅឯប្រទេសវៀតណានៅឡើយទេ។ លោកទៅវៀតណាមនោះគឺរយៈពេល ៣ខែចាប់ពីខែកក្កដាមកម្ល៉េះក្នុងនាមជាមន្ត្រីកងរាជអាវុធហត្ថ ខេត្តកណ្ដាល ដែលត្រូវសិក្សាជំនាញពិសេសនៅទីនោះ។ ចៃដន្យអំឡុងពេលសិក្សាកន្លងទៅនេះគឺមានក្រុមកីឡាកម្ពុជាទៅប្រកួតនៅទីក្រុមហូជីមិញផងនោះដូចជាក្រុមប្រដាល់គុនខ្មែរមាន គោរមៈ ច័ន្ទរាជ្យ រិន សារ័ត្ន ឡុង ឡា ក៏រូបលោកទៅគាំទ្រផ្ទាល់ដល់សង្វៀនដែរ។ ចំណែកការប្រកួតបាល់ទះពានរង្វាន់ប៉ូលិសវៀតណាមដែលមានវិសាខាតំណាងឲ្យកម្ពុជានោះក៏លោក រួមទាំងសិក្ខាកាមកម្ពុជាជិត ១០០នាក់បានទៅទស្សនា និងលើកទឹកចិត្តដល់កន្លែងប្រកួតផងដែរ។ លោក ណុប វ៉ាន់ថេត បន្ថែមទៀតថា បើទោះជាត្រូវជិះឡានមកឆ្ងាយ និងចំណាយថវិកាមួយចំនួនក្ដីក៏មិនខ្ចិល ឬស្ដាយថវិកានោះដែរគឺចង់មកលើកទឹកចិត្តដល់ក្រុមកម្ពុជាឲ្យប្រកួតកាន់តែល្អ និងមានកម្លាំងចិត្តខ្លាំងជាងមុនទៅទៀត។ ក្រុមកីឡាករកម្ពុជាមានចិត្តរីករាយនៅពេលដែលឃើញមានខ្មែរទៅគាំទ្រដល់កន្លែងប្រកួតបែបនេះជាហេតុធ្វើឲ្យលោកក៏មានចិត្តសប្បាយរីករាយដូចគ្នាដែរ។ បញ្ជាក់ដែរថា ការប្រកួតបាល់ទះពានរង្វាន់ International Police Cup

ព្រឹត្តិការណ៍រត់ម៉ារ៉ាតុងអន្តរជាតិ ចក្រភពអង្គរ លើកទី១០ បានប្រព្រឹត្តទៅដោយរលូនកាលពីថ្ងៃអាទិត្យ ទី៣១ ខែសីហា ឆ្នាំ ២០២៥ នៅប្រាសាទអង្គរវត្ត ខេត្តសៀមរាប ដែលមានអ្នកចូលរួមជាតិ និងអន្តរជាតិជាង ៤០០០នាក់។ លោកទេសរដ្ឋមន្ត្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា បានលើកឡើងថា ព្រឹត្តិការណ៍រត់ម៉ារ៉ាតុងអន្តរជាតិ ចក្រភពអង្គរ លើកទី១០ បានដំណើការទៅដោយរលូន និងជោគជ័យ ដោយសារប្រទេសជាតិមានសុខសន្តិភាព។ លោក​មាន​ប្រសាសន៍​ថា ៖«​អារម្មណ៍​​​ស្ងប់​​ហើយ​ តែ​​នៅ​មិន​ទាន់​សុខ​ស្រួល​ទេ ដោយសារ​បញ្ហា​ជា​ច្រើន​ត្រូវ​ដោះ​ស្រាយ​បន្ត​ទៀត ប៉ុន្តែ​ប្រជា​ពល​រដ្ឋ បង​ប្អូន​អត្តពលិក​ជឿ​ជាក់​​រដ្ឋាភិបាល។ គាំទ្រ​ចំណាត់​ការ​របស់​រដ្ឋាភិបាល។ អ្វី​ៗ​​​​កំពុង​ត្រូវ​បាន​​ដោះ​ស្រាយ​ជា​បណ្តើរៗ​ដែល​គោរព​ទៅ​តាម​ច្បាប់​អន្តរជាតិ។ ចំណុច​នេះសំខាន់​ណាស់ ខ្ញុំ​សូម​គោរព​អរគុណចំពោះ​ស្មារតី​របស់​ប្រជា​ពលរដ្ឋ​ខ្មែរ​ទាំង​អស់​»។ លោក ថោង ខុន បាន​បន្ត​ថា ៖«កម្ពុជា​ទាំង​មូល​មាន​សុខសន្តិភាព ជា​ពិសេស​នៅ​តំបន់​ដែល​យើង​រត់​គឺ​មាន​សុវត្ថិភាព​ពេញ​លេញ ដូច្នេះ​យើង​ឃើញ​ថា អត្តពលិក​ជាតិ​ក៏​កើន អត្តពលិក​អន្តរជាតិ​ក៏​កើន។ អ្វី​ដែល​​មាន​មោទនភាព​ដោយសារ​វិញ្ញាសា​ចម្ងាយ ៤២​គីឡូម៉ែត្រ មាន​អត្តពលិក​ជាង ៥០០​នាក់ ក្នុង​នោះ​មាន​​ខ្មែរ​ ៣៧០​នាក់។ ចម្ងាយ​៤២​គីឡូម៉ែត្រពិបាក​រត់​ណាស់ តែ​យើង​ឃើញ​លទ្ធផល​ហើយ​គឺ​កីឡាករ​ខ្មែរ​​យក​បាន​ទាំង​លេខ​១ លេខ​២ និង​លេខ​៣។ ការ​ចូល​រួម​សកម្មភាព​ក្នុង​វិស័យ​កីឡា​​ពី​មួយ​ថ្ងៃ​ទៅ​មួយ​ថ្ងៃ​កាន់​តែ​ល្អ។ នេះ​ដោយសារការ​ដឹក​នាំ​របស់​រាជរដ្ឋាភិបាល។

កីឡាករ​ឆ្នើម​ និង​ជា​ដៃប៉ះសេ​លេខ ១​នៅ​កម្ពុជា​ សួន​ ចាន់ណារ៉ូ​ បាន​បង្ហោះ​សារ​នៅ​លើ​ហ្វេសបុករបស់​ខ្លួន​​ឲ្យ​បន្ត​ខំប្រឹង​ប្រែង​តទៅ​ទៀត​កីឡា​គឺ​បែប​នេះ​ហើយ​ មានឈ្នះ​ មាន​ចាញ់​ ដូច្នេះ​សូម​កុំ​ចុះចាញ់​ឲ្យ​សោះ។​ កីឡាករ សួន ចាន់ណារ៉ូ បានបង្ហោះសារលើហ្វេសបុករបស់ខ្លួនកាលពីថ្ងៃទី៣០ ខែសីហា ឆ្នាំ២០២៥ ក្នុងអត្ថន័យថា «កីឡាមានឈ្នះ មានចាញ់ អីចឹងហើយកុំចុះចាញ់វា ប៉ុន្តែត្រូវហ្វឹកហាត់ និងរកបច្ចេកទេសល្អៗដើម្បីអភិវឌ្ឍន៍ខ្លួនឯង ពេលដែលយើងបរាជ័យមិនត្រូវបោះបង់វានោះឡើយបន្តដំណើរទៅមុខទៀត»។ «ខ្ញុំមិនដែលខ្លាចពាក្យរិះគន់របស់បងប្អូនមកលើក្រុមខ្ញុំនោះទេ។ ខ្ញុំតែងប្រាប់កូនក្រុមខ្ញុំជារឿយៗនៅប្រទេសណាក៏មានរឿងរិះគន់នេះដែរ»។ សារ​លើ​កទឹកចិត្ត​របស់​ ណារ៉ូ​ ពិត​ជា​ស័ក្តិសម​ជា​រៀមច្បង​ដែល​មាន​បទ​ពិសោធ​ចាស់​វស្សា​ក្នុង​វិស័យ​កីឡា​បាល់ទះ​នេះ​មែន។​ នេះ​ជា​ការ​លើក​ទឹកចិត្ត​ដល់​ក្រុម​ទាំង​មូល​ឲ្យ​បន្ត​ខំប្រឹង​ប្រែង​ក្នុង​ពេល​ដែល​ទទួល​បាន​លទ្ធផល​មិន​ល្អ​ដូច​ពេល​នេះ។​ បង្វែរ​ពី​ការ​អស់​សង្ឃឹម​បាក់​ទឹកចិត្ត​ទៅជា​ការ​ពង្រឹង​សមត្ថភាព​តាម​រយៈ​បទ​ពិសោធ​បរាជ័យ​មួយ​នេះ​ដើម្បីឈាន​ឆ្ពោះ​ទៅ​រក​ជ័យជម្នះ​នៅ​ថ្ងៃ​ខាង​មុខ​វិញ។​ បញ្ជាក់​ដែរ​ថា​ ក្រុមបាល់ទះ​វិសាខា​របស់​កម្ពុជា​ភ្លាត់​ធ្វើ​មិន​បាន​ល្អ​នោះ​ឡើយ​នៅ ​២ប្រកួតចុងក្រោយ​ នៃ​ពាន​រង្វាន់​ International Police Cup ដោយ​ចាញ់​ក្រុម​វៀតណាម​ Ho Chi Minh City Police 3-2 វគ្គ​ពាក់​កណ្ដាល​ផ្ដាច់ព្រ័ត្រ​ និង​ចាញ់​វគ្គ​ផ្ដាច់ព្រ័ត្រ​ដណ្ដើម​យក​លេខ៣​ លើ​ក្រុម​ The Cong Tan Cang លទ្ធផល​ 3-1៕​ ប្រភព៖ KAMPUCHEATHMEY

កីឡាការិនី​បាល់ទាត់​ជម្រើស​ជាតិ​កម្ពុជា យ៉ុន យ៉ើន បាន​​ទៅ​លេង​​បាល់ទាត់​នៅ​​ក្រុម Still Aerion Women’s ក្នុង​លីគ​បាល់ទាត់​ប្រទេស​សិង្ហបុរី។ កីឡាការិនី យ៉ុន យ៉ើន បាន​ប្រាប់​ថា ៖«​ប៉ុន្មាន​ប្រកួត​កន្លង​ទៅ​នេះ ប៉ះ​ក្រុម​មធ្យម​ៗ ដូច្នេះ​ខ្ញុំ​អាច​រក​បាន​គ្រាប់​បាល់ តែ​មិន​ទាន់​ប៉ះ​ក្រុម​ខ្លាំង​ៗ​ទេ។ ការ​ប្រកួត​ប្រជែង​នៅ​សិង្ហបុរី​មិន​សូវ​លើស​កម្ពុជា​ទេ គឺ​ប្រហាក់​ប្រហែល​គ្នា មិន​ដូច​កាល​ខ្ញុំ​ទៅ​លេង​នៅ​លីគ​ថៃ​ដែល​មាន​ការ​ប្រកួត​ប្រជែង​ខ្លាំង»។ «សម្រាប់​មិត្ត​រួម​ក្រុម​វិញ ពួក​គាត់​ស្រឡាញ់​ចូល​ចិត្ត​រាប់​អាន​គ្នា​បាន​ល្អ។ ខ្ញុំ​ស្នាក់​នៅ​បន្ទប់​ជា​មួយ​កីឡាការិនី​ជា​ជន​ជាតិ​ថៃ ហើយ​យើង​មាន​ការ​ទំនាក់​ទំនង​គ្នា​ល្អ អត់​មាន​បញ្ហា​អ្វី​ទេ»។​ កីឡាការិនី​កម្ពុជា​បាន​បញ្ជាក់។ យ៉ុន យ៉ើន ត្រូវ​លេង​​ឲ្យ​ក្លិប Still Aerion Women’s រយៈ​ពេល​២​ខែ​​តាម​រយៈ​កិច្ច​​សហការ​គ្នា​រវាង​ក្លិប​ណាហ្គាវើលដ៍ និង​ក្លិប​របស់​​នៅ​សិង្ហបុរី។ នេះ​ជា​ប្រទេស​ទី​៣ ដែល​កីឡាការិនី​កម្ពុជា​រូប​នេះ​បាន​លេង​ បន្ទាប់​ពី​ចូល​រួម​ជា​មួយក្រុម Young Elephants របស់​ប្រទេស​ឡាវ និង​ក្រុម Bangkok W.F.C. របស់​ប្រទេស​ថៃ។ សូមបញ្ជាក់​ថា យ៉ុន យ៉ើន ជា​កីឡាការិនី​កម្ពុជា​ដំបូង​គេ​តែ​ម្នាក់​គត់​ដែល​បាន​លេង​នៅ​ក្រៅ​ប្រទេស​​៣​ផ្សេង​គ្នា និង​ពាន​រង្វាន់​នារី​កំពូល​អាស៊ី AFC Women’s Champions League កាល​ពី​ឆ្នាំ ២០២៤ ដោយ​រក​បាន​គ្រាប់​បាល់​ឲ្យ​ក្លិប

