Admin

(ព័រទុយហ្គាល់)៖ ការរួមចំណែកស៊ុតបាន ២គ្រាប់ពីសំណាក់ប្រធានក្រុម Cristiano Ronaldo ក្នុងជ័យជម្នះលើក្រុមអាមេនី របស់ក្រុមព័រទុយហ្គាល់ ៥-០ ក្នុងវគ្គជម្រុះ World Cup 2026 បានធ្វើឱ្យកំពូលខ្សែប្រយុទ្ធរូបនេះកើនគ្រាប់ស៊ុតបញ្ចូលទីឈានដល់ ៩៦០គ្រាប់ហើយសរុបរួមទាំងក្នុងក្លឹប នឹងជាមួយក្រុមជម្រើសជាតិ ។ ក្នុងវ័យ ៤០ឆ្នាំ បច្ចុប្បបន្ន Cristiano Ronaldo ដែលកំពុងនាំមុខគេនៅការស៊ុតបញ្ចូលទីច្រើនជាងគេជាមួយជម្រើសជាតិនោះ ស្ថិតក្នុងការប្រកួតនៅតែរកបានគ្រាប់បាល់ក្នុងជំនួបទល់ក្រុមអាមេនី ដោយធ្វើបាននៅនាទី២១ នឹងនាទី៤៦ ក្រោយពីការធ្វើបានរបស់ Joao Felix ២គ្រាប់ នឹងកីឡាករ Joao Canelo ក្នុងទឹកដីអាមេនី ពីប្រកួតដំបូងក្នុងវគ្គជម្រុះពូល F តំបន់អឺរ៉ុប នៃកម្មវិធីប្រកួត FIFA World Cup 2026 ។ សូមជម្រាបផងថា ការលេងជាមួយក្លឹបអាជីព Cristiano Ronaldo កំពុងកាន់កំណត់ត្រាស៊ុតបាន ៨០២គ្រាប់បណ្តោះអាសន្ន ពីការចូលលេងបាន ១០៦៥ប្រកួត នឹងកំពុងរកបាន ១៥៨គ្រាប់ជាមួយការបង្ហាញខ្លួនបាន ២៥៦ប្រកួតក្នុងក្រុមជម្រើសជាតិព័រទុយហ្គាល់ ទាំងពីនៅឈុតយុវជនថ្លាល ៕ ប្រភព៖ […]

ខ្សែប្រយុទ្ធឆ្នើម Kylian Mbappe កាន់តែខិតជិតនឹងបំបែកកំណត់ត្រារបស់ Olivier Giroud ដើម្បីក្លាយជាអ្នករកគ្រាប់បាល់ច្រើនជាងគេបំផុតសម្រាប់ ក្រុម​បាល់ទាត់​ជម្រើសជាតិ បារាំង បន្ទាប់ពីថ្មីៗនេះ រូបគេរកបានគ្រាប់ទី ៥១ តាមស្មើគ្រាប់បាល់របស់លោក Thierry Henry ដែលឈរ​លេខរៀងទី ២។ កាលពីថ្ងៃ សៅរិ៍ ទី ៦ ខែ កញ្ញា ឆ្នាំ ២០២៥ ប្រធានក្រុមវ័យ ២៦ ឆ្នាំរូបនេះ បានស៊ុតបញ្ចូលទី ១ គ្រាប់ រួមចំណែកជួយឱ្យក្រុមជម្រើសជាតិ បារាំង យកឈ្នះលើក្រុមជម្រើសជាតិ អ៊ុយក្រែន ក្នុងលទ្ធផល ២ ទល់នឹង ០ ក្នុងវគ្គជម្រុះព្រឹត្តិការណ៍បាល់ទាត់ជើងឯកពិភពលោក World Cup ឆ្នាំ ២០២៦ ប្រចាំតំបន់ អឺរ៉ុប។ តាមរយៈគ្រាប់បាល់មួយគ្រាប់នេះ បានធ្វើឱ្យ Mbappe រកបានគ្រាប់ទី ៥១ នៅក្នុងអាជីពរបស់ខ្លួនជាមួយក្រុមជម្រើស​ជាតិ បារាំង ដែលស្មើគ្នាជាមួយវីរបុរសលោក Henry

អ្នក​គាំទ្រ​វិស័យ​បាល់ទះ​មួយចំនួន​ប្រហែល​មិនសូវ​ចាប់​អារម្មណ៍​នៃ​ការ​លោត​ធ្វើ​រនាំង​ ឬ​ហៅ​ថា​លោត​បាំង​ក្នុង​ការ​ប្រកួត​ផ្លូវ​ការ​របស់​ក្រុម​ជម្រើស​ជាតិ​ ឬ​វិសាខា​ នោះ​ឡើយ​ ប៉ុន្តែ​ក្នុង​វិស័យ​កីឡា​មួយ​នេះ​ទាំង​កីឡាករ​ផ្ទាល់​ រួម​និង​អេដមីន​ ដែល​តាមដាន​ជាប់​ជា​មួយ​បាល់ទះ​គឺ​តែងតែ​សរសើរ​មិន​ដាច់​ពី​ថា​ ផុល​ រតនៈ​ និង​ មួន​ និមល​ បាំង​ធំ​ណាស់។​ កីឡាករ​បាល់ទះ​អាជីព​ដូច​គ្នា​ និង​ធ្លាប់​ជួប​ប្រកួត​ជា​មួយ​ វិសាខា​ គឺ​តែង​តែ​សរសើរ​ថា​កីឡាករ​ ផុល​ រតនៈ​ និង​ មួន​ និមល​ ពីរ​នាក់​នេះ​ចាប់​បាំង​ច្បាស់​ណាស់​ ពោល​ក្នុង​មួយ​សិតៗ​ប្រសិន​បើ​ពួកគេ​លោត​បាំង​ជា​មួយ​គ្នា​គឺ​ជាប់​មិន​តិច​គ្រាប់​នោះ​ឡើយ។​ ដោយ​សារ​តែ​បទ​ពិសោធ​យ៉ាង​ច្រើន​ទាំង​ក្នុង​ស្រុក​ ក្រៅ​ស្រុក​ រួម​ទាំង​ការ​ហ្វឹកហាត់​បាន​ល្អ​ កាយ​សម្បទា​ខ្ពស់​ លោត​បាន​ខ្ពស់​ ទើប​ធ្វើ​ឲ្យ​កីឡាករ​ទាំង​ពីរ​រូប​នេះ​លោត​បាំង​បាន​ល្អ​រហូត​មាន​មិត្ត​រួម​អាជីព​សរសើរ​មិន​ដាច់​ពី​មាត់​នោះ​ឡើយ។​ ចំពោះ​អេដមីន​ដែល​តាមដាន​ជាប់​ជា​មួយ​វិស័យ​បាល់ទះ​ផ្លូវ​ការ​កន្លង​ទៅ​ដឹង​ច្បាស់​ និង​សរសើរ​ថា​កីឡាករ​វិសាខា​ ឬ​ជ្រើស​ជាតិ​របស់​កម្ពុជា​ទាំង​ពីរ​នាក់​ខាង​លើ​ល្បី​ខាង​លោត​ធ្វើ​រនាំង​បាន​ល្អមែន។​ កីឡាករ​មួយ​ចំនួន​ពិបាក​ក្នុង​ការ​វាយ​ឲ្យ​ផុត​រនាំង​របស់ទាំង​ពីរ​នាក់​នេះ​ណាស់​នា​ពេល​កន្លង​មក​មិន​ថា​កីឡាករ​កម្ពុជា​ ឬ​បរទេស​ដែល​ធ្លាប់​ជួប​។​ បញ្ជាក់​ដែរ​ថា​ កីឡាករ​ ផុល​ រតនៈ និង​ មួន​ និមល​ ជា​សមាជិក​របស់​ក្រុម​បាល់ទះ​វិសាខា​ និង​ជា​កីឡាករ​ជម្រើស​ជាតិ​កម្ពុជា។​ អ្នក​ទាំង​ពីរ​គឺ​លេង​ក្នុង​តួនាទី​បាល់ដេញ (Middle Blocker) ​ដូច​គ្នា។​ រតនៈ​ បច្ចុប្បន្ន​មាន​កម្ពស់​ 1.88 Cm និង មួន​ និមល​

