October 2, 2025

ខ្សែប្រយុទ្ធរបស់ក្រុម Paris Saint-Germain កីឡាករ Goncalo Ramos បាននិយាយលក្ខណៈឌឺដងផ្លែផ្កាទៅខ្សែបម្រើ Pedri និង Lamine Yamal បន្ទាប់ក្រុមរបស់គេ យកឈ្នះលើ Barcelona នៅទឹកដី អេស្ប៉ាញ កាលពីយប់មិញ។ បើត្រឡប់ទៅមើលមុនការប្រកួតទល់ គឺ Pedri និង Lamine Yamal បាននិយាយខ្លះៗអំពីការប្រកួតទល់នឹង PSG។ Yamal បាននិយាយ ថា៖ «សម្ពាធ? ខ្ញុំត្រឡប់មកវិញហើយ ហើយបេសកកម្មក៏ត្រឡប់មកវិញផងដែរ»។ ចំណែក Pedri វិញបាននិយាយ ថា៖ «PSG គឺជាក្រុមមួយ ដែលបានបង្ហាញរួចមកហើយកាលពីរដូវកាលមុន ថាពួកគេជាក្រុមមួយល្អបំផុតក្នុងពិភពលោក ហើយចំណែកពួកយើង ខ្ញុំមើលឃើញថា គឺល្អបំផុត»។ ក្រោយការប្រកួតបញ្ចប់ ដោយយកឈ្នះលើ Barcelona ខ្សែប្រយុទ្ធ Ramos បានឆ្លើយតបអំពីពាក្យសម្តីរបស់ Pedri និង Yamal វិញ ថា៖ «ពួកយើងគឺជាជើងឯក អឺរ៉ុប។ […]

កីឡាករ​វ័យ​ក្មេង​ សៅយ៉ាន់​ វិសាល​ ដែល​គេ​ស្គាល់​ថា​ជា​កូន​ប្រុស​លោក​ សាន់​ សៅយ៉ាន់​ ឥលូវ​នេះ​មាន​ឱកាស​បាន​ចេញ​ទៅ​ប្រកួត​តំណាង​ឲ្យ​កម្ពុជា​នៅប្រទេសបារ៉ែន​ ជា​លើក​ដំបូង ខណៈ​ឪពុក​ថា​នេះ​គ្រាន់​តែ​ជា​ការ​ចាប់ផ្ដើម​ប៉ុណ្ណោះអាជីពប្រដាល់។​ លោក សាន់ សៅយ៉ាន់ បានឲ្យដឹងថា កូនប្រុសរបស់លោកនឹងចេញទៅប្រកួតតំណាងឲ្យកម្ពុជាជាមួយកីឡាករ កីឡាការិនីសរុប ៩នាក់នៅឯប្រទេសបារ៉ែន អំឡុងចុងខែតុលា ឆ្នាំ២០២៥ ខាងមុខនេះ។ ការចេញទៅក្រៅប្រទេសលើកនេះគឺជាលើកទី១ ហើយសម្រាប់កូនប្រុសរបស់លោក។ អតីតអ្នកប្រដាល់ជើងចាស់រូបនេះបន្ថែមទៀតថា ក្នុងនាមជាឪពុក និងជាអ្នកបង្ហាត់បង្រៀនកូនគឺមានចិត្តសប្បាយរីករាយខ្លាំងណាស់ដែលនេះជាឱកាសល្អមួយសម្រាប់កូនបានប្រកួតតំណាងប្រទេសជាតិនៅឯក្រៅប្រទេសបែបនេះ។ នេះគ្រាន់តែជាជំហានដំបូងប៉ុណ្ណោះសម្រាប់រូបគេគឺមានពេលវេលាវែងឆ្ងាយទៀតដែលត្រូវឆ្លងកាត់លើវិថីប្រដាល់នេះ។ ដូច្នេះកូនប្រុសរបស់លោកត្រូវតែបន្តខំប្រឹងប្រែងថែមទៀតទើបអាចជោគជ័យ ឬបន្តដំណើរបាននៅថ្ងៃខាងមុខ។ បញ្ជាក់​ដែរថា​ ក្រុម​ថ្នាល​គុន​ខ្មែរ​សរុប​ ៩នាក់​នឹង​ត្រូវ​ទៅ​ចូលរួម​ការ​ប្រកួត​កីឡា​យុវជន​អាស៊ី លើក​ទី​៣ ឆ្នាំ ២០២៥ នៅ​ប្រទេស​បារ៉ែន ចាប់​ពី​ថ្ងៃ​ទី២២​ ដល់​ ៣១​ ខែ​តុលា​ ឆ្នាំ​២០២៥។​ ដោយ​ឡែក​ សៅយ៉ាន់​ វិសាល​ នឹង​ត្រូវ​ប្រកួត​លើ​ប្រភេទ​ទម្ងន់​ ៥៤​គីឡូក្រាម៕​ ប្រភព៖ KAMPUCHEATHMEY

កុមារា Bernardo Lopes ស្ទើរតែស្លាប់ និងរបួសយ៉ាងធ្ងន់ធ្ងរ ដោយសាររងគ្រោះដោយទឹកពុះដ៏រន្ធត់មួយតាំងពីអាយុជាងមួយខួប។ ប៉ុន្តែ យុវជនថ្នាលសញ្ជាតិប្រេស៊ីលរូបនេះ មិនអនុញ្ញាតឱ្យគ្រោះមួយនេះកំណត់ជីវិតរបស់ខ្លួនក្នុងការចាប់យកអាជីពជាកីឡាករបាល់ទាត់នោះឡើយ។ នៅអាយុត្រឹម ១ឆ្នាំ និង ២ខែ Lopes បានជួបហេតុការណ៍អាក្រក់មួយ ដោយត្រូវនឹងទឹកពុះហៀរចេញពីកំសៀវ បណ្តាលឱ្យរលាកពេញក្បាល មុខ និងផ្នែកជាច្រើននៃរាងកាយរបស់គេ។ កាលនោះ វេជ្ជបណ្ឌិតនៅទីក្រុងរីយ៉ូ ប្រទេសប្រេស៊ីល បាននិយាយថា Lopes ទំនងជាមិនអាចរួចជីវិតផង។ ប៉ុន្តែ សំណាងល្អ បន្ទាប់ពីការសម្រាកព្យាបាលនៅមន្ទីរពេទ្យរយៈពេល ៧ខែ រូបគេអាចរស់រានមានជីវិតដល់សព្វថ្ងៃ។ គ្រោះថ្នាក់រលាកទឹកក្តៅដែលកំពុងពុះ បានធ្វើឱ្យក្បាលរបស់ Lopes មិនអាចដុះ ឬបណ្តុះសក់បាននៅផ្នែកខ្លះ ហើយបន្សល់ផ្ទៃមុខមានស្លាកស្នាម ដែលនាំឱ្យមានការភ័យខ្លាចពីអ្នកនៅជុំវិញ។ ប៉ុន្តែយ៉ាងណាក៏ដោយ ទេពកោសល្យធម្មជាតិរបស់កុមារាវ័យ១១ឆ្នាំ ក្នុងវិស័យកីឡាបាល់ទាត់ បានជួយគេបង្កើតភាពលេចធ្លោ និងមានភាពជឿជាក់។ លោក Rodrigo ជាពូរបស់កុមារា Lopes ជាអ្នកបណ្តុះជំនាញបាល់ទាត់ឱ្យក្មួប្រុសខ្លួនតាមរយៈកីឡាបាល់ទាត់តាមដងផ្លូវ និងការប្រកួតក្នុងស្រុក មុនពេលចូលរួមសាលាបាល់ទាត់ Menino de Ouro។ ការប្តេជ្ញាចិត្ត និងជំនាញរបស់ Lopes

