Admin

អ្នកលើកបាល់ឆ្នើមបំផុត ៥ រូប ត្រូវបានគេរំពឹង នឹងបង្ហាញវត្តមានតំណាងឱ្យជម្រើសជាតិពួកគេរៀងៗខ្លួននៅក្នុងព្រឹត្តិការណ៍បាល់ទះជើងឯកពិភពលោក FIVB Men’s Volleyball World Championship នៅប្រទេស ហ្វីលីពីន ក្នុងឆ្នាំ ២០២៥។ សារព័ត៌មាន «កម្ពុជាថ្មី» សូមបង្ហាញឈ្មោះអ្នកលើកបាល់ឆ្នើម ៥ រូបគួរឱ្យចាប់អារម្មណ៍បំផុត ដែលនឹងបង្ហាញខ្លួនសម្រាប់ព្រឹត្តិការណ៍បាល់ទះជើងឯកពិភពលោកឆ្នាំ ២០២៥ នេះ៖ ១៖ អ្នកលើកបាល់សញ្ជាតិ អ៉ីតាលី Simone Giannelli៖ អ្នកលើកបាល់វ័យ ២៩ ឆ្នាំកម្ពស់ ២.០០ ម៉ែត្រ​រូបនេះ ត្រូវបានគេទទួលស្គាល់ជាអ្នកនាំលេងដ៏សំខាន់ម្នាក់របស់ក្រុមជម្រើសជាតិ អ៉ីតាលី។ បច្ចុប្បន្នរូបគេ ត្រូវបានគេចាត់ទុក ជាអ្នកលើកបាល់លំដាប់លេខ ១ ក្នុងពិភពលោក។ បកក្រោយបន្តិចទៅកាន់ព្រឹត្តិការណ៍បាល់ទះជើងឯកពិភពលោក ២០២២ រូបគេបានជួយឱ្យ អ៉ីតាលី ឈ្នះមេដាយមាសក្នុងព្រឹត្តិការណ៍នេះ ហើយរូបគេបានឈ្នះពានឯកត្តជន ២ ម្នាក់ឯង រួមមានពាន អ្នកលើកបាល់ល្អបំផុត និងពានកីឡាករល្អបំផុតប្រចាំព្រឹត្តិការណ៍។ ចំណែកនៅឆ្នាំ ២០២៥ នេះ រូបគេនៅតែបង្ហាញសមត្ថភាពយ៉ាងអស្ចារ្យ ដោយកាលពីព្រឹត្តិការណ៍ VLN […]

ក្រុម​បាល់ទាត់​ជម្រើស​ជាតិ​កម្ពុជា​អាយុ​២៣​ឆ្នាំ ដាក់​គោល​ដៅ​បង្កើត​កំណត់​ត្រា​ជា​លើក​ដំបូង​ក្នុង​ការ​ឡើង​ទៅ​ជុំ​ចុង​ក្រោយ ពាន​រង្វាន់​អាស៊ី​អាយុ​២៣​ឆ្នាំ AFC U23 Asian Cup ​ក្នុង​នាម​ជា​ម្ចាស់​ផ្ទះ​ពូល G ចាប់​ពី​ថ្ងៃ​ទី​ ៣ ដល់ ទី​​៩ ខែកញ្ញា ឆ្នាំ ២០២៥។ លោក Koji Gyotoku គ្រូ​បង្វឹក​ជម្រើស​ជាតិ​កម្ពុជា​ បាន​ដឹក​នាំ​ក្រុម U18 កម្ពុជា បាន​ឡើង​ជុំ​ចុង​ក្រោយ​ជា​លើក​ដំបូង​ក្នុង​ប្រវត្តិ​សាស្ត្រ​របស់​ខ្លួន​ក្នុង​ពាន​រង្វាន់ AFF U-18 Youth Championship នៅ​ប្រទេស​អ៊ូបេគីស្ថាន ឆ្នាំ ២០២០ ប៉ុន្តែ​ដោយសារ​វិបត្តិ​កូវីដ-១៩ ម្ចាស់​ផ្ទះ​បាន​លុប​ចោល​ការ​ប្រកួត។ ពេល​នេះ គ្រូ​បង្វឹក​សញ្ជាតិ​ជប៉ុន​ដាក់​គោល​ដៅ​​​ធំ​ទៀត​តាម​រយៈ​ការ​សម្រិត​សម្រាំង​កីឡាករ​ល្អ​ៗ​តាម​អ្វី​ដែល​លោក​ចង់​បាន។ លោក​បាន​បញ្ជាក់​ហើយ​ថា ការ​ជ្រើស​រើស​កីឡាករ​លើក​នេះ​គឺល្អ​ៗ និង​ពេញ​ចិត្ត​តាម​អ្វី​ដែល​លោក​ចង់​បាន​ច្រើន។ លោក​បាន​ជ្រើស​រើស​ខ្សែ​បម្រើ​សុទ្ធ​តែ​ល្អ​​ៗ​មាន​ដូច​ជា ជូ ស៊ីនទិ, ស៊ីន សុវណ្ណមករា, បុង សាំអូអែល និង ឈឿន ដាវីន​ជា​ដើម ប៉ុន្តែ​បើ​មើល​តំបន់​ប្រយុទ្ធ​វិញ​​ហាក់​ដូច​ជា​នៅ​មាន​កម្រិត​។ ក្លិប​ទាំង​អស់​នៃ​លីគ​បាល់ទាត់​កំពូល​កម្ពុជា​​​ បាន​ប្រើ​ប្រាស់​ខ្សែ​ប្រយុទ្ធ​បរទេស​ស្ទើរ​តែ​ទាំង​អស់។ ​បើ​​ខ្សែ​ប្រយុទ្ធ​ជា​កីឡាករ​កម្ពុជា​វិញ​ក៏​សុទ្ធ​តែ​លើស​អាយុ​២៣​ឆ្នាំ​។ ដូច្នេះ​ខ្សែ​ប្រយុទ្ធ​ជម្រើស​ល្អ​បំផុត​សម្រាប់​លោក Koji Gyotoku

(បរទេស)៖ ក្រុមឥន្រ្ទី Crystal Palace របស់អង់គ្លេស បានឆ្លងចូលវគ្គ League Phase ដែលនឹងត្រូវចាប់ឆ្នោតរាត្រីថ្ងៃសុក្រនេះ សម្រាប់ពានរង្វាន់លំដាប់ទី៣ អឺរ៉ុប UEFA Europa Conference League បើទោះបីជាបញ្ចប់ក្នុងលទ្ធផល ០-០ នៃជើងទី២ វគ្គជម្រុះទល់នឹង Fredrikstad យប់មិញក៏ដោយ។ ពីគេហទំព័រកីឡា BBC បានចេញផ្សាយថា អតីតម្ចាស់ជើងឯកពាន FA Cup រដូវកាលមុនមួយនេះ បានយកឈ្នះ Fedrikstad របស់ន័រវេស ១-០ កាលជើងទី១ មុនពេលបញ្ចប់ជើងទី២ ដោយគ្មានគ្រាប់បាល់នៅរាត្រីថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ក្នុងប្រទេសន័រវេស។ កីឡាករ Jean-Philippe Mateta គឺជាអ្នករកបានតែ ១គ្រាប់ពីជើងទី១ ក្នុងកីឡដ្ឋាន Selhurst Park សម្រាប់ក្រុមសមាជិកលេងនៅ Premier League ដែលត្រូវបង្ខំចិត្តលេងវគ្គជម្រុះពាន ECL នេះ ក៏ព្រោះតែក្លិប Lyon មានកៅអីលេងពានលំដាប់ទី២