អ្នកចាំទី Andre Onana បានព្រមព្រៀងចាកចេញពី Manchester United ផ្លាស់ទៅកាន់ក្លិប Trabzonspor នៃលីគកំពូល តួកគី ក្នុងលក្ខខណ្ឌខ្ចីជើងនៅរដូវកាលនេះ។ យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Onana បានឆ្លើយយល់ព្រមហើយ បន្ទាប់ពី Man United សម្រេចផ្ទេររូបគេទៅកាន់ក្លិប Trabzonspor ក្នុងលក្ខខណ្ឌខ្ចីជើងក្នុងរដូវក្តៅនេះ។ កិច្ចព្រមព្រៀងនេះ គឺជាកិច្ចព្រមព្រៀងផ្ទេរក្នុងលក្ខខណ្ឌខ្ចីជើង ដោយមិនមានជម្រើសទិញផ្តាច់ឡើយ។ ដូច្នេះ នៅរដូវកាលក្រោយ ២០២៦-២០២៧ អ្នកចាំទីសញ្ជាតិ កាមេរូន វ័យ ២៩ ឆ្នាំ នឹងត្រឡប់មកកាន់ទឹកដី Old Trafford វិញ។ គួរឱ្យដឹងថា Onana ចុះកិច្ចសន្យាយកបានពី Inter Milan កាលពីរដូវក្តៅឆ្នាំ ២០២៣ ក្នុងតម្លៃ ៦៥ លានដុល្លារអាមេរិក។ ទោះបីជាយ៉ាងណា ការមកដល់ទឹកដី Old Trafford របស់អ្នកចាំទីរូបនេះ

(ភ្នំពេញ)៖ ក្រោមការដឹកនាំ និងយកចិត្តទុកដាក់របស់លោកបណ្ឌិត ថោង ខុន ទេសរដ្ឋមន្ដ្រី និងជាប្រធានគណៈកម្មាធិការជាតិអូឡាំពិកកម្ពុជា(NOCC) បានចាប់ផ្ដើមគិតគូរ និងពង្រឹងចំណេះជំនាញបន្ថែម ក្រៅពីអាជីពកីឡា ដល់កីឡាករ-កីឡាការិនី ដើម្បីងាយស្រួលចេញបំពេញការងារផ្សេងៗក្នុងសង្គម បន្ទាប់ពីចូលនិវត្តន៍ពីអាជីពកីឡា។ នេះបើតាមការលើកឡើងរបស់លោក វ៉ាត់ ចំរើន អគ្គលេខាធិការ NOCC ក្នុងពិធីបើកសិក្ខាសាលា ស្ដីពីការពង្រឹងសមត្ថភាពអត្តពលិក នៅព្រឹកថ្ងៃទី៨ ខែកញ្ញា ឆ្នាំ២០២៥ ។ សិក្ខាសាលានេះ រៀបចំដោយ NOCC ក្រោមគម្រោងសាមគ្គីអូឡាំពិក និងគាំទ្រដោយ Athlete365 របស់គណៈកម្មការអត្តពលិក នៃគណៈកម្មាធិការអូឡាំពិកអន្ដរជាតិ(IOC) ដោយមានសិក្ខាកាមជាកីឡាករ-កីឡាការិនីចំនួន ៤៥នាក់ មកពី ៣៦សហព័ន្ធកីឡាជាតិចូលរួម។ សិក្ខាសាលាខាងលើ រៀបចំឡើងក្នុង ក្នុងគោលបំណងផ្ដល់ចំណេះដឹងលើសមត្ថភាពជាមូលដ្ឋាន