លោក Erick Thohir ប្រធានសហព័ន្ធកីឡាបាល់ទាត់ឥណ្ឌូណេស៊ី (PSSI) បានបដិសេធការចោទប្រកាន់ថាជាអ្នកមានឥទ្ធិពលក្នុងការជំរុញឱ្យសហព័ន្ធកីឡាបាល់ទាត់អន្តរជាតិ (FIFA) ដាក់ទណ្ឌកម្មធ្ងន់ធ្ងរលើសហព័ន្ធកីឡាម៉ាឡេស៊ី (FAM) ជុំវិញករណីក្លែងបន្លំឯកសារកីឡាករបរទេសចូលសញ្ជាតិ។ FIFA បានពិន័យ​ FAM ជាប្រាក់ជាង៤០ម៉ឺនដុល្លារ និងកីឡាករចូលសញ្ជាតិ៧រូបមិនឱ្យជាប់ពាក់ព័ន្ធវិស័យបាល់ទាត់ ១២ខែ និងប្រាក់២៥០០ដុល្លារក្នុងម្នាក់ៗ។ ការដាក់ពិន័យនេះ ក្រោយ FIFA រកឃើញថា FAM បានក្លែងបន្លំឯកសារចូលសញ្ជាតិរបស់កីឡាករបរទេសទាំង៧នាក់ អំឡុងការប្រកួតវគ្គជម្រុះជុំចុងក្រោយ​ AFC Asian Cup ឆ្នាំ២០២៧ ដោយយកឈ្នះវៀតណាម ដល់ទៅ ៤-០។ ក្រោយមានការដាក់ពិន័យធ្ងន់ធ្ងរនេះ ស្រាប់តែប្រព័ន្ធផ្សព្វផ្សាយម៉ាឡេស៊ីចោទប្រកាន់ថាលោក Erick Thohir ប្រធាន PSSI និងជារដ្ឋមន្ត្រីក្រសួងយុវជន និងកីឡាឥណ្ឌូណេស៊ី ថាជាអ្នកញុះញង់ឱ្យ FIFA អនុវត្តន៍លើការដាក់ពិន័យលើ FAM។ លោក Zulhelmi Zainal អ្នកកាសែតរបស់ទូរទស្សន៍កីឡា ​Astro Arena បានបង្ហោះលើគណនីបណ្តាញសង្គម X របស់ខ្លួនថា មានប្រទេសជិតខាងក្នុងតំបន់ជាអ្នកពាក់ព័ន្ធទៅនឹងការដាក់ទណ្ឌកម្មលើសហព័ន្ធកីឡាបាល់ទាត់ម៉ាឡេស៊ី ពីសំណាក់ FIFA។

Bayern Munich, Real Madrid និង Inter Milan បន្តរកបានជ័យជម្នះពីរលើកជាប់គ្នារៀងខ្លួន ក្នុងការប្រកួត UEFA Champions League វគ្គសន្សំពិន្ទុ ស្របពេល Liverpool ចាញ់ Galatasaray ១-០។ Kylian Mbappe និង Harry Kane ប្រដេញគ្នាក្នុងការរកគ្រាប់បាល់ស៊ុតបញ្ចូលទី។ ការប្រកួតជើងឯកក្លិបកំពូលអឺរ៉ុប រដូវកាល ២០២៥-២៦ បានឈានដល់ជំនួបទីពីរហើយ ក្នុងវគ្គសន្សំពិន្ទុ ដែលធ្វើឡើងនៅរាត្រីថ្ងៃទី៣០ ខែកញ្ញា។ Bayern Munich បានយកឈ្នះ Pafos នៃលីគកំពូលប្រទេសស៊ីប ៥-១ ស្របពេល Real Madrid លត់ក្រុមមកពីកាហ្សាក់ស្ថាន Kairat ៥-០ និង Inter Milan ឈ្នះ Slavia Prague របស់ឆែក ៣-០។ ក្នុងជ័យជម្នះរបស់ក្រុមលោក Xabi Alonso នៅជំនួបទីពីរនេះ