អាជ្ញាធរខេត្តព្រះវិហារ បានរៀបចំកម្មវិធីប្រកួតកីឡាបាល់ទះ បុរស នារី ក្រោមប្រធានបទ «លេងកីឡាដើម្បីសន្តិភាព» ដែលមានគោលបំណងដើម្បីលើកកម្ពស់សុខភាព និងបង្កើតទំនាក់ទំនងល្អក្នុងចំណោមជនភៀសខ្លួន។ កម្មវិធីនេះបានប្រារព្ធធ្វើឡើងសម្រាប់ជនភៀសខ្លួន និងក្រុមការងារដែលកំពុងស្នាក់នៅ និងបំពេញការងារក្នុងមណ្ឌលសុវត្ថិភាពវត្តពោធិ៍ ៥០០០ដើម ស្ថិតនៅភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ។ អាជ្ញាធរខេត្តព្រះវិហារបានឲ្យដឹងថា ការប្រកួតនេះធ្វើឡើងក្នុងបរិវេណមណ្ឌលសុវត្ថិភាព ដែលមានក្រុមចូលរួមសរុបចំនួន ១៤ក្រុម ក្នុងនោះមានបាល់ទះបុរស ១០ក្រុម និងបាល់ទះនារី ៤ក្រុម និងចែកជា ២ដំណាក់កាល ដំណាក់កាលទី ១ (វគ្គជម្រុះ): ធ្វើនៅថ្ងៃទី៣១ ខែសីហា ឆ្នាំ២០២៥ ដើម្បីស្វែងរកក្រុមបុរស ដែលឈ្នះចំនួន៤ក្រុម និងនារីចំនួន ៤ក្រុម ដែលមានសមត្ថភាពអាចបន្តទៅកាន់វគ្គផ្តាច់ព្រ័ត្រ។ ដំណាក់កាលទី ២ (វគ្គផ្តាច់ព្រ័ត្រ): ធ្វើឡើងនៅថ្ងៃទី០១ ខែកញ្ញាឆ្នាំ២០២៥ ដោយមានការចូលរួមទាំងបាល់ទះបុរស និងបាល់ទះនារី ដែលបានជាប់នៅក្នុងវគ្គជម្រុះ។ វគ្គនេះធ្វើឡើងដើម្បីប្រកួតយក ជ័យលាភីលេខ១ ដល់លេខ៣ (ទាំងបាល់ទះបុរស និងបាលទះនារី សរុប ៦ក្រុម)។ បន្ទាប់ពីមានការលេងកីឡាដើម្បីសន្តិភាព អាជ្ញាធរក៏បានបង្កើតកម្មវិធីសិល្បៈកម្សាន្ត ដែលសម្តែងពីការចង់បានសន្តិភាពរបស់ជនភៀសសឹកនៅខេត្តព្រះវិហារផងដែរ៕

(ឡុងដ៍)៖ ខ្សែប្រយុទ្ធជួរមុខ Erlind Haaland ស៊ុតបាន ៣គ្រាប់ច្រើនជាងគេបណ្តោះអាសន្ន ក្រោយឆ្លងកាត់បាន ៣ប្រកួតនៅលីគ Premier League 2025-26 ខណ: Liverpool ម្ចាស់ការពារតំណែងជើងឯក ឈរទីកំពូលតារាង។ ៣គ្រាប់របស់កីឡាករន័រវេសរូបនេះរកបាន ក្នុងប្រកួត Man City បំបាក់ម្ចាស់ផ្ទះ Wolves ៤-០ នៅថ្ងៃបើកឆាក ដោយ Haaland ស៊ុតបាន ២គ្រាប់ និង ១គ្រាប់ទៀតពេលក្រុមរបស់ Pep Guardiola ចាញ់ Brighton ២-១។ ទន្ទឹមគ្នានោះដែរ ហង្សក្រហម Liverpool ម្ចាស់ការពារតំណែងជើងឯក រកបាន ៩ពិន្ទុពេញ និងឈរកំពូលតារាងទៀតផង ក្រោយឆ្លងកាត់ឈ្នះទាំង ៣ប្រកួតតែម្តង។ ក្រុមរបស់លោក Arne Slot បានលេងឈ្នះ Bournemouth ៤-២ ឈ្នះ Newcastle ៣-២ និងចុងក្រោយយប់មិញឈ្នះ Arsenal ១ទល់០៕ ប្រភព៖

