September 27, 2025

សហព័ន្ធបាល់ទាត់ម៉ាឡេស៊ី (FAM) រងពិន័យធ្ងន់ពីសំណាក់សហព័ន្ធបាល់ទាត់អន្តរជាតិ (FIFA) និងកីឡាករ ៧រូបផ្សេងទៀតត្រូវបានហាមឃាត់ពីវិស័យបាល់ទាត់ ១២ខែ ក្រោយរកឃើញថាបានក្លែងបន្លំឯកសារសញ្ជាតូបនីយកម្មកីឡាករបរទេស អំឡុងការប្រកួតវគ្គជម្រុះជុំចុងក្រោយ​ Asian Cup ឆ្នាំ ២០២៧ យកឈ្នះវៀតណាម លទ្ធផល ៤-០។ បើតាមគណៈកម្មាធិការវិន័យរបស់ FIFA កីឡាករបាល់ទាត់ទាំង ៧នាក់ រកឃើញថាប្រព្រឹត្តិខុសបំពានឯកសារ មានកីឡាករ Gabriel Palmero និង Jon Irazabal សញ្ជាតិដើមអេស្ប៉ាញ, កីឡាករ Facundo Garces, Rodrigo Holgado និង Imanol Machuca សញ្ជាតិដើមអាហ្សង់ទីន ព្រមទាំងកីឡាករ Joao Figueiredo សញ្ជាតិដើមប្រេស៊ីល ហើយនិងកីឡាករ Hector Hevel ដើមកំណើតហូឡង់។  ក្រុមជម្រើសជាតិម៉ាឡេស៊ី បានដាក់កីឡាករទាំងនេះចូលសញ្ជាតិ ក្រោមគោលការណ៍ច្បាប់កីឡាមានជាប់សាច់ឈាមសញ្ជាតិដើមផ្អែកលើជីដូនជីតារបស់ពួកគេ ហើយត្រូវបានចុះឈ្មោះផ្តល់ព័ត៌មានរបស់ពួកគេជាមួយនឹងសហព័ន្ធ FIFA។  កីឡាករទាំង ៧រូបនោះ ត្រូវបានដាក់ឱ្យចូលលេងទាំងអស់គ្នា អំឡុងការប្រកួតយកឈ្នះក្រុមជម្រើសជាតិវៀតណាម លទ្ធផល […]

កីឡាករ Bryan Mbeumo នឹងត្រូវជួយក្រុមថ្មី Manchester United តទល់នឹងក្រុមចាស់ ​Brentford ក្នុងជំនួបក្របខណ្ឌលីគកំពូលអង់គ្លេស (Premier League) ថ្ងៃទី២៧ ខែកញ្ញា នេះ។ ក្រុមកំពូលតារាង Liverpool ក៏នឹងត្រូវធ្វើដំណើរទៅប៉ះក្រុម Crystal Palace ដែលកំពុងបើកទ្វារកីឡដ្ឋាន Selhurst Park រង់ចាំរួចសម្រេច។ កាលវិលត្រឡប់ទៅទឹកដីចាស់ នឹងអាចធ្វើឱ្យអារម្មណ៍របស់ Mbeumo រងសម្ពាធ ព្រោះតែគេធ្លាប់តែត្រូវបានអ្នកគាំទ្រស្រែកច្រៀងអបអរគេ អំឡុងគេបង្ហាញខ្លួនលេងក្នុងកីឡដ្ឋាន Community របស់ក្លិប ​Brentford។ តែពេលនេះគេត្រូវពាក់អាវក្រុមថ្មី គឺក្រុមរហស្សនាមបិសាចក្រហម