អនុប្រធានសហព័ន្ធបាល់ទាត់ពិភពលោកបាននិយាយថាការសម្រេចចិត្តណាមួយដើម្បីផ្លាស់ទីការប្រកួតពីទីក្រុងសម្រាប់ការប្រកួតបាល់ទាត់World Cup ឆ្នាំ 2026 ត្រូវតែធ្វើឡើងដោយ FIFA មិនមែនលោក Donald Trump នោះទេ។ លោក Victor Montagliani ដែលជាប្រធាន Concacaf សហព័ន្ធបាល់ទាត់គ្របដណ្តប់លើអាមេរិកខាងជើង និងកណ្តាល និងការ៉ាប៊ីន បានលើកឡើងដូចនេះបន្ទាប់ពីប្រធានាធិបតីអាមេរិកបាននិយាយនៅសប្តាហ៍នេះថាគាត់នឹងផ្លាស់ប្តូរការប្រកួតចេញពីទីក្រុង ប្រសិនបើគាត់គិតថាពួកគេអាចមានគ្រោះថ្នាក់សម្រាប់ World Cup។ លោក Victor បានថ្លែងទៅកាន់ទស្សនិកជននៅឯកិច្ចប្រជុំកំពូល ដែលជាផ្នែកមួយនៃ Leaders Week London ថា “វាជាការប្រកួតរបស់ Fifa ដែលជាយុត្តាធិការរបស់ FIFA ហើយ FIFA ធ្វើការសម្រេចចិត្តទាំងនោះ”។ ចំណែកលើប្រធានបទនៃការបន្តការចូលរួមរបស់អ៊ីស្រាអែលនៅក្នុងកីឡាបាល់ទាត់អន្តរជាតិ ដែលជាប្រធានបទនៃការជជែកដេញដោលជាច្រើនក្នុងសប្តាហ៍មុននោះ លោក Montagliani បាននិយាយថា វាជាការទទួលខុសត្រូវរបស់សហព័ន្ធបាល់ទាត់ទ្វីបអ៊ឺរ៉ុប (UEFA) ក្នុងការសម្រេចចិត្ត៕ ប្រភព៖ NKDNEWS

ក្រសួង​អប់រំ យុវជន និង​កីឡា បាន​រៀបចំ​សិក្ខា​ស្តីពី«វិន័យ និង​ក្រម​សីលធម៌»​សម្រាប់​កីឡាករ កីឡាការិនី អ្នក​ពាក់​ព័ន្ធ​ទាំង​អស់​ដើម្បី​ចូល​រួម​ប្រកួត​កីឡា​យុវជន​អាស៊ី លើក​ទី​៣ ឆ្នាំ ២០២៥ នៅ​ប្រទេស​បារ៉ែន។ សិក្ខាសាលា​នេះ​ផ្តោត​លើ​ការ​យល់​ដឹង​ពី​កីឡា​យុវជន​យុវជន គោលការណ៍​ វិន័យ និង​ក្រម​សីលធម៌​ ក្នុង​នាម​ជា​កីឡាករ កីឡាការិនី ថ្នាក់​ដឹក​នាំ និង​អ្នក​ពាក់​ព័ន្ធ​ដែល​ត្រូវ​ចូល​រួម​ប្រកួត​ក្នុង​ព្រឹត្តិការណ៍​កីឡា​យុវជន​អាយុ​ក្រោម ១៨ ឆ្នាំ ដែលធ្វើ​ឡើង​ជា​រៀង​រាល់ ៤ ឆ្នាំ​ម្តង។ សម្រាប់​កម្ពុជា​ការ​ចូល​រួម​នេះ​មិន​ត្រឹម​តែ​ជា​ការ​ចូល​រួម​ប្រកួត​ប៉ុណ្ណោះ​ទេ ប៉ុន្តែ​​ដើម្បី​សិក្សា​ស្វែង​យល់ រៀន​សូត្រ និង​ទទួល​ភារកិច្ច ដើម្បី​យក​មក​អនុវត្ត​នៅ​ឆ្នាំ​ ២០២៩ ដែល​កម្ពុជា​ទទួល​ធ្វើ​ម្ចាស់​ផ្ទះ។ សិក្ខាសាលា​នេះមាន​គ្រូ​ឧទ្ទេស​ចំនួន ៥ រូប ដែល​បាន​ធ្វើ​បទ​បង្ហាញ​ដល់​សិក្ខាកាម ភាគ​ច្រើនជា​កីឡាករ កីឡាការិនី​វ័យ​ក្មេង  អាយុ​ចាប់​ពី​១៨​ឆ្នាំ​ចុះ​ក្រោម។ យុវជន​ខ្លះ​មិន​ធ្លាប់​បាន​ចេញ​ទៅ​ប្រកួត​លើ​ឆាក​អន្តរជាតិ​ទេ ដូច្នេះ​ពួក​គាត់​ត្រូវ​សិក្សា​ស្វែង​យល់​ពី​​ការ​រៀបចំ​ខ្លួន​ធ្វើ​យ៉ាង​ណា​ឲ្យ​សម​ជា​ខ្មែរ​មាន​សេចក្តី​ថ្លៃថ្នូរ ការ​គោរព និង​ផ្តល់​តម្លៃ​ដល់​អ្នក​ដទៃ។ ការ​ធ្វើ​ដំណើរ អាហារ ការ​ស្នាក់​នៅ និង​ការ​ថែទាំ​សុខភាព រាប់​ចាប់​តាំង​ពី​ចេញ​ដំណើរ រហូត​ដល់​ចប់​ព្រឹត្តិការណ៍ និង​ត្រឡប់​មក​ប្រទេស​កំណើត​វិញ។ សូម​បញ្ជាក់​ថា កីឡា​យុវជន​អាស៊ី លើក​ទី​៣ នឹងចាប់​ពី​ថ្ងៃទី​២២ ដល់ ទី​៣១

កីឡាករ​ ពេជ្រ​ សម្បត្តិ​ ក្រៅ​តែ​ប្រកួត​ខ្លាំង​ល្បីឈ្មោះ​ហើយ​នោះ​រូប​គេ​ក៏​ជា​កីឡាករ​មាន​ស្ដានចិត្ត​ល្អ​ពិសេស​ចូល​ចិត្ត​ថ្នាល​ និង​តែងតែ​លើក​ទឹកចិត្ត​កន្លង​មក​ដូជា​ វីរៈ​ ហោះហើរ​ ធ្លាប់​ទទួល​បាន​ការ​ឧបត្ថម្ភ​ទឹក ១០ម៉ឺន​រៀល​ដល់​ទៅ​ ២ដង​មក​ហើយ។​ នេះ​បើ​តាម​វីដេអូ​បង្ហោះ​លើ​បណ្ដា​សង្គម​ថ្មីៗ​នេះ​គឺ​បង្ហាញ​ពី​ស្ដានចិត្ត​ល្អ​ចេះស្រឡាញ់​គ្នា​របស់​កីឡាករ​ ពេជ្រ​ សម្បត្តិ​ ដល់​ថ្នាលគុន​ខ្មែរ​ដូច​ជា​ វីរៈ ហោះហើរ​ និង​ រិទ្ធី គីងកុង ផង​ដែរ។​ ពេជ្រ​ សម្បត្តិ​ បាន​ជួប​ វីរៈ ហោះហើរ​ ក្នុង​ថ្ងៃ​ដែល​ប្អូន​ប្រុស​របស់​ខ្លួន​​ ពេជ្រ​ សឹង្ហៈ​ ប្រកួត​នៅ​ហង្សមាស ខណៈ​ពេល​នោះ​រូប​គេ​បាន​ឧបត្ថម្ភ​ថវិកា​លើក​ទឹកចិត្ត​ ១០​ម៉ឺន​រៀល​ជា​ថ្មី​ទៀតផង​ដែរ។​ ការ​ឧបត្ថម្ភ​របស់​ ពេជ្រ​ សម្បត្តិ​ ដល់​ថ្នាល​គុន​ខ្មែរ​ វីរៈ​ ហោះហើរ​ នេះ​គឺ​ដើម្បី​លើក​ទឹកចិត្ត​ឲ្យ​បន្ត​ខំប្រឹង​ប្រែង​ហ្វឹកហាត់​ និង​ប្រកួត​តទៅ​មុខ​ទៀត។​ ពិសេស​នោះ​គឺ​លើក​​ទឹកចិត្ត​ដែល​ ហោះហើរ​ បាន​ប្រកួត​ឈ្នះ​លើ​ដៃគូ។​ បញ្ជាក់​ដែរ​ថា​ កីឡាករ​ ពេជ្រ​ សម្បត្តិ​ ធ្លាប់​បាន​ឧបត្ថម្ភ​ដល់​ វីរៈ​ ហោះហើរ​ ចំនួន​ ២ដង​ហើយ​បន្ទាប់​ពី​ថ្នាល​រូប​នេះ​ឈ្នះ​ដៃគូ​ប្រកួត​។​ ក្រៅ​ពី​កីឡាករ​ វីរៈ​ ហោះហើរ​ ក៏​មាន​ថ្នាល​ផ្សេង​ទៀត​ដែរ​ដែល​