ក្លិបហង្សក្រហម Liverpool បានព្រមព្រៀងចុះកិច្ចសន្យាយកខ្សែប្រយុទ្ធសញ្ជាតិ ស៊ុយអែត Alexander Isak ពី Newcastle United នៅរដូវក្តៅនេះហើយ។ យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Liverpool បានព្រមព្រៀងលើការផ្ទេរយកខ្សែប្រយុទ្ធសញ្ជាតិ ស៊ុយអ៊ែត វ័យ ២៥ ឆ្នាំពី Newcastle United ក្នុងតម្លៃ ១៧៥.៦៧ លានដុល្លារអាមេរិក។ ប្រភពដដែលបានបញ្ជាក់ ថា កិច្ចព្រមព្រៀងគ្រប់យ៉ាង គឺបានបញ្ចប់រួចរាល់អស់ហើយ ខណៈការពិនិត្យសុខភាព និងការចុះកិច្ចសន្យាជាផ្លូវការ គ្រោងនឹងធ្វើឡើងនៅថ្ងៃនេះ។ គួរឱ្យដឹងថា តម្លៃផ្ទេររបស់ Isak ទៅ Liverpool គឺជាតម្លៃផ្ទេរបំបែកកំណត់ត្រាថ្លៃបំផុតប្រចាំក្របខណ្ឌលីគកំពូល Premier League ខណៈកំណត់ត្រានេះ ដើមឡើយគឺកាន់កាប់ដោយ Jack Grealish ដែលកាលពីឆ្នាំ ២០២១ រូបគេបានចាកចេញពី Aston Villa ផ្លាស់ទៅ Manchester City ក្នុងតម្លៃ

គ្រូបង្វឹក Arne Slotរបស់ក្រុមហង្សក្រហមLiverpool បានសរសើរដល់ស្មារតីក្រុមខ្លួនដែលបានប្រឹងប្រែងទទួល ជ័យជម្នះយ៉ាងលំបាក 1-0 លើ  Arsenal ដែលជាគូប្រជែងដណ្តើមជើងឯក Premier League កាលពីថ្ងៃអាទិត្យ។ ក្រុមកាំភ្លើងធំ Arsenal បានរងបរាជ័យជាលើកទីមួយរបស់ពួកគេដោយសារតែការស៊ុតបាល់ហ្វ្រីឃីកដ៏គួរឱ្យភ្ញាក់ផ្អើលរបស់ កីឡាករDominik Szoboszlai នៅនាទីទី 83 ។ ហង្សក្រហមបានបញ្ចប់ការប្រកួតដ៏ល្អទាំងបីប្រកួតមុនសម្រាកអន្តរជាតិជាមួយនឹងកំណត់ត្រាឈ្នះ Bournemouth, Newcastle United ហើយឥឡូវនេះ Arsenalទៀត ធ្វើឱ្យពួកគេមាន៩ពិន្ទុឈរលើកំពូលតារាងអង់គ្លេសPremier League ដើម្បីការពារតំណែងជើងឯក។ ចំណែកបរាជ័យរបស់ក្រុមកភ្លើងធំជាសម្ពាធខ្លាំងលើ លោក Arteta ដែលត្រូវមានភារកិច្ចបញ្ចប់យុគសម័យដ៏លំបាករយៈពេល 5 ឆ្នាំដោយគ្មានពានរង្វាន់ធំនៃ Premier League ឬ Champions League ។ Arsenal បានចាលុយជិត351លានដុល្លារដើម្បីទិញកីឡាករមកពង្រឹងក្រុមដូចជាខ្សែប្រយុទ្ធ Viktor Gyokeres ដែលបានចុះហត្ថលេខាពីក្លឹបយក្សព័រទុយហ្គាល់ Sporting ក្នុងតម្លៃ 64 លានផោន បន្ទាប់មក ដណ្តើមយក Eberechi Eze ចេញពី