ហើយត្រៀមតទល់នឹងក្រុមចាស់របស់គេ នៅវេលាម៉ោង ៦:៣០ល្ងាច (ម៉ោងនៅកម្ពុជា)។ កីឡាករវ័យ ២៦ឆ្នាំ បានផ្លាស់ទៅក្លិប ​Man Utd ក្នុងតម្លៃ ៨៧,៤០លានដុល្លារ ហើយគេកំពុងតែបង្ហាញខ្លួនលេងយ៉ាងល្អជាមួយក្រុមបិសាចក្រហម ហើយថែមទាំងរកបានគ្រាប់បាល់ផងដែរ។ រំលឹកកាលនៅក្លិប ​Brentford កីឡាករសញ្ជាតិកាម៉េរូន រកបានគ្រាប់បាល់ចំនួន ៧០គ្រាប់ ពីការបង្ហាញខ្លួន ២៤២លើក ដែលរឿងនេះធ្វើឱ្យអ្នកគាំទ្រស្រលាញ់ចូលចិត្តលើរូបគេខ្លាំង។

កីឡាករ Hugo ​Ekitike ខ្សែប្រយុទ្ធចំណូលថ្មីក្រុម Liverpool ប្រឈមរងពិន័យកាត់ប្រាក់ពលកម្មចំនួន ២សប្តាហ៍ ប្រមាណ ៦៦៦ ០០០ដុល្លារ ក្រោយទទួលកាតក្រហម អំឡុងការប្រកួតឈ្នះក្រុម Southampton ក្នុងជំនួប EFL Cup ជុំទី៣។ ដោយសារកាតក្រហនេះ Ekitike រងពិន័យ ១ប្រកួត នៅពេល Liverpool ធ្វើដំណើរទៅប៉ះក្រុម ​Crystal Palace ក្នុងកីឡដ្ឋាន Selhurst Park ក្នុងជំនួប Premier League សប្តាហ៍នេះ។ អំឡុងការប្រកួតដែល Liverpool ផ្តួលក្រុម Southampton លទ្ធផល ២-១ ជុំទី៣ ពានរង្វាន់ EFL Cup ខ្សែប្រយុទ្ធសញ្ជាតិបារាំង ដែលរួមចំណែកស៊ុតបាល់បញ្ចូលទី ១គ្រាប់ ត្រូវបានអាជ្ញាកណ្តាលលោក ​Thomas Brammall ផ្តល់ការពិន័យកាត់លឿង ២លើក រហូតទទួលបានកាតក្រហម។ នៅនាទី៥៣ Ekitike ប៉ះទង្គិចជាមួយកីឡាករគូប្រជែងរួចក៏បានកាតលឿងម្តង

ក្រុមការពារជើងឯក Newcastle United នឹងត្រូវទទួលស្វាគមន៍ភ្ញៀវ Tottenham Hotspur សម្រាប់ការប្រកួតជុំទី៤ ពានរង្វាន់ EFL Cup ឆ្នាំ២០២៥។ ចំណែកក្រុមមកពីលីគកំពូលអង់គ្លេស ៣គូផ្សេងទៀត នឹងត្រូវជួបតទល់គ្នានៅត្រឹមជុំទី៤ នេះ ដោយក្រុម Liverpool វិញត្រូវស្វាគមន៍ម្ចាស់ពាន FA Cup ក្រុម Crystal Palace,  Arsenal ត្រៀមទទួលក្រុម Brighton & Hove Albion ​ហើយ Wolverhampton Wanderers ត្រូវទទួល Chelsea។ ក្លិប Grimsby Town ដែលបានទម្លាក់ Manchester