ក្រុមកីឡាករបាល់ទាត់ហ្វ្រីស្តាយ៍ (Freestyle) កម្ពុជា ដែលត្រូវ​ចូលរួម​​ប្រកួត​ក្នុងកម្មវិធីប្រកួតហ្វ្រីស្តាយ៍ដ៏ធំប្រចាំតំបន់ អាស៊ីប៉ាស៊ីហ្វិក WFFA Pulse Jakarta 2025 នៅប្រទេស ឥណ្ឌូណេស៊ី នឹងធ្វើដំណើចេញពីប្រទេស កម្ពុជា នៅថ្ងៃស្អែកនេះ ថ្ងៃ សុក្រ ទី ៣ ខែ តុលា ឆ្នាំ ២០២៥ ម៉ោង​១២​ថ្ងៃ​ត្រង់។ កីឡាករបាល់ទាត់ហ្វ្រីស្តាយ៍ (Freestyle) ត្រូវបានជ្រើសរើសតំណាង កម្ពុជា ដើម្បីទៅចូលរួមកម្មវិធីនោះ មាន ៣ នាក់ ដែលសុទ្ធតែត្រូវបានចម្រាញ់ចេញពីការប្រកួតកម្មវិធីហ្វ្រេនហ្ស៊ី ហ្វ្រីស្តាយ៍ (Frenzy Freestyle) ២០២៥ ក្នុងនោះមាន កីឡាករ សុំ សាន ជ័យលាភីលេខ១ និងកីឡាករ នួន វណ្ណា ជ័យលាភីលេខ២ ព្រមទាំងលោក ឡុង គឹមហេង ជាគណៈកម្មការ។ ព្រឹត្តិការណ៍ WFFA Pulse Jakarta 2025 គឺជាកម្មវិធីប្រកួតជម្រុះកីឡាបាល់ទាត់ហ្វ្រីស្តាយ៍ដ៏ធំប្រចាំតំបន់ អាស៊ីប៉ាស៊ីហ្វិក

គ្រូ​ប្រដាល់​ជើង​ចាស់​លោក​ អេ ភូថង​ ចង់​ឲ្យ​ ធឿន​ ធារ៉ា​ សងសឹកដៃគូ​ចាស់​កីឡាករ​ RUSLAN NAGIYEV ដែល​ឈ្នះ​នៅ​ទឹក​ទី១​ កាលពីថ្ងៃទី២៦​ កញ្ញា​ ២០២៥​ ប៉ុន្តែ​ប៉ះ​គ្នា​ជា​ថ្មី​សុំ​វាយ​បែបលក្ខណៈ​ហ្គង់​ធំ​ ចំនួន​ ៥ទឹក​វិញ​ម្ដង។​ លោក អេ ភូថង បានឲ្យដឹងថា លោកមានបំណងចង់ឲ្យកូនសិស្សរបស់លោកគឺ ធឿន ធារ៉ា សងសឹកលើកីឡាករ RUSLAN NAGIYEV ដែលទើបឈ្នះក្នុងទឹកទី១ កាលពីថ្ងៃទី២៦ ខែកញ្ញា ឆ្នាំ២០២៥ ថ្មីៗនេះម្ដងទៀត។ យ៉ាងណាចាំមើលរបួសជាសៈស្បើយសិន និងសាកសួរម្ចាស់ខ្លួនផងដែរ។ ប៉ុន្តែបើរូបលោកផ្ទាល់បណ្ដោយគឺចង់ឲ្យប្រកួតសងសឹកវិញ ប៉ុន្តែសុំវាយបែបហ្គង់ធំ ចំនួន៥ទឹក។ លោកក៏មានបំណងលែងចង់ឲ្យ ធារ៉ា ប្រកួតបែបអំបោះឆៅតទៀតដែរ។ បញ្ជាក់​ដែរ​ថា​ កីឡាករ​ ធឿន​ ធារ៉ា​ បាន​រងរបួស​ឈឺ​ភ្នែក​ខាង​ស្ដាំ​បន្ទាប់​ពី​ចូល​កណ្ដាប់​ដៃ​ឆ្វេង​របស់​កីឡាករ​បរទេស​ RUSLAN NAGIYEV អំឡុង​ទឹក​ទី១​ និង​ត្រូវ​បោះបង់​ការ​ប្រកួត​ក្នុង​ជំនួប​មិត្តភាព​អន្តរជាតិ​លើ​សង្វៀន​ថោន​ កាល​ពី​ថ្ងៃ​ទី២៦​ ខែ​កញ្ញា​ ឆ្នាំ​២០២៥​៕ ប្រភព៖ KAMPUCHEATHMEY