កូន​សិស្ស​លោក​ ពេជ្រ​ សុផាន់​ គឺ​កីឡាករ​ ពេជ្រ​ អាទិទេព​ ដាក់​ក្ដីសង្ឃឹម​រហូត​ ៦០%​ ក្រសោបយក​ប្រាក់​លាន​ពី​កម្មវិធី​អ្នក​ចម្បាំងអូដ្ឋ​ស្អែក​នេះ​នៅ​សង្វៀន​បាយ័ន​ ខណៈ​បេក្ខភាព​ ៣នាក់​ទៀត​មាន​ខ្មែរ ១ បរទេស ២ ។​ លើកឡើងក្នុងកិច្ចសម្ភាស ពេជ្រ អាទិទេព ថាខ្លួនជឿជាក់លើសមត្ថភាព និងការហ្វឹកហាត់របស់ខ្លួនឯងនាពេលកន្លងទៅនេះ។ ដូច្នេះសម្រាប់ការប្រកួតនៅថ្ងៃស្អែកនេះរូបគេមានជំនឿចិត្តរហូតដល់ ៦០% នឹងដណ្ដើមប្រាក់លានបាន។ អាទិទេព លើកឡើងទៀតថា បេក្ខភាពបរទេស ២រូបទៀតនោះគឺមិនដែលធ្លាប់ជួបប្រកួតពីមុននោះទេ។ ប៉ុន្តែបើកីឡាករកម្ពុជា ផៃ លីហេង គឺធ្លាប់ជួបគ្នា ១ដងរួចហើយ។ កូនសិស្សគ្រូឆ្នើមរូបនេះបន្ថែមទៀតបើខ្លួនបានឡើងទៅវគ្គផ្ដាច់ព្រ័ត្រ និង ផៃ លីហេង បានឡើងទៅដែរគឺដឹងតែល្អមើល ព្រោះជាឱកាសដែលដៃគូចាស់អាចសងសឹកមកលើខ្លួនបន្ទាប់ពីធ្លាប់ចាញ់ពីមុនមក។ បញ្ជាក់​ដែរ​ថា​ កម្មវិធី​អ្នក​ចម្បាំងអូដ្ឋ​របស់​សង្វៀន​បាយ័ន​ស្អែក​នេះ​នឹង​មាន​ការ​ប្រកួត​ម៉ារ៉ាតុង​ដណ្ដើម​ប្រាក់​លាន​ក្នុង​នោះ​មាន​បេក្ខភាព​កម្ពុជា ​២រូប​ និង​បរទេស ​២រូប។​ កម្ពុជា​គឺ​មាន​កីឡាករ​ ពេជ្រ​ អាទិទេព​ និង​កីឡាករ​ ផៃ​ លីហេង​ ចំណែក​បរទេស​មាន​កីឡាករ Leando Douglas និង​កីឡាករ​ Petchnongua Nagagym។​

(វ៉ាស៊ីនតោន)៖ កីឡាករវាយកូនបាល់ទោលលំដាប់លេខ១ ពិភពលោក Jannik Sinner បានបន្តឆ្លងចូលជុំទី៣ នៃកម្មវិធី US Open 2025 នៅសហរដ្ឋអាមេរិក អមដោយកំណត់ត្រាជ័យជម្នះកើនដល់ ២៣ប្រកួតជាប់ៗគ្នាទៀតផង។ នេះបើយោងតាមការចេញផ្សាយដោយ BBC។ កីឡាករវ័យក្មេងរបស់អ៉ីតាលីរូបនេះ ពុំដែលចាញ់ការប្រកួតណាមួយឡើយ សម្រាប់ ២ប្រកួតបើកឆាកនៃកម្មវិធីស្ថិតក្នុងក្របខណ្ឌ Grand Slam មួយនេះ។ Sinner ដែលបានយកឈ្នះ Vit Kopriva ក្នុងជុំទី១ មកនោះ បានបន្តទម្លាក់គូប្រជែង Alexei Popyrin ឈរនៅចំណាត់ថ្នាក់ទី៣៦ ពិភពលោកដោយស្រួលថែមទៀត តាមរយៈប្រើពេលជាង ២ម៉ោង ដោយពិន្ទុ ៦-៣ ៦-២ និង ៦-២ នៅឯទីលាន Arthur Ashe ស្ថិតក្នុងរដ្ឋ New York។ ទោះជាយ៉ាងណា ម្ចាស់ការពារតំណែងជើងឯក US Open រូបនេះ នៅតែពុំទាន់ពេញចិត្តចំពោះលទ្ធផលទាំងស្រុងនេះទេ និងថា នៅមានចំណុចបន្ថែមទៀតដែលត្រូវអភិវឌ្ឍន៍។ លោកថា «ខ្ញុំមានអារម្មណ៍ថា ពួកយើងលេងមិនទាន់អស្ចារ្យ