United ចេញពីការប្រកួត តាំងពីវគ្គដំបូង បានចាប់ឱ្យជួបក្រុមមកពីលីគកំពូលអង់គ្លេសមួយថែមទៀត គឺក្លិប Brentford សម្រាប់ការប្រកួតជុំទី៤។ មុនឡើងមកដល់ជុំទី៤ ក្លិបមកពីលីគកម្រិតទី៤ ប្រទេសអង់គ្លេស ក៏បានទម្លាក់ក្រុម Sheffield Wednesday មកពីក្របខណ្ឌ Championship រួចផងដែរ។

ការ​ប្រកួត​ពានរង្វាន់ ស្វាយរៀង ខាប់ អាយុក្រោម១៥ឆ្នាំ លើកទី២ ឆ្នាំ២០២៥ បានធ្វើការប្រជុំបច្ចេកទេស និងចាប់ពូលរួច​រាល់​ នៅថ្ងៃទី២៧ ខែកញ្ញា ឆ្នាំ២០២៥។ ក្រុមបាល់ទាត់ចំនួន ១៥ក្រុម មកពីបណ្តាស្រុក-ក្រុង ទាំង៨ទូទាំងខេត្តស្វាយរៀង បានចូលរួមប្រកួតប្រជែងក្នុងព្រឹត្តិការណ៍ប្រកួតពានរង្វាន់បាល់ទាត់ ស្វាយរៀង ខាប់ អាយុក្រោម១៥ឆ្នាំ លើកទី២ ឆ្នាំ២០២៥។ ការប្រកួតនឹងចាប់ផ្តើម នៅថ្ងៃសៅរ៍ ទី១១ ខែតុលា ឆ្នាំ២០២៥ នៅលើទីលានបាល់ទាត់ នៃវិទ្យាល័យ ហ៊ុន សែន ស្វាយរំពារ ​​រៀងរាល់ថ្ងៃសៅរ៍-អាទិត្យ និងថ្ងៃឈប់សម្រាក។ រូបមន្ត​នៃ​ការ​ប្រកួត គឺ បែងចែកពូល​ជា ៤ពូល ក្នុងនោះ ៣ពូលមាន ៤ក្រុម និង ១ពូលមាន ៣ក្រុម ដោយធ្វើការប្រកួតចំនួន២ជើងវគ្គ​សន្សំពិន្ទុ​ក្នុង​ពូល​។ បន្ទាប់​មកក្រុម​ចំណាត់ថ្នាក់លេខ១ និងលេខ២ ក្នុងពូលនីមួយៗ ឡើងទៅវគ្គ ៨ក្រុមបន្តទៀត។ ក្នុងនោះដែរគណៈកម្មការប្រកួតបានឧបត្ថម្ភសម្ភារៈកីឡាដល់ចូលប្រកួត ពានរង្វាន់ ស្វាយរៀង ខាប់ យុវជនអាយុក្រោម១៥ឆ្នាំ លើកទី២

សមាគម​កីឡា​បាល់ទាត់​ម៉ាឡេស៊ី (FAM) ​បាន​បញ្ជាក់​ពី​ការ​ទទួល​បាន​លទ្ធផល​ផ្លូវ​ការ​របស់​សហព័ន្ធ​កីឡា​បាល់ទាត់​អន្តរជាតិ (FIFA) ​ពាក់​ព័ន្ធ​នឹង​ដើម​កំណើត​កីឡាករជម្រើស​ជាតិ​របស់​ខ្លួន​។ នៅយប់ថ្ងៃទី២៦ ខែកញ្ញា ឆ្នាំ ២០២៥ សមាគមកីឡាបាល់ទាត់ម៉ាឡេស៊ី សូមបញ្ជាក់ថា កីឡាករដែលពាក់ព័ន្ធ និងសមាគមកីឡាបាល់ទាត់ម៉ាឡេស៊ីបានអនុវត្តដោយសេចក្តីស្មោះត្រង់ និងតម្លាភាពសម្រាប់កិច្ចការនេះ។ FAM បានផ្តល់ឯកសារទាំងអស់ និងបំពេញតាមយន្តការស្របទៅតាមច្បាប់ដែលបានអនុញ្ញាត។ តាមពិតទៅ FIFA ធ្លាប់បានត្រួតពិនិត្យពីលក្ខណៈសម្បត្តិនៃកីឡាករ និងបានផ្តល់ការអនុញ្ញាតផ្លូវការរួចរាល់ហើយដែលផ្តល់ឲ្យពួកគេមានសិទ្ធិស្របច្បាប់ដើម្បីតំណាងឲ្យជម្រើសជាតិម៉ាឡេស៊ី។ ជុំវិញការសម្រេចខាងលើ FAM នឹងប្តឹងជំទាស់ទៅសាលាឧទ្ធរណ៍ និងប្រើគ្រប់យន្តការ ព្រមទាំងនីតិវិធីច្បាប់ដើម្បីធានាបានពី អត្ថប្រយោជន៍នៃកីឡាករ និងក្រុមបាល់ទាត់ជម្រើសជាតិម៉ាឡេស៊ី។ FAM នៅតែបន្តប្តេជ្ញាគោរពតាមច្បាប់អន្តរជាតិដ៏ម៉ឺងម៉ាត់ និងខ្ជាប់ខ្ជួន ព្រមទាំងការពារកេរ្តិ៍ឈ្មោះក្រុមជម្រើសជាតិម៉ាឡេស៊ី។ សមាគមបាល់ទាត់ម៉ាឡេស៊ី នឹងបន្តធ្វើការជិតស្និទ្ធជាមួយ រដ្ឋាភិបាលម៉ាឡេស៊ី និងគ្រប់ភាគីពាក់ព័ន្ធដើម្បីធានាបាននូវការអនុវត្តប្រកបដោយតម្លាភាព និងស្មារតីកីឡា។ សូមបញ្ជាក់ថា សហព័ន្ធកីឡាបាល់ទាត់អន្តរជាតិ បានពិន័យ សមាគមកីឡាបាល់ទាត់ម៉ាឡេស៊ី និងកីឡាករចំនួន ៧ នាក់ដោយបានចោទប្រកាន់ពីការក្លែងបន្លំឯកសារ ដើម្បីចូលសញ្ជាតិ ដែលបានបំពានលើមាត្រា ២២ នៃក្រមវិន័យរបស់ FIFA។ សមាគមបាល់ទាត់ម៉ាឡេស៊ី ត្រូវបានពិន័យជាប្រាក់ជាង ៤៣ម៉ឺនដុល្លារ ខណៈកីឡាករ ៧ នាក់

ខ្សែបម្រើការពារល្អបំផុតក្នុងលោកម្នាក់ កីឡាករ Sergio Busquets បានប្រកាសដំណឹងដ៏ក្រៀមក្រំមួយ អំពីពេលវេលាចូលនិវត្តន៍ពីអាជីពជាកីឡាករបាល់ទាត់ ក្នុងពេលឆាប់ៗនេះ។ នៅថ្ងៃ សុក្រ ទី ២៦ ខែ កញ្ញា ឆ្នាំ ២០២៦ នេះ អ្នកកាសែត អ៉ីតាលី លោក Fabrizio Romano បានចុះផ្សាយ ថា អតីតខ្សែបម្រើ Barcelona និងបច្ចុប្បន្នជាកីឡាករ Inter Miami កីឡាករ Sergio Busquets បានសម្រេចចិត្តរួចរាល់ហើយ និងចូលនិវត្តន៍ពីអាជីពបាល់ទាត់ នៅពេលលីគបាល់ទាត់កំពូល អាមេរិក ឆ្នាំ ២០២៥ បញ្ចប់ក្នុងខែ តុលា ឆាប់ៗនេះ។ តាមរយៈដំណឹងនេះ ជឿជាក់ ថា អ្នកគាំទ្រនៅទូទាំងពិភពលោក