និងលើកកម្ពស់សមត្ថភាពដល់អត្តពលិកជម្រើសជាតិបច្ចុប្បន្ន និងអតីតអត្តពលិកជម្រើសជាតិ ដើម្បីពង្រឹងសមត្ថភាពបំណិតជីវិត និងជួយអត្តពលិករៀបចំផែនការសម្រាប់អាជីព ទាំងកំឡុងពេលកំពុងប្រកបអាជីពជាកីឡាករ-កីឡាការិនី រហូតដល់ក្រោយបញ្ចប់អាជីពកីឡា ស្របតាមទិសដៅរបស់គណៈកម្មាធិការជាតិអូឡាំពិកកម្ពុជា ក៏ដូចជាអូឡាំពិកអន្ដរជាតិផងដែរ។ លោក វ៉ាត់ ចំរើន បន្ដថា នេះគឺជាបើកទំព័រថ្មី ឆ្ពោះទៅរកសហមាហរណកម្មគ្រប់ជ្រុងជ្រោយ ដែលថ្នាក់ដឹកនាំ NOCC បានយកចិត្តទុកដាក់

(ញូវយ៉ក)៖ កីឡាករតេន្នីសលេខ២ ពិភពលោក Carlos Alcaraz បានយកឈ្នះម្ចាស់ការពារតំណែងជើងឯក Jannik Sinner ដើម្បីគ្រងជើងឯក US Open 2025 នៅទឹកដីសហរដ្ឋអាមេរិក នារាត្រីថ្ងៃអាទិត្យ ទី០៧ ខែកញ្ញា។ នេះបើយោងតាមការចេញផ្សាយដោយ BBC។ នេះជាពានធំទី២ ក្នុងកម្រិត Grand Slam ប្រចាំឆ្នាំ២០២៥ ដែលកីឡាករអន្តរជាតិអេស្ប៉ាញ ដណ្តើមបាន ក្រោយពេលឈ្នះពាន French Open របស់បារាំងរួចមក ស្របពេលគូប្រជែងដែលឈរលេខ១ ពិភពលោក សញ្ជាតិអ៉ីតាលី ដណ្តើមបានពាន Australian Open និង Wimbledon ផងនោះ។ ក្នុងជំនួបនៃវគ្គផ្តាច់ព្រ័ត្រដែលអូសបន្លាយដល់ទៅ ៤សិតផងនោះ Alcaraz ធ្វើបានល្អនៅសិតចុងក្រោយ ក្រោយពេល Sinner បានតាមស្មើលទ្ធផល ១-១ រួចមក ជាមួយនឹងលទ្ធផលផ្លូវការ ៦-២ ៣-៦ ៦-១ និង ៦-៤ នៅឯទីលានដែលស្ថិតក្នុងទីក្រុង New York

កីឡាករ​ ម៉េត​ សុភត្រ្តា​ ថា​ការ​ត្រៀម​ខ្លួន​សម្រាប់​ជើងឯក​ពិភពលោក​ លើក​ទី៨​ នៅ​ប្រទេស​ឥណ្ឌូណេស៊ី​ លើក​នេះ​ក្រុម​ជម្រើស​ជាតិ​កម្ពុជា​បាន​ហ្វឹកហាត់​ខ្លាំង​ទ្វេដង​ឯណោះ​ដោយ​យក​ចិត្ត​ទុកដាក់​បំផុត​ ព្រោះ​ជា​ការ​ប្រកួតធំ​ និង​លំបាក​ជាង​មុនៗ។​ ម៉េត សុភត្រ្តា​ បាន​ឲ្យ​ដឹង​ថា​ ការ​ប្រកួត​ជើងឯក​ពិភពលោក​នៅ​ឯ​ប្រទេស​ឥណ្ឌូណេស៊ី​លើក​នេះ​គឺ​មាន​ប្រទេស​ចុះឈ្មោះ​ចូលរួម​ច្រើន​ខុស​ពី​រាល់​ដង