សហព័ន្ធកីឡាទោចក្រយាន​កម្ពុជា​ ប្រកាស​ទទួល​ចុះឈ្មោះ​ចាប់​ពី​ពេល​នេះ​តទៅ​សម្រាប់​អ្នក​ដែល​ចង់​ចូលរួម​ការ​ប្រកួត​ប្រណាំង​កង់​ភ្នំ (Men Mountain Bike Open) ចម្ងាយ​ ៣០​Km​ ដែល​នឹង​ប្រព្រឹត្តិទៅ​នៅ​ខេត្តព្រះសីហនុ នាព្រឹកថ្ងៃសុក្រ ទី១៩ ខែកញ្ញា ឆ្នាំ២០២៥ ខាង​មុខ​នេះ។​ នេះ​បើ​តាម​សេចក្ដី​ប្រកាស​លើ​ផេក​ផ្លូវ​ការ​របស់​សហព័ន្ធ​កីឡាទោចក្រយាន​ នៅ​ថ្ងៃ​នេះ​បាន​បញ្ជាក់​ថា​ ដោយទទួលបានការអនុញ្ញាត និងសហការរៀបចំព្រឹត្តិការណ៍កីឡាទេសចរណ៍ ដែលមានក្រសួងទេសចរណ៍ រដ្ឋបាលខេត្តព្រះសីហនុ គណៈកម្មាធិការជាតិអូឡាំពិកកម្ពជា សហព័ន្ធកីឡាទោចក្រយានកម្ពុជា សូមជម្រាបជូនដល់អ្នកស្នេហាកីឡាទោចក្រយានទាំងអស់មេត្តាជ្រាបថា សហព័ន្ធនឹងរៀបចំកីឡាប្រណាំងទោចក្រយាន លើវិញ្ញាសាកង់ភ្នំបុរសទូទៅ (Men Mountain Bike Open) ចម្ងាយផ្លូវ ៣០គីឡូម៉ែត្រ ទីតាំងជួបជុំកីឡាករនៅទីលានឆ្នេរតេជោ ខេត្តព្រះសីហនុ នាវេលាព្រឹកថ្ងៃសុក្រ ទី១៩ ខែកញ្ញា ឆ្នាំ២០២៥ ខាងមុខ។ ការទទួលចុះឈ្មោះចាប់ពីថ្ងៃផ្សាយជូនដំណឹងនេះរហូតដល់ថ្ងៃទី១៥ ខែកញ្ញា ឆ្នាំ២០២៥ វេលាម៉ោង ៥:០០ល្ងាច។ បញ្ជាក់:ការចុះឈ្មោះចូលរួម​ប្រកួត​នេះ​គឺ​កីឡាករមិនមានការបង់ប្រាក់នោះទេ។​ លក្ខខណ្ឌចូលរួម៖ -កីឡាករជាតិ និងអន្តរជាតិ -កីឡាករត្រូវមានអាយុចាប់ពី ១៥ឆ្នាំឡើងទៅ -កីឡាករត្រូវមានកង់ភ្នំ មានប៊ូមខាងមុខ, មានសំបក់កង់ចាប់ពី 1.90 ឡើងទៅ និងមានថាសខាងមុខមិនលើសពី

ខ្សែបម្រើប្រយុទ្ធសញ្ជាតិ ព័រទុយហ្គាល់ កីឡាករ Bruno Fernandes កំពុងគិតគូចង់ចាកចេញពីក្លិបបិសាចក្រហម Manchester United នៅចុងបញ្ចប់រដូវកាល ២០២៥-២០២៦ បន្ទាប់ពីស្នាក់នៅទីនេះអស់រយៈពេល ៥ ឆ្នាំ។ អំឡុងពេលទីផ្សារដោះដូរកីឡាកររដូវក្តៅនេះ នាខែ មិថុនា កន្លងទៅ Bruno ត្រូវបានក្លិប Al-Hilal នៃលីគ អារ៉ាប៊ីសាអ៊ូឌីត ដាក់សំណើចង់ទិញផ្តាច់យកគេពី Man United ក្នុងតម្លៃ ១៣៥ លានដុល្លារអាមេរិក និងឱ្យប្រាក់ឈ្នួលខ្ពស់កប់ពពករហូតដល់ទៅ ៩៤.