ពិតជាសោកសៅខ្លាំងអំពីការប្រកាសមួយនេះ ព្រោះថាកីឡាករឆ្នើមម្នាក់ទៀត នឹងចាកចេញពីបាល់ទាត់ ក្នុងពេលឆាប់ៗខាងមុខ។ Busquets ដែលបច្ចុប្បន្នមានវ័យ ៣៧ ឆ្នាំ ត្រូវបានគេចាត់ទុកជាខ្សែបម្រើការពារដ៏ល្អបំផុតក្នុងលោកម្នាក់ ថ្វីដ្បិតគាត់មនុស្សម្នាក់ ដែលមានរាងកាយស្គមស្គាំងមិនអំណោយផលក៏ដោយ។

ខ្សែការពារ David Alaba និង Antonio Rudiger នឹងចាកចេញពីក្លិបអធិរាជស Real Madrid នៅចុងបញ្ចប់រដូវកាល ២០២៥-២០២៦។ នេះបើតាមការចុះផ្សាយដោយអ្នកកាសែត អ៊ីតាលី លោក Fabrizio Romano ដែលដកស្រង់បន្តចេញពីសារព័ត៌មាន ESPN។ David Alaba ត្រូវបាន Real Madrid ចុះកិច្ចសន្យាយកបានពីក្លិប Bayern Munich កាលពីរដូវកាលក្តៅឆ្នាំ ២០២១ ដោយគ្មានតម្លៃខ្លួន។ ទោះបីជាយ៉ាងណា ការប្តូរទ្រនំមកកាន់រាជធានី អេស្ប៉ាញ របស់ខ្សែការពារសញ្ជាតិ អូទ្រីស វ័យ ៣៣ ឆ្នាំ គឺធ្វើមិនសូវបានល្អដូចកាលនៅ Bayern Munich នោះទេ ដោយសារជានិច្ចជាកាល រូបគេតែងរងរបួសជាញឹកញាប់។ ចំណែក Antonio Rudiger វិញ ចាប់តាំងពីចាកចេញពី Chelsea ផ្លាស់មកកាន់ Real Madrid នៅរដូវក្តៅឆ្នាំ ២០២២ រូបគេបានក្លាយជាខ្សែការពារដ៏រឹងមាំ

បន្ទាប់​ពី​ធ្វើ​ការ​ធ្ងន់​នៅ​ទឹក​ដី​វៀតណាម ព្រះ​ខ័ន​រាជ​ស្វាយរៀង បន្ត​ភារកិច្ច​ធ្ងន់​ទៀត​ដោយ​ត្រូវ​ទទួល ភ្នំពេញ​ក្រោន វេលា​ម៉ោង ៦ ល្ងាច ថ្ងៃ​អាទិត្យ ទី​២៨ ខែ​កញ្ញា ឆ្នាំ ២០២៥ នៅ​ពហុកីឡដ្ឋានជាតិមរតក​តេជោ សម្រាប់​ការ​ប្រកួត​លីគ​កំពូល​កម្ពុជា សប្តាហ៍​ទី​៦។ ក្រុម​ទាំង​ពីរ​បាន​បង្ហាញ​សមត្ថភាព​ខុស​ប្លែក​គ្នា​នៅ​ដើម​រដូវ​កាល​ថ្មី​នេះ បន្ទាប់​ពី​ដោះ​ដូរ​សមាជិក​ថ្មី​ច្រើន​​ក្រោយ​ចប់​រដូវ​កាល​មុន។ ភ្នំពេញ​ក្រោន ត្រូវ​បាន​មើល​ឃើញ​ពី​តំបន់​ការពារ​រឹង​មាំ​ល្អ ប៉ុន្តែ​នៅ​តំបន់​បម្រើ​កណ្តាល និង​ប្រយុទ្ធ​ជួរ​មុខ​មិន​ទាន់​មាន​អ្វី​ប្លែក​គួរ​ឲ្យ​កត់​ចំគាល់​ខ្លាំង​ទេ។ ផ្ទុយ​ទៅ​វិញ ព្រះ​ខ័ន​រាជ​ស្វាយរៀង មាន​ទម្រង់​​លេង​គួរ​ឲ្យ​ចាប់​អារម្មណ៍​ទាំង​តំបន់​ការពារ បម្រើ និង​ប្រយុទ្ធ បើ​ទោះ​ជា​មាន​កីឡាករ​បរទេស​ថ្មី​ច្រើន។ ពួក​គេ​ធ្វើ​បាន​យ៉ាង​ល្អ​ឥត​ខ្ចោះ​សម្រាប់​ការ​ប្រកួត​ ៥ លើក​ដំបូង​ក្នុង​លីគ​កំពូល​កម្ពុជា ក្នុង​នោះ​ឈ្នះ ណាហ្គាវើលដ៍ ៣-០, ឈ្នះ​អង្គរថាយហ្គឺរ ៣-០, ឈ្នះ បឹងកេត ៣-០, ឈ្នះ​ វិសាខា ២-០ និង ឈ្នះ ឡាយហ្វ ព្រះ​សីហនុ ៦-១ ដើម្បី​រក​បាន ១៥ ពិន្ទុ​ពេញ ឈរ​លើ​កំពូល​តារាង។ ចំណែក ភ្នំពេញ​ក្រោន ក៏​មិន​ទាន់​ស្គាល់​បរាជ័យ​ដែរ​សម្រាប់ ៤ ប្រកួត​ដំបូង

Harry Kane រកបានពីរគ្រាប់ក្នុងជ័យជម្នះរបស់ Bayern Munich លើ Werder Bremen កាលពីថ្ងៃសុក្រ ដើម្បីក្លាយជាកីឡាករលឿនបំផុតក្នុងសតវត្សនេះដែលអាចរកបាន 100 គ្រាប់សម្រាប់ក្លឹបដែលកំពុងលេងនៅលីគកំពូលទាំង 5 របស់អឺរ៉ុប។ ក្រុមម្ចាស់ជើងឯកអាល្លឺម៉ង់បានយកឈ្នះ 4-0 លើក្រុមភ្ញៀវ Werder Bremenដោយប្រធានក្រុមអង់គ្លេសរកបានគ្រាប់ទី១ពីបាល់ពិន័យ ១១ម៉ែត្រ ដោយការស៊ុតបាល់ប៉េណាល់ទីនៅតង់ទី១ មុនពេលស៊ុតពីចម្ងាយនៅនាទីទី៦៥បន្ថែមទៀត។ Kane បានបំបែកកំណត់ត្រាពីរផ្សេងទៀតនៅក្នុងជ័យជម្នះ 4-1 របស់ក្រុមរបស់គាត់ជាមួយនឹងក្រុម Hoffenheim កាលពីចុងសប្តាហ៍មុន អំឡុងពេលដែលគាត់បានស៊ុតបញ្ចូលទីបានបីគ្រាប់។ គាត់បានឈានដល់ 70 គ្រាប់ Bundesliga ក្នុងការប្រកួតទី 67 របស់គាត់នៅក្នុងការប្រកួតនេះលឿនជាងអ្នកផ្សេងទៀតនៅក្នុងប្រវត្តិសាស្រ្តនៃលីគអាល្លឺម៉ង់។ ពីមុនកីឡាករវ័យ 32 ឆ្នាំបានបំបែកកំណត់ត្រារកគ្រាប់បាល់បានច្រើនជាងគេក្នុង 50 ប្រកួត Bundesliga (54 គ្រាប់) ហើយចំនួនប្រកួតតិចបំផុតដែលត្រូវការដើម្បីឈានដល់ 50 គ្រាប់ក្នុងការប្រកួត (43 ប្រកួត) ។ កាលពីថ្ងៃសុក្រ Kane ក៏បានក្លាយជាកីឡាករដំបូងគេក្នុងប្រវត្តិសាស្ត្រ Bundesliga ដែលបានបំប្លែងការស៊ុតបាល់ប៉េណាល់ទី