ដូច្នេះ​ការ​ប្រកួត​ប្រជែង​អាច​នឹង​តឹងតែង​ខ្លាំង​ក្នុង​ការ​ប្រជែង​មេដាយ។​ គិត​មក​ដល់​ពេល​នេះ​មាន​ប្រទេស​ចុះឈ្មោះ​ប្រហែល​ជាង​ ៣០​មក​ហើយ​ ស្របពេល​អាច​នឹង​មាន​ការ​ចុះឈ្មោះ​បន្តបន្ទាប់​។​ យ៉ាងណា​ក្រុម​ជម្រើស​ជាតិ​កម្ពុជាបាន​ប្រឹងប្រែង​ហ្វឹកហាត់​តាំង​តែ​ពី​ប្រមូលផ្ដុំ​របស់​ក្រសួង​អប់រំ​មក​​ម្ល៉េះ​ដោយ​មិន​បន្ធូរ​នោះ​ឡើយ។ ពោល​ការ​ហ្វឹកហាត់​គឺ​ដោយ​យក​ចិត្ត​ទុកដាក់​ និង​ហ្វឹកហាត់​ឡើង​ទ្វេដង​នៃ​ពីមុន​ៗ​ទៅ​ទៀត​ដើម្បី​ជា​ការ​ត្រៀម​ខ្លួន​ឲ្យ​បាន​ល្អ​គ្រប់គ្រាន់​សម្រាប់​ការ​ប្រកួត​នៅ​ថ្ងៃ​ខាង​មុខ​នេះ។​ បញ្ជាក់​ដែរ​ថា​ ការ​ប្រកួត​ជ្រើសរើស​ជើងឯកវ៉ូវីណាម​ពិភពលោក​ ​​លើក​ទី៨​ នឹង​ធ្វើ​ឡើង​​អំឡុង​ខែ​វិច្ឆិកា​ ឆ្នាំ​២០២៥​ នៅ​ប្រទេស​ឥណ្ឌូណេស៊ី។​ កម្ពុជា​នឹង​បញ្ជូន​កីឡាករ​ កីឡា​ការិនី​ទៅ​ចូលរួម​ក្នុង​ព្រឹត្តិការណ៍​មួយ​នេះ​ផង​ដែរ។​ ការ​ប្រកួតនៅ​ខែ​វិច្ឆិកា​នេះ​គឺជា​ការ​ប្រកួត​លើក​ទី៣​ ហើយ​សម្រាប់​ ម៉េត សុភត្រ្តា​​ ក្នុង​ព្រឹត្តិការណ៍​ជើងឯក​ពិភពលោក​នេះ​ស្រប​ពេល​លើក​ទី១​ ដែល​ខ្លួន​គឺ​នៅ​កម្ពុជា​ អំឡុង​ឆ្នាំ​២០១៩​ ដោយ​កាល​នោះ​រូប​គេ​ឈ្នះ​មេដាយ​ ៩គ្រឿង​ មាស១ ប្រាក់៣​ សំរឹទ្ធ៥។​ លើក​ទី២​ ធ្វើ​នៅ​ប្រទេស​វៀតណាម​ អំឡុង​ឆ្នាំ​២០២៣​ ដោយ​កាល​នោះ​រូប​គេ​ឈ្នះ​មេដាយ​ ៥គ្រឿង​ មាស១​ ប្រាក់​២ សំរឹទ្ធ២៕ ប្រភព៖ KAMPUCHEATHMEY

(បរទេស)៖ ខ្សែប្រយុទ្ធជួរមុខ Memphis Depay បានក្លាយជាកីឡាករស៊ុតបញ្ចូលទីច្រើនជាងគេ ចំពោះក្រុមជម្រើសជាតិហូឡង់ នៅពេលរកបាន ២គ្រាប់ម្នាក់ឯង រួមចំណែកជួយក្រុមរហស្សនាម «ទឹកក្រូច» មួយនេះយកឈ្នះម្ចាស់ផ្ទះលីទុយអានី ៣-២ ជម្រុះ World Cup 2026 យប់មិញប្រចាំតំបន់អឺរ៉ុប។ ពីគេហទំព័រកីឡា BBC បានចេញផ្សាយថា ២គ្រាប់បន្ថែមក្រៅដីនេះដែរ នាំឱ្យកីឡាករវ័យ ៣១ឆ្នាំដែលត្រូវបានជ្រើសរើសចេញក្លឹប Corinthians កើនដល់ ៥២គ្រាប់គិតចាប់ពីឆ្នាំ២០១៣ និងបំបែកកំណត់ត្រាចាស់របស់អតីតមិត្តរួមជាតិ Robin van Persie ទៀតផង។ Depay ដែលផ្លាស់ចេញពីទឹកដីអឺរ៉ុបទៅលេងនៅលីគកំពូលប្រេស៊ីលកាលឆ្នាំទៅ ជាអ្នករកបានគ្រាប់ជ័យជម្នះ ៣ពិន្ទុ ពីការបញ្ជូនរបស់ Denzel Dumfries ពីការចូលលេងលើកទី១០៤ប្រកួតសម្រាប់ហូឡង់ទៀតផង ដើម្បីយកឈ្នះក្រុមដែលឈរនៅចំណាត់ថ្នាក់ទី១៤៣ ពិភពលោកទាំងប្រផិតប្រផើយ។ លីទុយអានី បានវាយបកតាមស្មើ ២-២ នៅមុនពេលបញ្ចប់វគ្គទី១ បន្ទាប់ពីក្រុមពុំដែលឈ្នះពាន World Cup បានត្រឹមរងជើងឯក ១លើកកាលឆ្នាំ២០១០ បើកការនាំមុខ ២គ្រាប់មុន និងជាការទម្លាយសំណាញ់ទីក្រុមខ្លាំងនៅអឹរ៉ុបលើកដំបូងនេះដែររបស់ពួកគេ។ ឆ្លងតាមជ័យជម្នះនៅទីក្រុង Kaunas នេះដែរ ហូឡង់នៅតែបន្តគ្រប់គ្រងតំណែងកំពូលតារាងប្រចាំពូល G

ប្រធានក្រុមជម្រើសជាតិ អាហ្សង់ទីន កីឡាករ Lionel Messi បានបង្ហាញភាពស្រពិចស្រពិល ក្នុងការចូលលេងព្រឹត្តិការណ៍បាល់ទាត់ជើងឯកពិភពលោក World Cup ឆ្នាំ ២០២៦ នៅ សហរដ្ឋអាមេរិក កាណាដា និង ម៉ិកស៊ិក។ កាលពីថ្ងៃ សុក្រ ទី ៥ ខែ កញ្ញា កន្លងទៅ ក្រុមជម្រើសជាតិ អាហ្សង់ទីន បានយកឈ្នះ វ៉េណេស៊ុយអេឡា ៣-០ ក្នុងវគ្គជម្រុះ World Cup ២០២៦ នៅកីឡដ្ឋាន Estadio Monumental ក្នុងប្រទេស អាហ្សង់ទីន។ បន្ទាប់ពីការប្រកួតនោះបញ្ចប់ Messi បានប្រកាសដំណឹងដ៏ក្រៀមក្រំមួយ ថា ការប្រកួតនេះ គឺជាការប្រកួតចុងក្រោយហើយ ដែលគាត់លេងតំណាងឱ្យក្រុមរហស្សនាមពពស នៅក្នុងប្រទេស អាហ្សង់ទីន ដែល​ជា​ទឹកដីកំណើតរបស់ខ្លួន។ ជាមួយគ្នានេះ Messi ក៏បានបង្ហើបផងដែរ ថា គាត់មិនទាន់បានសម្រេចចិត្តនៅឡើយទេ អំពីអនាគតរបស់​ខ្លួន​ក្នុងការចូលលេង World Cup