៥ ម៉ឺន​ដុល្លារអាមេរិក ក្នុងមួយសប្តាហ៍។ ប៉ុន្តែបន្ទាប់ពីធ្វើការពិចារណាយ៉ាងហ្មត់ចត់ ខ្សែបម្រើសញ្ជាតិ ព័រទុយហ្គាល់ វ័យ ៣០ ឆ្នាំបានសម្រេចចិត្តបដិសេធនូវសំណើនេះ ហើយបានយល់ព្រមស្នាក់នៅជាមួយក្រុមបិសាចក្រហមបន្តទៀត។ ទោះបីជាយ៉ាងណា សារព័ត៌មាន Mail បានចុះផ្សាយថ្មីៗនេះថា Bruno នឹងបើកចិត្តទទួលយកគម្រោងថ្មីនៅចុងបញ្ចប់រដូវកាល ២០២៥-២០២៦ ហើយគាត់អាចនឹងពិចារណាផ្លាស់ទៅកាន់ក្លិបនៅ អារ៉ាប៊ីសាអ៊ូឌីត, លីគ MLS របស់សហរដ្ឋអាមេរិក ឬក្រុមលំដាប់កំពូលណាមួយក្នុងតំបន់ អឺរ៉ុប។ គួរឱ្យដឹងថា Bruno

ការប្រកួតវគ្គសន្សំពិន្ទុក្នុងពូលពានរង្វាន់ International Police Volleyball Tournament ឆ្នាំ ២០២៥ នៅប្រទេស វៀតណាម បានបញ្ចប់វគ្គ​សន្សំពិន្ទុ​ក្នុង​ពូល​ហើយ​ ខណៈក្រុមបាល់ទះ វិសាខា ស្ថិតក្នុងចំណោមក្រុមទាំង ៤ ដែលទទួលបានកៅអីឡើងទៅកាន់វគ្គពាក់កណ្តាលព្រ័ត្រ។ ក្រុមបាល់ទះ វិសាខា បានឡើងទៅកាន់វគ្គពាក់កណ្តាលផ្តាច់ព្រ័ត្រ ក្នុងនាមជាក្រុមកំពូលតារាងពូល A ដោយឆ្លងកាត់ ២ ប្រកួតឈ្នះទាំង ២ ប្រកួត។ ក្រុម The Cong-Tan Cang ឈរលេខ ២ ក្នុងពូល ដោយឆ្លងកាត់ ២ ប្រកួតពួកគេឈ្នះ ១ និងចាញ់ ១។ ដោយឡែកពូល B ក្រុមខ្លាំងមកពី ឥណ្ឌូណេស៊ី Jakarta Bhayangkara ស្ថិតនៅកំពូលតារាង ដោយឆ្លងកាត់ ២ ប្រកួត ពួកគេឈ្នះទាំង ២ ប្រកួត។ ចំណែកក្រុម Vietnam People’s Police

ក្រុម​បាល់ទាត់​នារី ភ្នំពេញ​ក្រោន បាន​អស់​ឱកាស​ឡើង​ទៅ​វគ្គ​បន្ត​ហើយ បន្ទាប់​ពី​ស្មើ ១ និង​ចាញ់ ១​ សម្រាប់​ការ​ប្រកួត​សន្សំពិន្ទុ​ក្នុង​ពូល ជុំ​ទី១ ពាន​រង្វាន់​នារីអាស៊ី AFC Women’s Champions League ឆ្នាំ ២០២៥។ ការ​ប្រកួត​ទី១ ក្រុម​នារី ភ្នំពេញ​ក្រោន បាន​ចាញ់ក្រុម​នារី​របស់​ឥណ្ឌា East Bengal ដោយ​លទ្ធផល ០-១ កាល​ពី​ថ្ងៃ​ទី ២៥ ​ខែ​សីហា ឆ្នាំ ២០២៥។ ការ​ប្រកួត​នេះ ក្រុម​តំណាង​កម្ពុជាមាន​ឱកាស​ល្អ​ច្បាស់​ ២ ដង​នៅ​មុខ​ទីរបស់​ក្រុម​នារី​ឥណ្ឌា ប៉ុន្តែ​ធ្វើ​​មិន​បាន​សម្រេច​គ្រាប់​បាល់។ ការ​ប្រកួត​ទី​២ ក្រុម​នារី​ភ្នំពេញ​ក្រោន បាន​ស្មើ ៣-៣ ជា​មួយ ក្រុម​នារី​របស់ហុងកុង Kitchee យប់​ថ្ងៃ​ទី​២៨ ខែ​សីហា ឆ្នាំ ២០២៥។ ការ​ប្រកួត​នេះ ​ក្រុម​របស់​ហុងកុង បាន​នាំ​មុខ ០-២ ទៅ​ហើយ ប៉ុន្តែ​ក្រុម​នារី​ភ្នំពេញ​ក្រោន បាន​វាយ​បក​​ដើម្បី​នាំ​មុខ ៣-២។ យ៉ាង​ណា នៅ​ចុង​ម៉ោង​៩០+៤

អ្នក​ប្រដាល់​ដើម​កំណើត​ពី​ខេត្ត​ព្រៃវែង​ សូដា​ សូសែន​ រំពឹង​នៅ​ថ្ងៃ​អនាគត​មាន​កេរ្តិ៍ឈ្មោះ​ល្បី​ និង​មាន​ជីវភាព​ធូរធា​ដូច​កីឡាករ​គុន​ខ្មែរ​ដែល​ជា​រៀមច្បង​នៅ​ពេល​បច្ចុប្បន្ន​នេះបាន​រស់នៅ​ឲ្យ​​សមរម្យ​ក្នុង​សង្គម។​ កីឡាករ​​ សូដា​ សូសែន​ បាន​ឲ្យ​ដឹង​ថា​ រូប​គេ​បន្ត​ខំប្រឹង​ប្រែង​ហ្វឹកហាត់​បន្ថែម​ទៀត​ថា​ ព្រោះ​មិន​ទាន់​សម្រេច​ក្ដី​ស្រមៃ​ ឬ​បាន​ជោគជ័យ​ដូច​ការ​រំពឹង​ទុក​នោះ​ឡើយ។​ នៅ​ថ្ងៃ​អនាគត​រូប​គេចង់​​ប្រកួត​ឈ្នះនៅ​កម្មវិធីធំៗ​មាន​ប្រាក់​រង្វាន់​ច្រើន​ និង​ចង់​ក្លាយ​ជា​កីឡាករ​ជើង​ខ្លាំងមួយ​រូប​​នៅ​កម្ពុជា។ អ្នក​ប្រដាល់​ចេញពី​ខេត្ត​ព្រៃវែង​រូប​នេះ​បន្ថែម​ទៀត​ថា​ សង្ឃឹម​ថា​នៅ​ថ្ងៃ​ខាង​មុខ​នេះ​អាច​ប្រកួតឈ្នះ​ប្រាក់​រង្វាន់​ច្រើន​មាន​ជីវភាព​ធូរធា​ជួយ​ដល់​ក្រុម​គ្រួសារ​ផង​ និង​មាន​សម្ភារ​ ផ្ទះសម្បែង​ របស់​ប្រើប្រាស់​ប្រចាំ​ថ្ងៃ​ផ្ទាល់​ខ្លួន​ដូច​កីឡាករ​មួយ​ចំនួន​ដែល​កំពុង​ជោគជ័យ​ខ្លាំង​មាន​ចំណុច​ទាំង​អស់​នេះទៅហើយ។​ បញ្ជាក់​ដែរ​ថា​ កីឡាករ​ សូដា​ សូសែន​ ជា​កូន​សិស្ស​លោក​ ផាត​ សូដា​ នៃ​ក្លឹប​ប្រដាល់​គុន​ខ្មែរ​ស៊ុបពើហ្វៃ។​ រូប​គេ​ចូលហ្វឹកហាត់​ប្រដាល់​នេះ​តាំង​ពី​ឆ្នាំ​២០២០​ មក​ម្ល៉េះ។​ កីឡាករ​វ័យ​ ២១​ឆ្នាំ​រូ​នេះ​កំពុង​មាន​កេរ្តិ៍ឈ្មោះ​គួរសម​ដែរ​ និង​ធ្លាប់​ប៉ះ​ជា​មួយ​អ្នក​ល្អៗ​ច្រើន​ដែរ​ដូច​ជា​ វ៉ាន់​ វឿន​ អេលីត​ ចំរើន​ ពេជ្រ​ ប៊ុនសិទ្ធ​ ផល​ ស៊ីហុង​ ជា​ដើម៕​ ប្រភព៖ KAMPUCHEATHMEY