គ្រូ​បង្វឹក​ក្រុម​បាល់ទាត់​ជម្រើស​ជាតិ​ U-23​ របស់​កម្ពុជា​លោក​ Koji​ បាន​ពន្យល់​ចំណុច​ខ្វះខាត​របស់​កូន​ក្រុម​​ថា​មាន​ឱកាស​ច្រើន​នៅ​មុខ​ទី​ហើយ​ ប៉ុន្តែ​មិន​អាច​រក​គ្រាប់​បាល់បាន​នោះ​គឺ​ដោយសារ​ពួកគេ​នៅយឺត​រហូត​ដល់​ខ្សែការពារ​អាច​បិទ​ ឬ​មក​ទាន់។​ ឆ្លើយ​តប​ជា​មួយ​សំនួរ​ «ឱកាស​មាន​ច្រើន​មុខ​ទីគូ​ប្រកួត​ ប៉ុន្តែ​កីឡាករ​កម្ពុជា​មិន​អាច​រក​គ្រាប់​បាល់​បន្ថែម​ទៀត​បាន​តើ​លោក​គ្រូ​យល់​យ៉ាងណា?» លោក​ Koji​ ថា​មើល​ឃើញ​ពី​ចំណុច​ខ្វះខាតរបស់​ក្រុម​គឺ​នៅ​យឺត​ទម្រាំ​បាន​ស៊ុតបាល់។​ នៅ​ពេល​មិត្ត​រួមក្រុម​បាន​បញ្ជូន​បាល់​មក​កណ្ដាល​ក្នុង​តំបន់​ទី​រួច​មក​អ្នក​ទទួល​បាល់​មិន​ទាត់​ភ្លាមៗ​នោះ​ឡើយ​រហូត​ដល់​ខ្សែការពារ​មក​ទាន់​ ឬ​មក​បិទ​បាល់​នោះ​ទើប​ធ្វើ​ឲ្យ​ពួកគេ​មិន​អាច​ទាត់​បាន​ល្អ​ក៏​ដូច​ជា​ស៊ុត​បញ្ជូល​សំណាញ់​ទី​បាន​សម្រេច។​ បន្ថែមពី​នេះ​ទៀត​គ្រូ​បង្វឹក​ខាង​លើ​ក៏​មិន​សូវ​ពេញ​ចិត្ត​ចំពោះ​ការ​ដាក់​កីឡាករ​មួយ​ឈុត​ប៉ះ​ជា​មួយ​ អូម៉ង់​ នេះ​ដែរ​ ព្រោះ​អ្នក​ដែល​ចូល​លេង​ទាំង​នោះ​មិន​សូវ​ជាប់​ជម្រើស​ ឬ​បាន​ប្រកួត​ច្រើន​​នោះ​ឡើយ។​ ដឹង​ស្រាប់​ហើយ​​មិន​ថា​តែ​នៅ​កម្ពុជា​នោះ​ឡើយ​កីឡាករ​ដែល​ត្រូវ​បាន​ជ្រើសរើស​មក​គឺ​ភាគ​ច្រើន​ជា​កីឡាករ​ដែល​បាន​ចេញ​ប្រកួត​ច្រើន​ ឬ​បង្ហាញ​មុខ​ក្នុង​ការ​ប្រកួត​ច្រើន​ដង។​ ប៉ុន្តែ​ដឹង​ហើយ​ថា​នៅ​ប្រកួត​ដំបូង​របស់​កម្ពុជាមាន​ភ្លៀង​ធ្វើ​ឲ្យ​កីឡាករ​ម្នាក់ៗ​អស់​កម្លាំងខ្លាំង​ដែល​រហូត​លោក​ត្រូវ​បង្ខំ​ចិត្តដាក់​​កីឡាករ​ថ្មី​ៗ​ជំនួស​បែប​នេះ។​ បញ្ជាក់​ដែរ​ថា​ ក្រុម​បាល់ទាត់​ជម្រើស​ជាតិ​កម្ពុជា​ U-23​ បាន​យក​ឈ្នះ​លើ​ក្រុម​​បាល់ទាត់​ ប៉ាគីស្ថាន ដោយ​លទ្ធផល​ 1-0 កាល​ពី​ថ្ងៃទី៦​ ខែ​កញ្ញា​ ឆ្នាំ​២០២៥​ ​វគ្គ​ជម្រុះ​ក្នុង​ពូល​ G នៃ​ពាន​រង្វាន់​ AFC U23 Asian Cup ២០២៦។​ បច្ចុប្បន្ន​កម្ពុជា​មាន​ ៤ពិន្ទុ​ បន្ទាប់​ពី​ស្មើ 0-0 ជា​មួយ​ អូម៉ង់​ និង​ឈ្នះ​ ប៉ាគីស្ថាន 1-0។​ ប្រកួត​បន្ទាប់កម្ពុជា​នឹង​ត្រូវ​ប៉ះ​ក្រុម​ខ្លាំង​​ អ៊ីរ៉ាក់​ ថ្ងៃ​ទី៩​ ខែ​កញ្ញា​ ឆ្នាំ​២០២៥